«Тоҷик Эйр» тавассути лизинги молиявӣ ду ҳавопаймои «Airbus» харидорӣ менамояд
ДУШАНБЕ, 30.01.2026 /АМИТ «Ховар»/. Ширкати миллии ҳавопаймоии «Тоҷик Эйр» тасмим гирифтааст, ки тавассути лизинги молиявӣ ду ҳавопаймои тамғаи «Airbus» харидорӣ намояд. Ин масъала моҳи июни соли 2025 аз ҷониби директори генералии «Тоҷик Эйр» Парвиз Шодмонзода ва ноиби президенти гурӯҳи «Airbus Group» Шарбел Йозкатлӣ дар Париж баррасӣ шуда буд. Дар ин хусус 28 январ зимни нишасти матбуотӣ оид ба ҷамъбасти фаъолияти Агентии авиатсияи гражданӣ ва корхонаҳои авиатсионии мамлакат иттилоъ дода шуд.
Парвиз Шодмонзода иброз намуд, ки соли 2025 ширкати миллии ҳавопаймоии «Тоҷик Эйр» баҳси деринаро бо ширкати литвагии UAB «Skyroad Leasing» ҳал намуд ва қарзи «Тоҷик Эйр» ба ин ширкат ба маблағи 36,6 миллион доллар пурра пардохт карда шуд. Пас аз ҳалли ниҳоии ин баҳс дигар ҳеҷ гуна мусодира, маҳдудият ё гаронии амвол нисбат ба суратҳисобҳои бонкии Ҷамъияти саҳомии кушодаи «Тоҷик Эйр» дар хориҷа ва дар ягон гӯшаи ҷаҳон нахоҳад буд.
«Ба таври мушаххас, мусодираи ҳавопаймои Boeing 737-300 (EY-444), ки ба «Тоҷик Эйр» тааллуқ дошт ва аз соли 2019 дар фурудгоҳи байналмилалии Внуково таваққуф карда буд, бекор гардид. Аз ин рӯ, Ҷамъияти саҳомии кушодаи «Тоҷик Эйр» метавонад парвозҳои байналмилалиро бе ягон маҳдудият анҷом диҳад», — афзуд манбаъ.
Марзия САИДЗОДА,
АМИТ «Ховар»
АКС: АМИТ «Ховар»
Байни ширкати ҳавопаймоии хусусии «Shohin Airlines» ва Бунёди сармоягузории аврупоӣ Созишномаи сармоягузорӣ ба имзо расид
Ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир гардид
Дар Вашингтон дурнамои ҳамкории Тоҷикистон бо Бонки ҷаҳонӣ дар самти рушди инфрасохтори роҳу нақлиёт баррасӣ шуд
Тоҷикистон ҳамкориро бо Барномаи ҷаҳонии озуқаворӣ дар самти устувории иқлимӣ тақвият медиҳад
То соли 2030 ҳаҷми савдо байни Тоҷикистон ва Қазоқистон ба 2 миллиард доллар расонида мешавад
Тоҷикистон ба таҷрибаи бузургтарин оператори бозори неруи барқи Аврупо — Nord Pool мароқ зоҳир намуд
Дар Бохтар таҳти роҳбарии муовини Сарвазири Тоҷикистон Усмоналӣ Усмонзода ҷаласаи гурӯҳи корӣ доир шуд
Хизматрасонии техникии зеристгоҳҳои конвертории тарҳи «CASA-1000» дар Тоҷикистон ва Покистон соли 2028 ба анҷом мерасад
Дар Конфронси байналмилалии «Таҳаввулоти нақлиёт-2026» рушди инфрасохтори долонҳои нақлиётӣ баррасӣ шуд
Дурнамои нишондиҳандаҳои рушди иқтисодию иҷтимоии вилояти Суғд ва минтақаи Рашт муаррифӣ карда шуд
Бахшида ба Рӯзи ҷаҳонии ҳифзи пиряхҳо ва ташаббусҳои ҷаҳонии Тоҷикистон дар соҳаи обу иқлим ва ҳифзи пиряхҳо конфронси миллӣ баргузор шуд
Байни Ҳукумати Ҷумҳурии Тоҷикистон ва Созмони озуқаворӣ ва кишоварзии СММ Ёддошти тафоҳум ба имзо расид
