Татбиқи лоиҳаи таҷдиди роҳи мошингарди Душанбе-Кулма баррасӣ гардид
ДУШАНБЕ, 10.03.2026 /АМИТ «Ховар»/. Татбиқи лоиҳаи таҷдид ва навсозии роҳи мошингарди Душанбе-Кулма, қисмати Рӯшон-Варшез дар мулоқоти Вазири нақлиёти Ҷумҳурии Тоҷикистон Азим Иброҳим бо ҳайати Бонки Исломии Рушд таҳти роҳбарии Мудири амалиёти минтақавии гурӯҳи Бонки Исломии Рушд Фарид Аҳмад Хон дар Душанбе баррасӣ гардид. Дар ин хусус АМИТ «Ховар» бо истинод ба Вазорати нақлиёти мамлакат иттилоъ медиҳад.
Вазири нақлиёт иброз дошт, ки роҳи мазкур қисмати долони мултимодалии байналмилалии «Чин-Тоҷикистон-Узбекистон-Туркманистон-Эрон-Туркия-Аврупо» буда, ҳам барои Тоҷикистон ва ҳам барои минтақа аҳамияти муҳими стратегӣ дорад. Дарозии роҳи мошингарди «Рӯшон –Варшез» 235 км-ро ташкил дода, он ба категорияи 3-юми роҳҳо дохил мебошад.
Ин тарҳ марҳила ба марҳила татбиқ гардида, дар марҳилаи яум 40 километр ва дар марҳилаи дуюм 33 километри роҳ таҷдид ва навсозӣ карда мешавад. Ҷонибҳо рушди ҳамкории дуҷониба, аз ҷумла татбиқи лоиҳаҳои давлатии сармоягузории роҳу нақлиётро баррасӣ намуданд. Фарид Аҳмад Хон аз саъю кӯшиши роҳбарияти вазорат барои тақвияти ҳамкории дуҷониба, сари вақт ва бо сатҳу сифати ба талабот ҷавобгӯ ба анҷом расонидани татбиқи лоиҳаҳое, ки аз ҷониби Бонк маблағгузорӣ мешаванд, изҳори минатдорӣ намуд. Иброз гардид, ки Бонки Исломии Рушд минбаъд низ барои рушди соҳаи нақлиёти Ҷумҳурии Тоҷикистон ҳамкориро идома мебахшад.
Бояд гуфт, ки Тоҷикистон ва Бонки Исломии Рушд ҳанӯз аз солҳои 2000-ум ҳамкорӣ намуда, ба якчанд дастовардҳо ноил гардидаанд. Бонки Исломии Рушд дар татбиқи лоиҳаҳои таҷдид ва навсозии роҳҳои дорои аҳамияти байналмилалии Тоҷикистон саҳми назаррас гузоштааст.
АКС: Вазорати нақдиёти Ҷумҳурии Тоҷикистон
«ITB Berlin 2026». Дар доираи намоишгоҳ ширкатҳои сайёҳии Тоҷикистон беш аз 20 шартномаи ҳамкорӣ ба имзо расониданд
Дар минтақаи ҷангалпарварии ноҳияи Рӯдакӣ зиёда аз 30 ҳазор бех ниҳол шинонида шуд
Дар водиҳои Тоҷикистон кишти картошка идома дорад
Дар шоҳроҳи Роғун — Нуробод зиёда аз 900 бех ниҳоли олуча ва дарахтони сояафкан шинонида шуд
«Стратегияи рушди саноат дар Ҷумҳурии Тоҷикистон барои давраи то соли 2030» мавриди амал қарор дорад
НИСОИ БУЛУНКӮЛ. Муаррифии фаъолияти зане, ки роҳбарии Истгоҳи ҳавосанҷиро дар ноҳияи Мурғоб бар уҳда дорад
КИШТИ БАҲОРӢ. Моҳи март дар Тоҷикистон кишти сабзавот оғоз мегардад
Сарвазири Тоҷикистон Қоҳир Расулзода дар ноҳияи Ашт бо раванди бунёди неругоҳи барқи офтобӣ шинос шуд
Дар Душанбе оид ба дастгирии экосистемаи стартапҳо дар Тоҷикистон ҳамоиш баргузор гардид
Сарвазири мамлакат Қоҳир Расулзода бо раванди сохтмони корхонаи ғанигардонии маъдани оҳани ҶСП «Комбинати металлургии тоҷик» шинос шуд
«Moody’s Ratings»: Рейтинги соҳибихтиёрии қарзии Тоҷикистон ба дараҷаи «B2» бо дурнамои «устувор» баланд бардошта шуд
Самтҳои асосии Паёми Президенти Тоҷикистон ба Маҷлиси Олӣ дар Хадамоти гумрук тавзеҳ дода шуданд
