Чемпионати Осиё-2016(U-19): Дастаҳои мунтахаби Эрон бо Арабистони Саудӣ ва Ҷопон бо Ветнам бозӣ мекунанд

Октябрь 27, 2016 15:57

Душанбе, 27.10.2016 /АМИТ «Ховар»/. Имрӯз дар вохӯриҳои нимниҳоии Чемпионати Осиё байни ҷавонони то 19-сола дастаҳои мунтахаби Эрон ва Арабистони Саудӣ дар соати 18:00 ва баъдан Ҷопон бо Ветнам дар соати 21:00 вориди майдон мешаванд. Сомонаи «the-afc.com» бо нашре аз нишасти матбуотии сармураббиёни дастаҳои мунтахаби Эрон Амир Пайравонӣ ва Саъд Ашшаҳрӣ иттилоъ медиҳад, ки ҳар ду мураббӣ ба ғолиб омаданашон дар ин вохӯрӣ бовар доранд.
Футболбозони эронӣ ҳанӯз соли 1973 ва Арабистони Саудӣ соли 1992 ғолиби мусобиқоти Осиёӣ дар ин синн гардидаанд.
Дар мусобиқоти имсола дастаи Арабистони Саудӣ дар гурӯҳи «А» аз се бозӣ дар дутоаш ғолиб омада, бо як бохт аз Баҳрайн (2:3) ба вохӯрии ¼-ниҳоӣ баромад ва дастаи мунтахаби Ироқро бо ҳисоби 2:2 баъди зарбаҳои пеналтии баъдибозӣ аз сари роҳаш дур сохт.
Дар навбати худ дастаи мунтахаби ҷавонони Эрон низ аз мақоми дуюми гурӯҳи «С» дунболи дастаи мунтахаби Ҷопон бо нишондоди 1 ғалаба ва ду мусовӣ бо касби 5 имтиёз ба вохӯрии ¼- ниҳоӣ роҳхат гирифт ва дастаи мунтахаби Ӯзбекистонро бо ҳисоби 2:0 ноком кард.
Танҳо ду даста- Эрон ва Ҷопон бо намояндагӣ аз як гурӯҳ муборизаро барои ҷом идома медиҳанд.
Дар бозии дуюми нимниҳоӣ дастаҳои мунтахаби Ҷопон ва Ветнам, ки то кунун ягон маротиба соҳиби ҷом нашудаанд, бо ҳам қувва месанҷанд. Футболбозони Ҷопон 5 маротиба дар бозии ниҳоӣ ширкат варзида, танҳо ба гирифтани мақоми дуюм сазовор шудаанд. Ветнам ҳанӯз соли 1961 як маротиба соҳиби ҷои 4-ум гардида буд.
Дасти мунтахаби Ҷопон аз гурӯҳи «С» бо ду ғалаба ва як мусовӣ аз ҷои аввал ба бозии ¼- ниҳоӣ роҳхат гирифт ва дастаи мунтахаби Тоҷикистонро бо ҳисоби 4:0 мағлуб кард. Ветнам аз гурӯҳи «Б» бо як пирӯзӣ ва ду мусовӣ бо касби 5 имтиёз зинаи дуюмро аз худ кард ва дар бозии ¼- ниҳоӣ соҳибони бозиҳои ниҳоӣ-дастаи мунтахаби Баҳрайнро бо натиҷаи 1:0 шикаст дод.
Имрӯз муайян хоҳад шуд, ки кадом дастаҳо соҳиби роҳхат ба бозиҳои ниҳоӣ мегарданд.

Октябрь 27, 2016 15:57

Хабарҳои дигари ин бахш

Имрӯз дар шаҳри Душанбе ҳаво то 31 дараҷа гарм мешавад
«ТОЗАГИИ СОҲИЛ». Дар сойи Тебалайи шаҳри Кӯлоб ҳашари тозагӣ гузаронида шуд
Дар Душанбе ҷаласаи IX Шурои байнидавлатии муқовимат ба коррупсия доир мегардад
Имрӯз дар ноҳияҳои водигии Тоҷикистон ҳаво то 34 дараҷа гарм мешавад
Ҳайати Тоҷикистон дар иҷлосияи 68-уми Конфронси умумии Агентии байналмилалии неруи атомӣ дар Вена иштирок дорад
Чат-боти Доно доир ба кор бо муроҷиати муштариён маълумот медиҳад
Имрӯз дар Тоҷикистон ҳаво то 28 дараҷа гарм мешавад
Дар Душанбе ҳамкории Тоҷикистон бо Созмони ҷаҳонии исломӣ оид ба масъалаҳои маориф, илм ва фарҳанг баррасӣ шуд
Донишгоҳи техникии Тоҷикистон ва Донишкадаи технологияҳои иттилоотии Чанчжоуи Чин ҳамкориро густариш медиҳанд
Сохтмони 36 манзили истиқоматӣ дар деҳаи Сурхоби ноҳияи Фархор ба андозаи 90 фоиз иҷро шудааст
СОЛИ МАЪРИФАТИ ҲУҚУҚӢ. Гурӯҳи корӣ бо сокинону фаъолони шаҳри Хоруғ вохӯрӣ анҷом дод
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад