Озмуни «Беҳтарин маҳсули эҷоди журналистӣ оид ба бемории сил» доир мегардад

Июль 21, 2016 17:39

Душанбе, 21.07.2016. /АМИТ «Ховар»/. Барои дарёфти беҳтарин маҳсули эҷоди журналистӣ вобаста ба пешгирии бемории сил Муассисаи давлатии Маркази ҷумҳуриявии ташаккули тарзи ҳаёти солими Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва Барномаи USAID оид ба мубориза бар зидди бемории сил дар Тоҷикистон озмун эълон мекунанд.
Дар озмун ҳангоми нашри мавод бояд масъалаи ҷалби таваҷҷуҳи ҷомеа дар хусуси пешгирӣ ва табобати бемории сил ба инобат гирифта шавад. Инчунин мазмуни маводи нашршуда бозгӯйи паст намудани тамғазании (стигмаи) беморони сил бошад.
Ғолибони беҳтарин барномаҳои телевизионӣ, радиоӣ, маводи чопӣ дар нашрияҳо, дар сомонаҳои интернетӣ бо туҳфаҳои хотиравӣ ҳавасманд гардонида мешаванд.
Ба озмун маводи аслӣ ва нусхаи он бо нишондоди санаи нашр, рақам, номи ВАО ва муаллиф пешниҳод карда мешавад. Дар мавод бемории сил равшан инъикос шавад, маълумоти асосӣ дар бораи бемории сил дода шавад. Ба маводҳое, ки дар қолаби жарнҳои таҳлилӣ интишор мешаванд, афзалият дода мешавад. Санаи нашри маводҳо аз 1 январ то 31 августи соли 2016 мебошад.
Ба ҳайати ҳакамон рӯзноманигорон, коршиносон ва дигар мутахассисони соҳавӣ шомиланд.
Маросими туҳфасупорӣ моҳи сентябри соли 2016 баргузор хоҳад шуд.
Маводҳои нашршуда бояд дар лифофаи маҳкам (бо назардошти мактуби расмии идораи ВАО) бо ишораи «Барои беҳтарин маҳсули эҷоди журналистӣ оид ба бемории сил» ба Муассисаи давлатии Маркази ҷумҳуриявии ташаккули тарзи ҳаёти солим пешниҳод карда шаванд.
Хохишмандон метавонанд то 2 сентябри соли 2016 ба Маркази миллии ташхис  бо  суроғаи шаҳри Душанбе, кӯчаи Деҳотӣ, 48  маводҳо пешниҳод намоянд.

Июль 21, 2016 17:39

Хабарҳои дигари ин бахш

Шерализода ва Катрин дар Никосия масъалаҳои марбут ба экологияро баррасӣ намуданд
«ДИГАРГУНШАВИИ САЙЁРА». Ҳайати Тоҷикистон дар Конфронси 9-уми вазирони муҳити зист дар Никосия иштирок дорад
Ҳайати Тоҷикистон дар Конфронси минтақавии иттифоқҳои касабаи Осиёи Марказӣ иштирок дорад
Дар Хадамоти гумрук татбиқи лоиҳаи низоми «АСИКУДА» ба таври расмӣ оғоз ёфт
ЯРМАРКАИ БАЙНАЛМИЛАЛИИ «SLOW FOOD». Захираҳои табиӣ ва экологии Тоҷикистон дар он муаррифӣ ва тарғиб шуданд
ОБУ ҲАВО: Имрӯз дар ноҳияҳои алоҳидаи Тоҷикистон борони кӯтоҳмуддат меборад
АЗ ҚАБУЛИ ҚОНУН «ДАР БОРАИ ЗАБОНИ ДАВЛАТӢ» 13 СОЛ ПУР ШУД. Дар Тоҷикистон Рӯзи забони давлатӣ таҷлил гардид
Олимҷон Муҳаммадҷонзода : Таъсиси нахустин маҷаллаи «Забон ва истилоҳот» дар рушду густариши забони давлатӣ саҳм мегузорад
«ЗАБОНИ МИЛЛАТ-ҲАСТИИ МИЛЛАТ». Дар Агентии хизмати давлатӣ ҷамъомади тантанавӣ баргузор гардид
ОБУ ҲАВО: Имрӯз дар Тоҷикистон ҳаво рӯзона то 30 дараҷа гарм мешавад
ОБУ ҲАВО: Имрӯз дарТоҷикистон ҳавои тағйирёбанда дар назар аст
30-СОЛАГИИ ИҶЛОСИЯИ XVI ШӮРОИ ОЛӢ. ҲХДТ таҳти унвони «30 соли созандагӣ бо Пешвои муаззами миллат» Конференсияи ҷумҳуриявии илмӣ-назариявӣ доир менамояд

Хабарҳои муҳимтарин