Оид ба фаъолият ва рӯзгори сиккашиноси маъруфи тоҷик конфронси байналмилалӣ доир шуд
ДУШАНБЕ, 16.11.2025 /АМИТ «Ховар»/. Дар Осорхонаи миллии Тоҷикистон бо мақсади арҷгузорӣ ба мероси илмии донишманд ва муҳаққиқи варзида, доктори илмҳои таърих, бостоншинос ва сиккашиноси маъруфи тоҷик шодравон Давлатхоҷа Довудӣ ва шахсияти ин олими барҷаста таҳти унвони «Саҳми Давлатхоҷа Довудӣ дар рушди илми бостоншиносӣ ва сиккашиносии Тоҷикистон» конфронси байналмилалии илмӣ-назариявӣ баргузор гардид.
АМИТ «Ховар» бо истинод ба Осорхонаи миллии Тоҷикистон иттилоъ медиҳад, ки конфронси байналмилалӣ барои табодули андешаҳо оид ба масъалаҳои таърих, бостоншиносӣ ва сиккашиносӣ бо иштироки олимон, муаррихон ва пажуҳишгарони ватанӣ ва хориҷӣ гузаронида шуд.
Олимон, пажӯҳишгарон, намояндагони осорхонаҳо ва муассисаҳои илмӣ дар конфронс дар мавзуъҳои гуногун, ки фарогири фаъолияти илмии Давлатхоҷа Довудӣ буданд, маъруза намуданд.
Гуфта шуд, ки Давлатхоҷа Довудӣ яке аз поягузорони илми сиккашиносӣ (нумизматика) дар Тоҷикистон буда, оид ба таърихи иқтисодӣ, тиҷорат ва муомилоти пулӣ дар мамлакат таҳқиқоти арзишманд анҷом додааст. Ҳамзамон саҳми назарраси олим дар рушди бостоншиносӣ ва иқтисодшиносии таърихӣ таъкид карда шуд.
Конфронси байналмилалӣ барои баррасии натиҷаҳои таҳқиқоти устод Давлатхоҷа Довудӣ дар соҳаи сиккашиносӣ ва таърихи иқтисодӣ, шиносоии ҷавонон бо мактаби илмии ӯ, инчунин таҳкими робитаҳои илмӣ байни муассисаҳои таҳқиқотӣ ва осорхонаҳои кишварҳои минтақа ҳамчун минбари муҳими илмӣ арзёбӣ гардид.
Дар таърихи илму фарҳанги тоҷикон шахсиятҳое ҳастанд, ки бо заҳмати пайгирона, садоқат ба илм ва меҳри беандоза ба Ватан тавонистаанд пояҳои худшиносӣ ва донишҳои миллиро таҳким бахшанд. Яке аз чунин чеҳраҳои барҷаста муҳаққиқ ва омӯзгори шинохта, шодравон Давлатхоҷа Довудӣ мебошад, ки умри пурбаракати худро ба омӯзиши таърихи халқи тоҷик, махсусан давраҳои қадим ва асримиёнагӣ бахшидааст.
Имрӯз мероси илмии донишманди фидокор Давлатхоҷа Довудӣ, ки бо садоқати илмӣ ва муҳаббат ба Ватан илми тоҷикро ба сатҳи ҷаҳонӣ баровард, ҳамчун ганҷи бебаҳои фарҳанги миллӣ барои наслҳои оянда хизмат менамояд.
АКС: Осорхонаи миллии Тоҷикистон
«ҲИФЗИ МЕРОС». Бо мақсади муаррифии сазовори таъриху фарҳанги миллати тоҷик маҷаллаи илмӣ ба нашр расид
РӮЗҲОИ ФАРҲАНГИ ЧИН ДАР ТОҶИКИСТОН. Дар Донишкадаи давлатии фарҳанг ва санъат барномаи фарҳангӣ доир шуд
«МАВЛОНО ВА ТАМАДДУНИ ИНСОНӢ». Ин китоби Президенти Ҷумҳурии Тоҷикистон дар озмуни байналмилалӣ сазовори ҷойи якум гардид
Байни АМИТ «Ховар» ва Агентии иттилоотии «S.P.A»-и Арабистони Саудӣ Ёддошти тафоҳум оид ба ҳамкорӣ дар соҳаи мубодилаи иттилоот ба имзо расид
Дар Эрон Фестивали байналмилалии «Фаҷр» баргузор гардид
Сокинони шаҳри Бӯстон соҳиби туҳфаи арзандаи Пешвои миллат — «Шоҳнома»-и Ҳаким Фирдавсӣ мегарданд
Раиси Маҷлиси Бузурги Миллии Туркия дар Осорхонаи миллии Тоҷикистон бо таъриху фарҳанги миллати тоҷик шинос шуд
Дар Ҷумҳурии Тоҷикистон Рӯзҳои фарҳанги Ҷумҳурии Мардумии Чин ифтитоҳ шуданд
Ҳайати ҳунарии Ҷумҳурии Мардумии Чин бо Осорхонаи миллии Тоҷикистон шинос шуд
Раиси Маҷлиси Бузурги Миллии Туркия бо мамнуъгоҳи таърихию фарҳангии Ҳисор шинос шуд
Рӯзҳои фарҳанги Ҷумҳурии Мардумии Чин дар Ҷумҳурии Тоҷикистон ифтитоҳ меёбанд
Туҳфаи арзандаи Пешвои миллат — «Шоҳнома»-и Абулқосим Фирдавсӣ ба 60 ҳазор оилаи шаҳри Панҷакент тақдим мегардад
