Машварати меъморон
Турсунзода, 15 май. (АМИТ «Ховар», Ҳотам Рабиев).- Дар шаҳри Турсунзода семинари сохтмончиён дар мавзӯи «Дастгирӣ ва рушди фаъолияти меъморию шаҳрсозӣ» баргузор гардид. Дар ҷамъомад роҳбарони корхонаҳои фаръӣ ва сармеъморони навоҳии тобеи марказ ширкат доштанд. Дар семинар директори Корхонаи воҳиди давлатии «Лоиҳакаш» М. Халифаев сухан гуфт.Меъморони ноҳияҳои тобеи марказ баробари шунидани навигариҳо дар соҳаи меъморӣ байни ҳам табодули афкор намуда, аз таҷрибаи ҳамдигар баҳравар гардиданд.Воқеан хуштарҳу хушсифат ва замонавию зебо сохтани биноҳо аз бисёр ҷиҳат ба касбияти кори меъморону лоиҳакашон вобастагии зич дорад.