Қабули Қатъномаи СММ оид ба Даҳсолаи байналмилалии амал «Об барои рушди устувор», 2018-2028 ифтихори тамоми мардуми тоҷик аст

Декабрь 26, 2016 17:35, 244 хонанда
nosir-salimov

ДУШАНБЕ, 26.12.2016. /АМИТ «Ховар»/. Қабули муваффақонаи Қатъномаи Даҳсолаи байналмилалии амал «Об барои рушди устувор», 2018-2028, ки  21 декабри соли 2016 дар Маҷмаи Умумии Созмони Милали Муттаҳид сурат гирифт, ифтихори тамоми мардуми тоҷик аст. Мо шодем, ки Тоҷикистон ин гуна масъалаҳои сатҳи ҷаҳониро пешниҳод ва баррасӣ мекунад.

Ин матлабро Носирҷон Салимӣ, ректори Донишгоҳи давлатии омӯзгории Тоҷикистон ба номи С. Айнӣ зимни ҳамоиши тантанавӣ бахшида ба пазироии ташаббуси Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Даҳсолаи байналмилалии амал «Об барои рушди устувор», 2018-2028 иброз намуд.

Н. Салимӣ аз мақоми Ҷумҳурии Тоҷикистон дар тӯли 25-соли соҳибистиқлолӣ дар миқёси ҷаҳон сухан ронда, зикр кард, ки дар ин муддат бо сарварии Пешвои миллат муҳтарам Эмомалӣ Раҳмон Тоҷикистон ҳамчун кишвари созанда обрӯ ва эътибори хосса пайдо намуд. Маҳз бо корнома ва пайкорҳои Пешвои миллат тоҷикон тавонистанд, ки дар заминаи арзишҳои умумӣ, миллӣ ва таърихии худ аз нав ба ҳам биоянд ва ба созандагиҳои азим қадам монанд.

Дар ҳамоиш ҳамчунин доктори илмҳои география, профессор Х. Муҳаббатов, доктори илмҳои таърих, профессор Н. Убайдуллоев ва донишҷӯи курси 4 факултети таърих Замира Қурбонова дар мавзӯъҳои марбут ба об маърӯза намуданд.

Дар маърӯзаҳо зикр гардид, ки масъалаи хатари дигар шудани иқлим, хушкшавӣ ё биёбоншавӣ дар баъзе аз минтақаҳои ҷаҳон, обхезиҳои шадид ва дигар офатҳои табиӣ, ки аз вайрон шудани  эко-система ё низоми табиат дар тамоми ҷаҳон сар мезананд, бо масъалаи дастрасӣ ба об, паҳн шудани бемориҳои сирояткунанда ба воситаи ифлос шудани об -ҳамаи инҳо масъалаҳои доғе ҳастанд, ки ба имрӯзу фардои тамоми ҷомеаи башарӣ иртибот доранд. Бинобар ин пешниҳоди Тоҷикистон дар масъалаи об саривақтӣ ва зарурӣ аст.

Иштирокдорон изҳори боварӣ карданд, ки даҳсолаи мазкур дар рушди устувор ва мудирияти ҳамгироёнаи захираҳои об, татбиқ ва пешбарии лоиҳаҳо ва барномаҳо дар соҳаи об, таҳкими ҳамкорӣ ва иштирок ҷиҳати татбиқи аҳдофи рушди устувори марбут ба захираҳои об мусоидат намуда, масъалаҳои таҳкими самараноки истифодаи захираҳои об ва ҳамгироӣ байни захираҳои об, ғизо ва муҳити зистро фаро мегирад.

Декабрь 26, 2016 17:35, 244 хонанда

Хабарҳои дигари ин бахш

Обзор«Зиёӣ ва масъулиятпазирии миллӣ», «Истифодаи технологияҳои нав — талаби замон ё чаро аз истифода бурдани воситаҳои техникӣ дурӣ меҷӯем?» — шарҳи матбуот
«Артиши миллӣ – зодаи Истиқлолияти давлатӣ» намоиш дар Осорхонаи миллии Тоҷикистон«Артиши миллӣ — зодаи Истиқлолияти давлатӣ»- намоиш дар Осорхонаи миллии Тоҷикистон
Раъно Бобоҷониён «Дар ҷаҳон ҷавонон ба ҳайси нерӯи бузурги бунёдкор ва пешбарандаи ҳаёт эътироф гардидаанд»Раъно Бобоҷониён: «Дар ҷаҳон ҷавонон ба ҳайси неруи бузурги бунёдкор ва пешбарандаи ҳаёт эътироф гардидаанд»
АРТИШ07«Давлат бе артиш ва артиш бе давлат буда наметавонанд»-ҳамоиш дар Муъминобод
Артиш-Хадамоти мухочирҚувваҳои мусаллаҳи мамлакат муҳимтарин мактаби мардонагӣ мебошанд
Донишкадаи давлатии забонҳои ТоҷикистонҲимояи Ватан, марзу бум ва таъриху фарҳанги миллӣ вазифаи ҷавонони шуҷоъ аст
ПентагонПентагон таҳияи тавсияҳо барои тезонидани амалиёт бар зидди «Давлати исломӣ»-ро ба охир расонд
Деваштич_ман писари ватанам«Ман писари Ватанам!» — озмуни расми беҳтарин дар ноҳияи Деваштич
04Ташрифи ҳайати Кумитаи зиддитеррористии Шӯрои амнияти СММ ба Тоҷикистон
Барои рафъи мушикилиҳо Рамазон Раҳимзода аз шоҳроҳи Душанбе-Чаноқ дидан намуд
КМИРДар Тоҷикистон интихоботи миёнадаврӣ гузаронида мешавад
HavoИмрӯз дар қаламрави кишвар ҳавои камабри бебориш дар назар аст