Соли 2015 рушди саноат дар ҳамаи минтақаҳои ҷумҳурӣ таъмин гардид

Душанбе, 28.01.2015. (АМИТ «Ховар»).- Дар соли 2015 афзоиши ҳаҷми истеҳсоли маҳсулот дар соҳаҳо таъмин гардида, дар саноати ангишт 114,8%, саноати маъдани кўҳӣ 131,7%, саноати масолеҳи сохтмон 133,6%, саноати сабук 101,7%, саноати мошинсозӣ 149,4%, саноати табъу нашр 143,6%, саноати хўрокворӣ 103,9%, корхонаҳои пахтатозакунӣ 96,7% ва электроэнергетика 117,2%-ро ташкил дод. Ин нуктаро имрӯз зимни нишасти матбуотӣ вазири саноат ва технологияҳои нав Шавкат Бобозода таъкид дошт.
Бино ба гуфтаи вазир, дар соли 2015 нисбат ба ҳамин давраи соли гузашта, ҳаҷми истеҳсоли маҳсулоти саноатӣ аз ҳисоби корхонаҳои азим КМ “Зарафшон”, ҶММ “Хуаксин Ғаюр Семент”, ҶДММ “Ширкати кўҳи саноатии Тоҷикистону Хитой”, КВД “Ширкати Алюминии Тоҷик”,ҶММ “Интер сохтмон” ва ғайра, дар маҷмўъ ба маблағи умумии 1 млрд. 756,8 млн. сомонӣ зиёд шуд.
“Дар соли 2015 рушди саноат дар ҳамаи минтақаҳои ҷумҳурӣ таъмин гардида, афзоиши ҳаҷми истеҳсоли маҳсулоти саноатӣ дар ВМКБ 128,4%, НТҶ 123,8%, вилояти Суғд 117,7%, вилояти Хатлон 114,1% ва шаҳри Душанбе 110,0%-ро ташкил дод”,-афзуд Ш. Бобозода.