Соли 2026 Кодекси энергетикии Ҷумҳурии Тоҷикистон қабул мегардад
ДУШАНБЕ, 24.12.2025 /АМИТ «Ховар»/. Соли 2026 Кодекси энергетикии Ҷумҳурии Тоҷикистон қабул мегардад. Дар ин хусус АМИТ «Ховар» бо истинод ба Вазорати энергетика ва захираҳои оби Ҷумҳурии Тоҷикистон хабар медиҳад.
Дар айни замон лоиҳаи Кодекси энергетикии Ҷумҳурии Тоҷикистон дар баррасӣ қарор дорад. Лоиҳаи Кодекси энергетикӣ фарогири масъалаҳои калидии соҳа, аз ҷумла баланд бардоштани самаранокии энергетикӣ танзими муносибатҳо дар бахши истеҳсол, интиқол ва истифодаи неруи барқ, гармӣ ва геотермалӣ, рушди манбаъҳои барқароршавандаи энергия, таъмини амнияти энергетикӣ ва ҷалби сармоягузорӣ мебошад.
Ин санад барои танзими ҳамаҷонибаи муносибатҳои ҳуқуқӣ дар бахши энергетика ва таҳкими заминаи қонунгузорӣ ҷиҳати рушди устувори соҳа аҳамияти хос дорад.
Вазорати энергетика ва захираҳои оби Ҷумҳурии Тоҷикистон барои расидан ба истиқлолияти энергетии мамлакат нақша дорад, ки соли 2026 корҳои сохтмони неругоҳҳои барқи офтобиро дар қисмати ҷанубу шимоли мамлакат бо иқтидори умумии 1500 МВт оғоз намояд. Инчунин соли 2026 татбиқи марҳилаи дуюми лоиҳаҳои кам намудани талафоти неруи барқ дар 26 шаҳру ноҳияҳои ҷумҳурӣ ва корҳои сохтмонӣ дар доираи лоиҳаи «Сохтмони шабакаҳои барқӣ дар Ҷамоати деҳоти Ромит – марҳилаи 2» оғоз мегарданд.
Амалӣ намудани ин нақшаҳо имкон медиҳад, ки соли 2026 дар самти ноил шудан ба ҳадафҳои миллӣ дар соҳаи энергетика қадамҳои устувор гузошта шуда, устувории таъминот, самаранокии истифода ва имконияти содироти неруи барқ боз ҳам тақвият ёбад.
АКС: АМИТ «Ховар»
Дар Тоҷикистон беш аз 29 ҳазор тонна равғани растанӣ истеҳсол шудааст
Вазири саноат ва технологияҳои нав бо муовини Сарвазир – Вазири зеҳни сунъӣ ва рушди рақамии Қазоқистон вохӯрӣ намуд
Тоҷикистон ҳамкориро бо Италия барои воридоти технологияҳои истеҳсолӣ тақвият медиҳад
Байни Хадамоти гумрук ва ширкати ҷопонии «Yachiyo Engineering Co., LTD» оид ба хизматрасонии машваратӣ шартнома ба имзо расид
Тоҷикистон ҳамкориро бо «Google DeepMind» дар соҳаи рушди зеҳни сунъӣ густариш медиҳад
Бо мақсади иҷрои «Барномаи давлатии таъмини оби нӯшокӣ ва рафъи обҳои партов барои солҳои 2025-2029» ҳамоиш доир шуд
Дар Саммити байналмилалии «AI Impact Summit» татбиқи зеҳни сунъӣ дар идоракунии давлатии Тоҷикистон муаррифӣ шуд
Роҳбарияти Корпоратсияи «Microsoft» барои густариши ҳамкорӣ бо Тоҷикистон дар самти рушди зеҳни сунъӣ изҳори омодагӣ намуд
Бо мақсади рушди устувори соҳаи захираҳои об Ёддошти тафоҳуми ҳамкорӣ ба имзо расид
Масоили маблағгузории идомаи сохтмони НБО –и «Роғун» баррасӣ гардид
Блогерони тоҷик ба маблағи беш аз 5 миллион сомонӣ андоз супориданд
Зимни баргузории амалиёти назоратӣ дар Рашт 60 кабк ва як яроқи шикорӣ мусодира карда шуд
