Омӯзиши намояндагони ВАО дар масъалаи инъикоси шаффофи ҳисоботдиҳии ҷамъиятӣ дар соҳаи об

Феврал 8, 2017 11:58
об7

ДУШАНБЕ, 08.02.2017/АМИТ «Ховар»/. Инъикоси беҳгардонии ҳисоботдиҳии ҷамъиятӣ дар соҳаи таъмини оби нӯшокӣ ва санитария дар васоити ахбори омма»- таҳти чунин унвон дар Душанбе барои намояндагони воситаҳои ахбори омма семинари омӯзишӣ гузаронида шуд. Семинар мазкур дар доираи лоиҳаи «Беҳгардонии ҳисоботдиҳии ҷамъиятӣ дар соҳаи таъмини оби нӯшокӣ ва санитария дар воситаҳои ахбори омма» бо мусоидати намояндагии «Oxfam» (Оксфам) дар Ҷумҳурии Тоҷикистон созмон дода шуда, дар он намояндагони расонаҳои хабарии кишвар иштирок намуданд.
Ба андешаи Фариддун Шоимбеков, муовини директори Ассотсиатсияи истеъмолгарони Тоҷикистон, ҳадафи семинар баланд бароштани донишҳои соҳавии намояндагони ВАО дар масъалаи инъикоси шаффоф ва дақиқи ҳисоботдиҳии ҷамъиятӣ дар бахши об буда, дар ин самт аҳолӣ аз тадбирҳои андешидаи Ҳукумати Ҷумҳурии Тоҷикистон, вазорату идораҳои марбута, донорҳои байналмилалӣ, ки барои беҳдошт ва рушди шабакаҳои обрасонӣ ва санитария нигаронида шудаанд, огоҳӣ пайдо менамоянд.
Назира Қурбонова, намояндаи дафтари Оксфам дар Тоҷикистон мегӯяд, ки ҳадафи лоиҳаи мазкур ҷалби бештари шахсони масъул ва ҷомеа ба ҳалли масъалаҳои беҳгардонии ҳисоботдиҳии ҷамъиятӣ дар соҳаи таъмини оби нӯшокӣ ва санитария дар Тоҷикистон ва дар ин росто ба роҳ мондани ҳамкории судманд байни ВАО бо мақомоти давлатӣ ва коршиносон дар ҳалли мушкилоти вобаста ба таъмини оби ошомиданӣ аст.
Ба намояндагони ВАО коршиносони масоили об дар мавзӯъҳои таъмини ҳисоботдиҳӣ тавассути идоракунии муносиб дар бахши таъминоти оби нӯшокӣ ва чораҳои амалигардонии он, роҳҳои баланд бардоштани огоҳсозии аҳолӣ, рисолати намояндагони ВАО дар инъикоси мавзӯъ, интихоби мавзӯъ ва роҳҳои расонидани онҳо ба аҳолӣ, иштироки фаъоли занон дар идоракунии об омӯзиш доданд. Бояд тазаккур дод, баргузории семинари омӯзишӣ барои намояндагони ВАО-и Тоҷикистон дар ҳолест, ки моҳи декабри соли 2016 пешниҳоди Ҷумҳурии Тоҷикистон аз ҷониби Маҷмааи Умумии Созмони Милали Муттаҳид /СММ/ ҷиҳати эълон намудани Даҳсолаи байналмилалии амал «Об барои рушди устувор», солҳои 2018-2028 қабул гардид.
Мавриди зикр аст, ки Пешвои миллат Эмомалӣ Раҳмон дар Форуми 7-уми умумиҷаҳонӣ оид ба масъалаи об 12 апрели соли 2015 дар Кореяи Ҷанубӣ ва Симпозиуми байналмилалии сатҳи баланд оид ба Ҳадафи шашуми рушди устувор таҳти унвони «Таъмини дастрасии умум ба об ва беҳдошт», ки 9-11 августи соли 2016 дар Душанбе баргузор шуд, пешниҳод намуда буданд, ки Даҳсолаи дуюми байналмилалӣ таҳти шиори «Об ба хотири рушди устувор» эълон карда шавад ва он аз ҷониби иштирокчиёни Форум дастгирӣ ёфт. Ин пешниҳод идомаи пешниҳодҳои ҷаҳонии Тоҷикистон марбут ба об мебошад.

Феврал 8, 2017 11:58

Хабарҳои дигари ин бахш

Рудаки. МумфаршкуниДар ноҳияи Рӯдакӣ зиёда аз 5 километр роҳ мавриди истифода қарор гирифт
мобтелОшкор гардидани 855 адад телефонҳои мобилии бо роҳи қоҷоқ воридгардида
Конференсияи илми назарияви дар вазорати фархангКонференсияи илмӣ-адабӣ дар Вазорати фарҳанг: дар мавзӯи Ваҳдат зиёда аз 5000 маводи чопӣ ва электронӣ интишор гардидаанд
шохномаиМаҳфили «Шоҳномахонӣ» дар шаҳри Кӯлоб
Курби асъорВазъи қурби асъор дар Душанбе барои имрӯз
хаво боронСокинони кишварро дар рӯзҳои истироҳатӣ тундбод ва боридани борону жола интизор аст
Сафири Россия дар Тоҷикистон бо сафари дурӯза ба шаҳри Хоруғ омад _2Игор Лякин-Фролов: «Агар кӯҳу дарёҳо ва ҳавзу кӯлҳои асроромези Тоҷикистон бештар ташвиқ шаванд, соҳаи сайёҳӣ ба яке аз риштаҳои сердаромади кишвар табдил меёбад»
Рӯдакӣ: Гаравидани ҷавонону наврасон ба ҳизбу ҳаракатҳои ифротӣ пешгирӣ мешавад
кумакхоХадамоти назорати давлатии фаъолияти фармасевтӣ дар вилояти Хатлон аз ҳоли пиронсолон хабар гирифт
Қадрдонии бонувон-ихтироъкорони тоҷик дар Кореяи ҷанубӣИхтирои бонуи тоҷик дар Форуми ҷаҳонии занҳои ихтироъкор соҳиби медали тилло гардид!
Шурои уламоИди саиди Фитр дар Тоҷикистон 26 июн таҷлил мегардад
Тачлили Рузи Вахдат дар фурудгохТаҷлили 20-умин солгарди Рӯзи Ваҳдати миллӣ дар «Фурудгоҳи байналмилалии Душанбе»