Ҳаҷми маҳсулоти кишоварзӣ дар кишвар
Душанбе, 17.09.2014. (АМИТ «Ховар», Зарангези Латиф).- Тибқи маълумоти Агентии омори назди Ҳукумати Ҷумҳурии Тоҷикистон дар давоми соли ҷорӣ ҳаҷми умумии маҳсулоти кишоварзӣ дар ҳамаи шаклҳои хоҷагидории ҷумҳурӣ ба 10 млрд. 455 млн. сомониро ташкил дод, ки нисбат ба ҳамин давраи соли гузашта 177 млн. сомонӣ ё бо нархҳои муқоисавӣ 6,0% зиёд шудааст.
Аз ҳаҷми умумии маҳсулоти кишоварзӣ ба соҳаи растанипарварӣ 7335 млн. сомонӣ ва чорводорӣ 3120 млн. сомонӣ рост омадааст, ки нисбат ба ҳамин давраи соли гузашта аз рӯи нархҳои муқоисавӣ 4,0 ва 10,1 фоиз афзоиш ёфтааст.
Дар ин давра истеҳсоли маҳсулотҳо, аз ҷумла ғалладонагиҳо-963659 тонна, пахта-12427, картошка-373993, сабзавот-880816, полезӣ-342740, мева-172363, ангур-73482, гӯшт-94414, шир-443929, пашм-4838, асал- 1430, гӯшти моҳӣ-421 тонна ва тухм-208,1 млн. донаро ташкил дод, ки нисбат ба ҳамин давраи соли гузашта сабзавот-10,8, полезӣ-12,8, мева-2,6, ангур-7,5, гӯшт-6,5, шир-4,2, пашм-3,3, асал-8,3, гӯшти моҳӣ-3,1 ва тухм-0,7 фоиз афзоиш ёфта, дигар маҳсулотҳо, аз ҷумла ғалладона-4,6, пахта-51,1 ва картошка-17,2 фоиз коҳиш ёфтааст.
Дар баробари ин нишондиҳандаҳои манфӣ дар дигар шаклҳои хоҷагидории ҷумҳурӣ, аз ҷумла дар хоҷагиҳои деҳқонӣ ва ҷамъиятӣ аз ҳисоби кам гардидани истеҳсоли ғалладона-44194 тонна, аз он гандум-35645, пахта-12996, картошка-14076 тонна тухм -2,6 млн. дона ва дар хоҷагиҳои аҳолӣ аз ҳисоби истеҳсоли ғалла-2762, картошка-63825 ва полезӣ-17760 тонна ба назар мерасад.
Бояд зикр кард, ки нишондиҳандаҳои манфӣ ба ғайр аз ноҳияи Тоҷикобод дар вилоятҳо ва шаҳру ноҳияҳои ҷумҳурӣ дида мешавад, аз ҷумла, дар хоҷагиҳои аҳолии шаҳр коҳиши ҳаҷми маҳсулоти кишоварзӣ ба миқдори 0,4 млн. сомонӣ, аз он дар соҳаи растанипарварӣ-2 млн. сомонӣ, истеҳсоли картошка-2360, сабзавот-520 ва мевагиҳо-75 тонна ба миён омадааст.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






