НИШАСТИ МАТБУОТӢ. Кишоварзони ноҳияи Лахш соли 2025 беш аз 111 ҳазор тонна картошка истеҳсол намуданд
ЛАХШ, 02.02.2026 /АМИТ «Ховар»/. Мувофиқи ҳисоботи оморӣ, сокинони ноҳияи Лахш соли 2025 дар ҳама шаклҳои хоҷагидорӣ, яъне дар заминҳои наздиҳавлигӣ, хоҷагиҳои деҳқонӣ ва заминҳои хоҷагии ёрирасон дар 5507 гектар картошка кишт намуданд. Кишоварзони ноҳия тавассути меҳнати зиёд, мусоид омадани боду ҳаво, сари вақт бо оби полезӣ таъмин намудану риояи қоидаҳои агротехникӣ 111 ҳазору 023 тонна картошка истеҳсол намуданд. Қисми зиёди ин картошкаро соҳибкорон ба бозорҳои мамлакат ворид намуданд. Ин матлабро Раиси ноҳияи Лахш Каромиддин Холзода зимни нишасти матбуотӣ баён дошт.
Иброз гардид, ки соли 2025 ҳаҷми умумии истеҳсоли маҳсулоти кишоварзӣ дар ноҳия ба 586,8 миллион сомонӣ баробар гардид, ки нисбат ба соли 2024 22,1 миллион сомонӣ зиёд мебошад.
Тавре дар нишасти матбуотӣ гуфта шуд, барои дар сатҳи баланд таҷлил намудани ҷашни бузурги 35-солагии Истиқлоли давлатии Ҷумҳурии Тоҷикистон дар ноҳияи Лахш бунёди 124 иншооти дорои аҳамияти гуногун ба нақша гирифта шудааст. То имрӯз 81 иншоот мавриди истифода қарор гирифта, дар 43 иншооти боқимонда сохтмон ва лоиҳакашӣ идома дорад. Ҳоло корҳои сохтмонӣ дар биноҳои Қасри фарҳанг, мактаби мусиқии ноҳия, шуъбаи маориф, бинои маъмурии мақомоти адлия, Маркази бехатарии озуқаворӣ, бинои шабакаҳои барқии ноҳия, бинои муассисаи таълимии №9 ва таҷдиду азнавбарқароркунии каналҳои обрасони Пиёзӣ, Ғулама, пойгоҳҳои обкашии Хингсой, Корвонгузар, Бушолон, Сафеддорак, Пилдон ва кашидани хати оби нӯшокӣ дар деҳаи Лолазори Ҷамоати деҳоти Пилдон идома доранд.
Субҳониддини МАҲМУД,
АМИТ «Ховар»
АКС: АМИТ «Ховар»
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардид
ИМРӮЗ-РӮЗИ БАЙНАЛМИЛАЛИИ ҲИМОЯИ ҲУҚУҚИ ИСТЕЪМОЛКУНАНДАГОН. Зиёда аз 86 тонна маҳсулоти бесифати бозорҳои истеъмолӣ нобуд карда шуд
Байни ширкати ҳавопаймоии хусусии «Shohin Airlines» ва Бунёди сармоягузории аврупоӣ Созишномаи сармоягузорӣ ба имзо расид
Ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир гардид
Дар Вашингтон дурнамои ҳамкории Тоҷикистон бо Бонки ҷаҳонӣ дар самти рушди инфрасохтори роҳу нақлиёт баррасӣ шуд
Тоҷикистон ҳамкориро бо Барномаи ҷаҳонии озуқаворӣ дар самти устувории иқлимӣ тақвият медиҳад
То соли 2030 ҳаҷми савдо байни Тоҷикистон ва Қазоқистон ба 2 миллиард доллар расонида мешавад
Тоҷикистон ба таҷрибаи бузургтарин оператори бозори неруи барқи Аврупо — Nord Pool мароқ зоҳир намуд
Дар Бохтар таҳти роҳбарии муовини Сарвазири Тоҷикистон Усмоналӣ Усмонзода ҷаласаи гурӯҳи корӣ доир шуд
Хизматрасонии техникии зеристгоҳҳои конвертории тарҳи «CASA-1000» дар Тоҷикистон ва Покистон соли 2028 ба анҷом мерасад
