Расонаҳои мисрӣ ва арабӣ дар бораи ташаббуси Тоҷикистон роҷеъ ба об дар СММ

Январ 9, 2017 12:05
misr

ДУШАНБЕ, 09.01.2017. /АМИТ «Ховар»/. 7 январи 2017 аксари расонаҳои электронии Миср бо истинод ба Бунгоҳи хабарии Ховари Миёна (Middle East News Agency — MENA) хабареро дар бораи ташаббуси кишвари мо роҷеъ ба об дар СММ мунташир намуданд. Дар ин бора аз СафоратиҶумҳурии Тоҷикистон дар Қоҳира хабар доданд.

Ҳоло дар зер тарҷумаи хабари мазкур пешниҳод мешавад:

«СММ ташаббуси Тоҷикистон дар бораи эълони Даҳсолаи байналмилалии об, 2018-2028-ро пазируфт

         Қоҳира, (МЕНА). Сафири Тоҷикистон дар Қоҳира Хусрав Нозирӣ баён намуд, ки чанде пеш Маҷмаи Умумии СММ ташаббуси Тоҷикистон дар бораи эълон кардани Даҳсолаи байналмилалии амал «Об барои рушди устувор», солҳои 2018-2028-ро пазируфт. 177 кишвари узви СММ, аз ҷумла Миср ба рӯйхати бониёни қатъномаи дахлдор пайвастанд.

Ӯ дар баёнияи худ ба Бунгоҳи хабарии Ховари Миёна рӯзи шанбе гуфт, ки қарор аст ин Даҳсола аз Рӯзи ҷаҳонии об, ки ба 22 марти соли 2018 рост меояд, оғоз гардида, 22 марти соли 2028 ба поён расад. Дар давоми Даҳсолаи мазкур таваҷҷуҳи бештар ба рушди пойдор ва мудирияти ҷомеи захираҳои обӣ дар ҳамаи сатҳҳо, татбиқ ва таблиғи барномаҳо ва лоиҳаҳои дахлдор, инчунин ба густариши ҳамкорӣ ва шарокат дар ҳамаи сатҳҳо ба манзури мусоидат дар амалӣ гардидани ҳадафу вазифаҳои рушди марбут ба об, ки дар сатҳи байналмилалӣ ҳамоҳанг гардидаанд, аз ҷумла ҳадафҳо ва вазифаҳое, ки дар Дастури кори рушди пойдор то соли 2030 омадаанд, дода хоҳад шуд.

Х.Нозирӣ ишора намуд, ки ин ташаббусро бори нахуст Президенти Ҷумҳурии Тоҷикистон Эмомалӣ Раҳмон дар ҳафтумин Форуми ҷаҳонии об, ки 12 апрели 2015 дар Ҷумҳурии Корея баргузор гардид, эълон карда буд».

Қобили зикр аст, ки хабари мазкурро илова ба расонаҳои мисрӣ, расонаҳои дигари арабӣ, аз қабили иморотӣ, қатарӣ ва ғайра дар саҳифаҳои электронии худ бознашр кардаанд.

Январ 9, 2017 12:05

Хабарҳои дигари ин бахш

Хилоли ахмарМоҳвораи Ҳилоли аҳмари Тоҷикистон бо баргузории ҳамоиш ҷамъбаст гардид
MNK_7952 - копияШайх Абдулло бин Зойид Оли Наҳён: «Аморот ҳамкории бисёрҷонибаро бо Тоҷикистон густариш хоҳад дод»
Обзор«Ошноиро зи об омӯхтем»-шарҳи матбуот
Чашни ВахдатТаҷлили Рӯзи ҷавонон ва 20-умин солгарди Ваҳдати миллӣ дар Теҳрон
бмтБонки миллии Тоҷикистон бо мақсади пешгирии хавфҳои эҳтимолӣ ва баланд бардоштани эътимоди аҳолӣ ба пули миллӣ тадбирҳои зарурӣ меандешад
es-pomozhet-tadzhikistanu-provesti-pensionnuyu-reformu_1Кумаки техникии Иттиҳоди Аврупо барои дастгирии ислоҳоти нафақа дар Тоҷикистон
Намоиши Суратхои Навруз Саидов (1)Асо ҳам як замоне шохаи сабз будааст. Намоиши аксҳо бахшида ба Рӯзи ҳифзи муҳити зист
НоракДар Норак бо мақсади баланд бардоштани маърифати ҳуқуқии шаҳрвандон ва ҳимояи ҳуқуқҳои аҳолӣ семинар доир гардид
Кудакон25 май-Рўзи умумиҷаҳонии кўдакони гумгашта: бемасъулиятии волидайн омили асосии бедарак гаштани кӯдакон мешавад
IMG_0008Китобҳои арзишманди Пешвои миллат метавонанд дар ташаккули афкори ҷавонон нақши муассир гузоранд
Дар ноҳияи Дарвоз Маркази нави хизматрасонии муштариён (1)Дар ноҳияи Дарвоз Маркази нави хизматрасонии муштариён ба фаъолият оғоз намуд
Имзои лоихаи СозишномаИмзои Созишнома оид ба пешниҳоди таҷҳизот барои бартараф намудани оқибатҳои офати табиӣ