Дар Спитамен Қонуни ҶТ «Дар бораи сарфаҷӯӣ ва самаранокии энергия» мавриди баррасӣ қарор гирифт

Февраль 9, 2017 17:27

ДУШАНБЕ, 09.02.2017 /АМИТ «Ховар»/. Дар толори мақомоти иҷроияи ҳокимияти давлатии ноҳияи Спитамен ҷараёни иҷрои Қонуни Ҷумҳурии Тоҷикистон «Дар бораи сарфаҷӯӣ ва самаранокии энергия» мавриди баррасӣ қарор дода шуд.
Тавре ки аз мақомоти иҷроияи ҳокимияти давлатии ноҳияи Спитамен хабар доданд, зимни ҳисоботи сардори шабакаҳои барқи ноҳия Аваз Исломов зикр шуд, ки шумораи умумии муштариёни шабакаҳои барқи ноҳия то 1 январи соли 2017 19 ҳазору 234 нафарро ташкил медиҳад. Соли 2016 истифодаи қувваи барқ ҳамагӣ 108 млн 786 ҳазор кВт/соатро ташкил дода, 94,4 фоизи маблағи барқи истифодашуда ҷамъоварӣ гардидааст. Ҷиҳати истифодаи самаранок ва сарфакоронаи барқ як қатор корҳо ба сомон расонида шуда бошанд ҳам, вале то ҳол қоидавайронкуниҳо дар ин самт ба назар мерасанд.
Давоми соли 2016 аз тарафи шабакаҳои барқи ноҳия 247 адад санади қоидавайронкунии истифодаи қувваи барқ ба маблағи умумии 132 ҳазору 516 сомонӣ ошкор карда шудааст.
Раиси ноҳия Акрам Сулаймонзода аз бақияи қарзи истифодаи барқ, ки беш аз 6 миллион сомониро ташкил медиҳад, изҳори нигаронӣ намуда, дастур дод, ки ҷиҳати бартараф намудани қарздорӣ ва пурра ҷамъоварӣ кардани маблағи неруи барқи истифодашуда тадбирҳои иловагӣ андешида шаванд.
Дар ҷаласа ҳамчунин ба ҳозирин «Тартиби нигоҳдорӣ ва истифодабарии қабристонҳо», ки бо Қарори Ҳукумати Ҷумҳурии Тоҷикистон аз 25 январи соли 2017 тасдиқ шуда, дар он шароити нигоҳдорӣ ва истифодаи қабристонҳо муайян ва масъулияти мақомоти иҷроияи маҳаллии ҳокимияти давлатӣ ва мақомоти худидоракунии шаҳрак ва деҳот дар ин соҳа муқаррар гардидааст, шарҳ дода шуд.

Февраль 9, 2017 17:27

Хабарҳои дигари ин бахш

Имрӯз дар шаҳри Душанбе ҳаво то 31 дараҷа гарм мешавад
«ТОЗАГИИ СОҲИЛ». Дар сойи Тебалайи шаҳри Кӯлоб ҳашари тозагӣ гузаронида шуд
Дар Душанбе ҷаласаи IX Шурои байнидавлатии муқовимат ба коррупсия доир мегардад
Имрӯз дар ноҳияҳои водигии Тоҷикистон ҳаво то 34 дараҷа гарм мешавад
Ҳайати Тоҷикистон дар иҷлосияи 68-уми Конфронси умумии Агентии байналмилалии неруи атомӣ дар Вена иштирок дорад
Чат-боти Доно доир ба кор бо муроҷиати муштариён маълумот медиҳад
Имрӯз дар Тоҷикистон ҳаво то 28 дараҷа гарм мешавад
Дар Душанбе ҳамкории Тоҷикистон бо Созмони ҷаҳонии исломӣ оид ба масъалаҳои маориф, илм ва фарҳанг баррасӣ шуд
Донишгоҳи техникии Тоҷикистон ва Донишкадаи технологияҳои иттилоотии Чанчжоуи Чин ҳамкориро густариш медиҳанд
Сохтмони 36 манзили истиқоматӣ дар деҳаи Сурхоби ноҳияи Фархор ба андозаи 90 фоиз иҷро шудааст
СОЛИ МАЪРИФАТИ ҲУҚУҚӢ. Гурӯҳи корӣ бо сокинону фаъолони шаҳри Хоруғ вохӯрӣ анҷом дод
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад