ДМТ: Соли 2016 дар ҳамаи факултетҳои донишгоҳ натиҷагирии фаъолияти ҳаррӯзаи донишҷӯён тавассути журналҳои электронӣ ба роҳ монда шуд
ДУШАНБЕ, 14.12.2016 /АМИТ «Ховар»/. Имрӯз дар Донишгоҳи миллии Тоҷикистон (ДМТ) барои баррасии фаъолияти Донишгоҳ дар соли 2016 ва вазифаҳо барои соли 2017 ҷамъомад баргузор гардид. Дар ин бора хабарнигори АМИТ «Ховар» хабар медиҳад.
Дар ҷамъомад Муҳаммадшариф Бобошозода, Мушовири бахши Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа, Сайфиддин Давлатзода, сардори Раёсати илм ва маърифати Дастгоҳи иҷроияи Президенти Ҷумҳурии Тоҷикистон, Бозоралӣ Одиназода, муовини Вазири маориф ва илми Ҷумҳурии Тоҷикистон, Таваккал Маликов, сардори Раёсати соҳаи иҷтимоии Вазорати рушди иқтисод ва савдои Ҷумҳурии Тоҷикистон ва устодону кормандони Донишгоҳи миллии Тоҷикистон иштирок карданд.
Муҳаммадюсуф Имомзода, ректори Донишгоҳи миллии Тоҷикистон зимни ҷамъомад гуфт: «Яке аз дастовардҳои муҳими Раёсати Донишгоҳи миллии Тоҷикистон дар соли сипаригардида- ин гузаштан ба натиҷагирии фаъолияти донишҷӯён аз ҷониби омӯзгор тариқи журналҳои электронӣ мебошад. Қаблан факултети муносибатҳои байналхалқӣ ба таври пилотӣ ба ин низом гузашта буд ва аз оғози соли 2016 дар ҳамаи факултетҳои донишгоҳ натиҷагирии фаъолияти ҳаррӯзаи донишҷӯён тавассути журналҳои электронӣ ба роҳ монда шуд».
«Раёсати донишгоҳ дар самти дифои рисолаҳои номзадӣ ва докторӣ корҳои самараноку назаррас ба анҷом расонидааст. Натиҷаи чунин тадбирҳост, ки соли равон дар донишгоҳ 12 нафар рисолаҳои докторӣ ва 66 нафар рисолаҳои номзадии худро сарбаландона дифоъ намуданд»,- зикр кард Муҳаммадюсуф Имомзода.
Каналҳои магистралии Вахш ва Шуробод ба таҷдиди куллӣ фаро гирифта шудаанд
Дар заминҳои назди Муассисаи таҳсилоти миёнаи умумии №5-и ноҳияи Кӯшониён картошка кишт карда шудааст
Сулҳофар, тоҷикпарвар, ваҳдатгаро, ташаббускор, роҳкушо, нурофар, сипаҳсолор — ҳафт сифати барҷастаи роҳбарии Пешвои миллат
Имрӯз дар Тоҷикистон ҳавои тағйирёбанда пешгӯӣ шуда, борони кӯтоҳмуддат меборад
Дар Маркази назорати давлатии санитарию эпидемиологии вилояти Суғд вохӯрӣ баргузор шуд
Имрӯз дар Тоҷикистон ҳавои тағйирёбанда шуда, борони кӯтоҳмуддат меборад
Аз 1 то 3 май дар баъзе шаҳру ноҳияҳои Тоҷикистон ифлосшавии ҳавои атмосферӣ дар назар аст
Монографияи илмӣ оид ба журналистикаи сайёҳӣ ба нашр расид
«ТОҶИКИСТОНИ МАН!». Дар шаҳри Ҳисор маҳфил-озмун ҷамъбаст гардид
Имрӯз дар минтақаҳои доманакӯҳии ноҳияҳои тобеи Тоҷикистон сар задани сел пешгӯӣ мешавад
Сокини ноҳияи Кӯшониён аз ҳар қуттӣ кирмак то 35 килограмм пилла ба даст меорад
Имрӯз дар баъзе минтақаҳои Тоҷикистон борон меборад
