Абдураҳмон Қодирӣ бо корҳои сохтмонии корхонаи металлургии шаҳри Истиқлол шинос шуд

Декабрь 21, 2016 16:40

ДУШАНБЕ, 21.12.2016 /АМИТ «Ховар»/. Бо мақсади шиносоӣ бо ҷараёни корҳои сохтмонии корхонаи металлургӣ Раиси вилояти Суғд Абдураҳмон Қодирӣ ба шаҳри Истиқлол сафари корӣ анҷом дод. Дар ин бора аз хадамоти матбуоти Раиси вилояти Суғд иттилоъ доданд.
Раиси вилоят бо нақшаи схематикии минтақаи саноатии Тоҷикистону Чин дар шаҳри Истиқлол шинос шуд.
Зикр гардид, ки то ба ин дам 85 фоизи корҳои сохтмонӣ ба анҷом расонида шудаанд ва қисми зиёди таҷҳизоти зарурӣ низ ворид гардидааст.
Раиси вилоят дар суҳбат бо масъулин ва мутахассисон таъкид намуд, ки бояд корҳои сохтмонӣ ва насби таҷҳизот дар муҳлати муайянгардида ва бо сифати баланд ба анҷом расонида шаванд.
Бояд гуфт, ки дар бунёди корхона моҳи апрели соли 2014 аз ҷониби Асосгузори сулҳу Ваҳдати миллӣ-Пешвои миллат, Президенти кишвар муҳтарам Эмомалӣ Раҳмон санги асос гузошта шуда буданд. Ин корхонаи бузурги саноатӣ дар доираи ҳамкории самараноки ду кишвари дӯст — Тоҷикистону Чин бунёд гардида, дар он бо истифода аз манбаъҳои табиӣ истеҳсоли металлҳои сурбу руҳ ба роҳ монда мешавад. Тибқи нақшаи муайянгардида дар марҳилаи аввали фаъолият дар корхона 50 ҳазор тонна сурб ва ҳамин миқдор руҳ истеҳсол карда мешавад. Корхонаи металлургӣ бо ҷалби сармоягузориҳои чинӣ ба маблағи 200 миллион доллари ИМА бунёд мегардад ва дар он наздик ба 1300 нафар бо ҷои кор ва маоши хуб таъмин мешаванд, ки 90 дарсади онҳо сокинони маҳаллӣ хоҳанд буд.

Декабрь 21, 2016 16:40

Хабарҳои дигари ин бахш

Ба кӯдакони Муассисаи томактабии хусусии «Оиша»-и ноҳияи Восеъ бо се забон таълим дода мешавад
Дар доираи татбиқи лоиҳаи «БРАМОМ-4» дар қитъаҳои алоҳидаи роҳҳо панҷараҳои муҳофизатӣ сохта мешаванд
Имрӯз дар Тоҷикистон ҳавои тағйирёбанда дар назар аст
ОМОДАГӢ БА ЗИМИСТОН. Дар 43 сардхонаи шаҳри Ҳисор беш аз 10 ҳазор тонна маҳсулоти кишоварзӣ захира карда мешавад
Муассисаҳои соҳаи тандурустии вилояти Суғд ба фасли зимистон омода мебошанд
Дар Душанбе ҷаласаи 35-уми Шурои ҳамоҳангсозии прокуророни генералии кишварҳои ИДМ оғоз гардид
ZET-MOBILE иқдоми навро оғоз кард: тарофаҳои «SUPER Қувва» бо тахфифи 50%
Имрӯз дар шаҳри Душанбе ҳаво то 28 дараҷа гарм мешавад
РӮЗИ ҶАҲОНИИ ОМОР. Тавассути омори расмӣ равандҳои муҳими иҷтимоӣ таҳлилу баррасӣ карда мешаванд
Нависандаи халқии Тоҷикистон Кароматуллоҳи Мирзо дар 83- солагӣ аз дунё даргузашт
Имрӯз дар водиҳои Тоҷикистон ҳаво то 30 дараҷа гарм мешавад
Дмитрий Семёнов: «Синамоҷашнвораи байналмилалии «Тоҷи Сомон» фазои ҳамкории байналмилалӣ фароҳам овард»