«Истиқлол» аввалин бозии худро дар Ҷоми КФО 14 март доир мекунад

Декабрь 14, 2016 10:25

ДУШАНБЕ, 14.12.2016. /АМИТ «Ховар»/. Чемпиони Тоҷикистон дастаи «Истиқлол»-и Душанбе аввалин бозии худро дар доираи бозиҳои гурӯҳии Ҷоми КФО 14 март дар Варзишгоҳи марказии ҷумҳуриявии шаҳри Душанбе бо ғолиби бозиҳои плей-офф мегузаронад. Дар ин бора сомонаи www.the-afc.com хабар медиҳад.

Тавре пештар иттилоъ дода будем, соли равон тарҳи гузаронидани бозиҳо барои Ҷоми КФО тағйир ёфт. Аз соли оянда сар карда, ин мусобиқа дар панҷ минтақаи Осиё сурат мегирад ва аз Осиёи Ғарбӣ дастаи ғолиб мустақиман ба бозии ниҳоӣ роҳхат мегирад. Аз чор минтақаи дигари Осиё: Шарқӣ, АСЕАН, Марказӣ ва Осиёи Ҷанубӣ баъди анҷоми мусобиқоти байниҳамдигарӣ як дастаи дигар ба бозии ниҳоӣ роҳ меёбад. Ин даста дар финал бо ғолиби минтақаи Осиёи Ғарбӣ қувва месанҷад.

Ҳарифи  нахустини «Истиқлол» баъди анҷом ёфтани ду раунди бозиҳои плей-офф бо ширкати дастаҳои «Дурдой»-и Қирғизистон бо «Балкан»-и Туркманистон ва «Ҳосилот»-и Фархор» бо «Шоҳин Асмоӣ»-и Афғонистон, ки ғолибони ҷуфтҳо барои ба марҳалаи гурӯҳӣ шомил шудан бо ҳам мубориза мебаранд, муайян хоҳад шуд.

Коршиносони футболи ватанӣ бар онанд, ки «Ҳосилот»-и Фархор дар баробари дастаҳои мазкур барои ба бозиҳои гурӯҳӣ шомил шудан имконияти беҳтар дорад ва шояд «Истиқлол» аввалин бозиашро бо дастаи «Ҳосилот» барпо намояд.

Ин дар ҳолест, ки «Истиқлол» ва «Ҳосилот» 25 феврал барои Суперҷоми Тоҷикистон, ки оғозбахши мавсими футбол дар мамлакат мебошад, бо ҳам қувва меозмоянд.

Ба ҳамин тартиб, тақвими бозиҳо дар гурӯҳи «D»-и минтақаи марказӣ ба шакли зер роҳандозӣ шудааст:

 Даври 1

14  март

«Истиқлол» (Тоҷикистон) – Ғолиби плей-офф

«Алай» (Қирғизистон) – «Алтин Асир» (Туркманистон)

Даври 2

4  апрел

«Алтин Асир» (Туркманистон) – «Истиқлол» (Тоҷикистон)

Ғолиби плей-офф – «Алай» (Қирғизистон)

Даври 3

18  апрел

«Истиқлол» (Тоҷикистон) – «Алай» (Қирғизистон)

Ғолиби плей-офф – «Алтин Асир» (Туркманистон)

Даври 4

3  май

«Алай» (Қирғизистон) – «Истиқлол» (Тоҷикистон)

«Алтин Асир» (Туркманистон) – Ғолиби плей-офф

Даври 5

17  май

Ғолиби плей-офф – «Истиқлол» (Тоҷикистон)

«Алтин Асир» (Туркманистон) – «Алай» (Қирғизистон)

 Даври 6

31  май

«Истиқлол» (Тоҷикистон) – «Алтин Асир» (Туркманистон)

«Алай» (Қирғизистон) – Ғолиби плей-офф

 

 

Декабрь 14, 2016 10:25

Хабарҳои дигари ин бахш

Варзишгарони тоҷик аз мусобиқаҳои байналмилалӣ 958 медал ба даст оварданд
ЛИГАИ ЧЕМПИОНҲО-2-И ОСИЁ. Имрӯз дастаҳои футболи «Истиқлол» ва «Ал-Наср» бо ҳам бозӣ мекунанд
9 паҳлавони тоҷик дар Мусобиқаи байналмилалии Abu Dhabi Grand Slam -2025 иштирок мекунанд
Ҳайати дастаи футболи «Ал-Наср»-и Арабистони Саудӣ барои бозӣ бо «Истиқлол» ба Душанбе омад
ЧЕМПИОНАТИ CAFA-2025. Дастаи мунтахаби занонаи то 18-солаи Тоҷикистон бо дастаи занонаи Узбекистон бозиро мусовӣ кард
Дар даврони соҳибистиқлолии Тоҷикистон бо шарофати варзишгарон Парчами давлатӣ зиёда аз 7500 маротиба баланд бардошта шуд
«ВАРЗИШГАРОН — ПАРЧАМБАРДОРОНИ МИЛЛАТ». Дар Донишкадаи тарбияи ҷисмонии Тоҷикистон ҳамоиши тантанавӣ баргузор шуд
Варзишгарони тоҷик дар Бозиҳои 6-уми ҳамбастагии исломӣ-2025 соҳиби ҳашт медал шуданд
ҶОМИ ОСИЁ ОИД БА ҶУДО БАЙНИ НАВРАСОН ВА ҶАВОНОН-2025. Варзишгарони тоҷик дар рӯзи якум 3 медали тилло ба даст оварданд
«ҶАВОНОН ВА ВАРЗИШГАРОН -САДОҚАТ БА ПЕШВОИ МИЛЛАТ ВА ПАРЧАМИ ДАВЛАТӢ». Бо чунин унвон «Дав барои хушҳолӣ» баргузор гардид
Дар ноҳияи Ёвон варзишгарони ҷавон барои дастовардҳои назаррас қадрдонӣ шуданд
Парчами давлатии Тоҷикистон давоми нуҳ моҳ ба шарафи варзишгарони тоҷик зиёда аз 320 маротиба баланд бардошта шуд