Дар ноҳияи Деваштич конфронси Ҳаракати ваҳдати миллӣ ва эҳёи Тоҷикистон доир гардид

Июль 22, 2016 17:01

Деваштич, 22.07.2016. /АМИТ «Ховар»/. «Маҳз самараи сулҳу  ваҳдат аст, ки тадбирҳои ободонию бунёдкорӣ дар ҳамаи манотиқи кишвар вусъат ёфта, нишондиҳандаҳои иқтисодию иҷтимоӣ боло меравад, сатҳи зиндагии мардум беҳтар мешавад»,- зикр гардид дар конфронси Ҳаракати  ваҳдати миллӣ ва эҳёи Тоҷикистон дар ноҳияи Деваштич.
Аъзои Шӯрои ҷамъиятӣ, мудири шуъбаи рушди иҷтимоӣ ва  робита бо ҷомеаи  дастгоҳи раиси ноҳия Зиёдулло Турдиев дар бораи фаъолияти  Шӯрои ноҳиявии ҳаракати Вахдати миллӣ ва эҳёи  Тоҷикистон дар нимсолаи аввали соли 2016  маърӯза карда,  зикр кард, ки бахши ноҳиявии Ҳаракати  ҷамъиятии ваҳдати миллӣ ва эҳёи Тоҷикистон сиёсати хирадмандонаи  Асосгузори сулҳу Ваҳдати миллӣ — Пешвои миллат, Президенти кишвар, Раиси  Шӯрои ҳаракати ваҳдати миллӣ ва эҳёи Тоҷикистон муҳтарам Эмомалӣ Раҳмонро собитқадамона  амалӣ намуда, чорабиниҳои зиёди оммавию сиёсиро баҳри ҳифзи музаффариятҳои Истиқлолият, таъмини оромию осоиштагӣ ва сулҳу Ваҳдати пойдор, ки асоси пешравиҳои ҳамаҷонибаи Тоҷикистони соҳибистиқлол мебошад, баргузор менамояд.
Дар конфронс инчунин бинобар ба амал омадани тағйироти кадрӣ ба ҳайати Шӯрои ҷамъиятӣ ва Шӯрои кӯҳансолон иловаҳо ворид карда шуд. Ҳамчунин вазифаҳои навбатӣ баҳри сазовор истиқбол гирифтани ҷашни 25 — солагии Истиқлолияти давлатии Ҷумҳурии Тоҷикистон ва 20 — солагии тасисёбии Ҳаракати ваҳдати миллӣ тарҳрезӣ гардиданд. Иштирокчиёни конфронс ба кулли сокинони ноҳия Муроҷиатнома қабул намуданд, ки ҳадафи асосии он вусъат  бахшидани фаъолияти  ҷамоатчигӣ, мубориза бар зидди терроризм ва экстремизми динӣ, пешгирии шомилшавии ҷавонон ба ҳаргуна  ҳизбу ҳаракатҳои ифротгаро мебошад.

Июль 22, 2016 17:01

Хабарҳои дигари ин бахш

Дар Сарраёсати ҳифзи муҳити зист дар шаҳри Душанбе Маркази мониторинги камераҳои мушоҳидавӣ фаъол гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд