Дар Тоҷикистон лоиҳаи рушди хизматрасонии мобилии бонкӣ татбиқ мегардад
Душанбе, 30.09.2016/АМИТ «Ховар»/. Гурӯҳи Бонки ҷаҳонӣ ба татбиқи лоиҳа ҷиҳати рушди хизматрасонии мобилии бонкӣ, ки барои пешрафти иқтисоди кишвар мусоидат менамояд, шурӯъ кард.
Дар ин самт созмони мазкур тасмим гирифтааст, ки ба ташаккули ислоҳоти меъёрӣ-ҳуқуқӣ дар доираи хизматрасонии электронӣ ва рақамӣ кумак расонида, сатҳи огоҳии аҳолиро оид ба манфиат ва бартарии ин навъи хизматрасонӣ баланд бардорад. Ҳамчунин он бояд ба ширкатҳои хусусии ҷорикунандаи хизматрасонии мобилии молиявӣ дар Тоҷикистон кумаки машваратӣ расонад.
Бояд тазаккур дод, ки самти лоиҳа барои тақвияти хизматрасонии соҳибкории хурд ва сармоягузорон нигаронида шудааст. Амалисозии лоиҳаи мазкур барои аҳолии кишвари мо дар самти дастрасӣ ба хизматрасонии асосии бонкӣ ва дар заминаи он ташкили ҷойҳои корӣ, дар маҷмӯъ ба рушди «иқтисоди боз» мусоидат менамояд.
«Мо ин ташаббус ва роҳандозии ояндаи хизматрасонии рақамии молиявӣ ва технологияҳои муосирро мепазирем»,- гуфт дар маросими муаррифии лоиҳаи мазкур Ҷамолиддин Нуралиев, муовини аввали раиси Бонки миллии Тоҷикистон.
«Ин иқдом имконият медиҳад аҳолии мамлакат ба хизматрасонии асосии электронӣ дар реҷаи 24/7, ки тамоми маҷмӯи пардохти электронӣ ва хизматрасонии рақамии (мобилии) бонкиро дар бар мегирад, дастрасӣ пайдо кунанд, ки дар натиҷа хизматрасонии бонкӣ барои мардум то ҳадди имкон арзон мегардад»,- таъкид кард Ҷамолиддин Нуралиев.
Бар асари обхезӣ дар Танзания 155 нафар ба ҳалокат расид
Дар Донишкадаи исломии Тоҷикистон вобаста ба мубориза бар зидди ифротгароӣ ва хурофотпарастӣ конференсияи ҷумҳуриявӣ доир шуд
Дар Кӯлоб ҷаласаи Шурои ҳамоҳангсози мақомоти ҳифзи ҳуқуқ баргузор шуд
Дар фестивали Олмон зиёда аз 720 ҳолати сироятёбӣ ошкор гардид
Гурӯҳи кории Вилояти Мухтори Кӯҳистони Бадахшон дар Бартанг бо вазъи соҳаҳои гуногуни хоҷагии халқ шинос шуд
Фазои Либия ва Юнони ҷанубӣ бар асари ғубори биёбони Сахара ранги норанҷӣ гирифтааст
Мақомоти Чин барои минтақаҳое, ки аз селу обхезӣ зарар дидаанд, беш аз 15 миллион доллар ҷудо намуданд
Шукурҷон Зуҳуров Раиси Шурои собиқадорони ҷангу меҳнати Ҷумҳурии Тоҷикистон интихоб гардид
Имрӯз дар баъзе ноҳияҳои Тоҷикистон борони бошиддат меборад
Фаъолияти Кумитаи иҷроияи Ҳизби Халқии Демократии Тоҷикистон дар вилояти Хатлон ва сохторҳои ҳизбии он назаррас арзёбӣ гардид
Дар тамоми ноҳияҳои Тоҷикистон пойгоҳҳои базавии нави 4G насб карда мешаванд
Шумораи бар асари тӯфони «Раи» ҳалокшудагон дар Филиппин ба 169 нафар расид
