«Ташаббуси Соли ҷавонон дар доираи СҲШ: таъсир ва манфиати он дар ҳаёти ҷавонон!-ҳамоиш дар КМТ

Ноябрь 15, 2016 15:21

Душанбе, 15.11.2016. /АМИТ «Ховар»/. Дар Китобхонаи миллии Тоҷикистон бо ташаббуси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон конфронси илмию амалии байналмилалӣ таҳти унвони «Ташаббуси Соли ҷавонон дар доираи Созмони Ҳамкориҳои Шанхай: таъсир ва манфиатнокии он дар ҳаёти ҷавонон» бахшида ба Рӯзи Президенти Ҷумҳурии Тоҷикистон ҷараён дорад. Дар конфронс намояндагони Дастгоҳи иҷроияи Президенти Ҷумҳурии Тоҷикистон, Маҷлиси намояндагони Маҷлиси Олии Ҷумҳурии Тоҷикистон, олимону муҳаққиқони ҷавон ва донишҷӯёни хоирҷие, ки дар макотиби олии кишвар таҳсил мекунанд, иштирок доранд.
«Асосгузори сулҳу ваҳдати миллӣ-Пешвои миллат, Президети Ҷумҳурии Тоҷикистон муҳтарам Эмомалӣ Раҳмон аз аввалин роҳбарони давлатҳои аъзои Созмони ҳамкории Шанхай (СҲШ) мебошад, ки на танҳо аз ҷавонони Тоҷикистон, балки аз ҷавонони ҷаҳон ҳимоя намуда, 10 июни соли 2015 дар шаҳри Уфаи Федератсияи Русия дар ҷаласаи навбатии СҲШ боварии шоиста ба ҷавононро аз авлавиятҳои муҳим дар ин созмон шуморида, пешниҳод намуд, ки яке аз солҳои пешорӯ ҳамчун Соли ҷавонон дар ин созмон эълон карда шавад»,-иброз дошт Аҳтам Абдуллозода, раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон.
Адҳам Маъмурзода, муовини сардори Раёсати илм ва маърифати Дастгоҳи иҷроияи Президенти Ҷумҳурии Тоҷикистон иброз дошт, ки: «Ташаббуси пешниҳоди таҷлили Рӯзи Президенти Ҷумҳурии Тоҷикистон дар доираи гурӯҳҳои ҷавонон пайдо шуда, пас аз таҳлилу омӯзиши зиёди масъулин моҳи майи соли 2015 пешниҳоди мазкур аз ҷониби Мақоми ваколатдор ва Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон ба унвони Ҳукумати Ҷумҳурии Тоҷикистон ворид шуд. Баъди баррасию хулосабарориҳо он аз тарафи Маҷлиси намояндагон қабул гардид».
Ёдовар мешавем, ки конфронси мазкур то соати 17:30 идома меёбад.

Ноябрь 15, 2016 15:21

Хабарҳои дигари ин бахш

Лоиҳаи «Стратегияи Ҷумҳурии Тоҷикистон оид ба пешгирии экстремизм ва терроризм барои солҳои 2026-2030» баррасӣ шуд
Тоҷикистон ислоҳоти муассир ва одилонаи воситаҳои молиявии байналмилалиро ҷонибдорӣ менамояд
Мактаб-интернатҳои ҷумҳуриявии шаҳри Ҳисор ба давраи тирамоҳу зимистон омода мебошанд
Дар Душанбе Мусобиқаи «Дави дӯстӣ» баргузор мегардад
Имрӯз дар шаҳри Душанбе ҳаво то 31 дараҷа гарм мешавад
Дар ноҳияи Сангвор бо афсарону сарбозон вохӯрии судманд баргузор гардид
HUAWEI маҳсулоти инноватсионии худро дар Париж муаррифӣ намуд
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар шаҳри Новосибирски Русия гӯшаи забон ва адабиёти тоҷик ифтитоҳ ёфт
Имрӯз дар водиҳои Тоҷикистон ҳаво то 34 дараҷа гарм мешавад
Ҳаким Фирдавсӣ камоли бузургвории устод Рӯдакиро дар забону адаби мо дар «Шоҳнома» мавриди ситоиш қарор додааст
Оид ба пешниҳоди «Стратегияи миллии идоракунии партовҳо то соли 2040» ҷаласаи корӣ доир гардид