Дар Ишкошим зеристгоҳи барқии «Қозидеҳ» ба истифода дода мешавад
ДУШАНБЕ, 08.01.2026 /АМИТ «Ховар»/. Интизор меравад, ки соли 2026 дар ноҳияи Ишкошими Вилояти Мухтори Кӯҳистони Бадахшон зеристгоҳи барқии «Қозидеҳ» ба истифода дода шавад, иттилоъ медиҳад АМИТ «Ховар» бо истинод ба Вазорати энергетика ва захираҳои оби Ҷумҳурии Тоҷикистон.
Вазири энергетика ва захираҳои оби Ҷумҳурии Тоҷикистон Далер Ҷумъа дар Вилояти Мухтори Кӯҳистони Бадахшон бо ҷараёни сохтмони зеристгоҳи барқии 110/35-киловолтаи «Қозидеҳ» шинос шуд. Иттилоъ дода шуд, ки дар айни замон 70 фоизи сохтмони зеристгоҳи барқии «Қозидеҳ» ба анҷом расида, корҳои боқимонда мутобиқи нақшаи тасдиқгардида идома доранд.
Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон 26 июни соли 2025 ба сохтмони ин зеристгоҳи барқӣ оғози расмӣ бахшида буданд.
Бунёди зеристгоҳи барқии «Қозидеҳ» дар самти таҳкими инфрасохтори энергетикии вилояти Бадахшон аҳамияти хосса дошта, ба баланд бардоштани эътимоднокӣ ва устувории таъминоти неруи барқ дар минтақа мусоидат менамояд.
Татбиқи лоиҳа имкон фароҳам меорад, ки талафоти техникии неруи барқ коҳиш ёфта, таъмини аҳолӣ ва муассисаҳои иҷтимоию иқтисодии ноҳияи Ишкошим бо барқ беҳтар гардад.
АКС: Вазорати энергетика ва захираҳои оби Ҷумҳурии Тоҷикистон
Нишасти Кумитаи пайгирии иҷрои Протоколи Комиссияи муштараки Тоҷикистону Эрон баргузор гардид
Дар Минтақаи озоди иқтисодии «Кӯлоб» Маркази логистикӣ таъсис дода мешавад
Ҷаласаи 8-уми Комиссияи муштараки Тоҷикистон ва Покистон оид ба ҳамкории тиҷоратӣ, иқтисодӣ ва илмӣ-техникӣ доир мегардад
Дар Тотористон бо соҳибкорони Тоҷикистон вохӯрӣ доир гардид
Хатҳои интиқоли барқ дар Кӯҳистони Мастчоҳ бояд навсозӣ карда шаванд
Дар Минтақаи озоди иқтисодии «Данғара» таъсиси корхонаҳои нав бо сармоягузорони эронӣ баррасӣ гардид
Дар Деҳлӣ ҳамкории Тоҷикистон ва Ҳиндустон дар соҳаи саноат ва технологияҳои муосир баррасӣ шуд
Дар Тоҷикистон саҳми бахши хусусӣ дар истеҳсоли молҳо ба 80 фоиз расид
Созишномаи шарикии давлат ва бахши хусусӣ оид ба амалишавии рушди низоми почтаи Тоҷикистон ба имзо расид
ИЛОҶИ ВОҚЕА-ПЕШ АЗ ВУҚУЪ. Дар Тоҷикистон майдони тухмгузории малах муайян карда шуд
Дар шаҳри Турсунзода беш аз 6 ҳазор бех ниҳол шинонида шуд
Дар рӯзҳои Ҷашни байналмилалии Наврӯз қатораи байналмилалии сайёҳии «Jibek Joly» («Роҳи Абрешим») ба Душанбе мерасад
