Шариф Комилзода: «Паёми имсола ҳуҷҷати муҳим ва фарогири дастовардҳои асосии миллӣ дар даврони соҳибистиқлолии кишвар мебошад»

Декабрь 29, 2016 15:35

ДУШАНБЕ, 29.12.2016 /АМИТ «Ховар»/. Имрӯз дар Пажӯҳишгоҳи илмӣ- тадқиқотии фарҳанг ва иттилоот таҳти унвони «Нақши фарҳанг дар инкишофи тафаккури миллӣ» (дар ҳошияи Паёми Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон) ҷамъомад доир гардид.
Дар суҳбат директори Пажӯҳишгоҳи илмӣ-тадқиқотии фарҳанг ва иттилоот Шариф Комилзода иброз дошт, ки Паёми имсола ҳуҷҷати муҳими стратегие мебошад, ки дар он дастовардҳои асосии миллӣ дар даврони соҳибистиқлолии кишвар мавриди баррасӣ қарор гирифтаанд.
«Ҷолиби таваҷҷуҳ аст, ки дар Паёми Пешвои миллат махсус таъкид гардид, ки Ҷумҳурии Тоҷикистон барои ташкили муассисаҳои истироҳатию тандурустӣ, сохтмони иншооти санаторӣ, базаҳои сайёҳӣ имкониятҳои калон дорад ва самаранок истифода бурдану инкишоф додани ҳамаи инҳо вазифаи асосии давлату ҳукумат ва соҳибкорон мебошад»,- зикр кард Шариф Комилзода ва илова намуд, ки «Паёми имсола ҳама самтҳои рушди иҷтимоӣ, иқтисодӣ, фарҳангӣ ва сиёсии мамлакатро таҳлил намуда, вазифаҳои навбатиро бо мақсади рушди ҳамаи соҳаҳои кишвар барои ноил шудан ба зиндагии шоиста муайян намуд».
Муовини директори ПИТФИ, номзади илмҳои филологӣ Дилшод Раҳимов доир ба «Зарурат ва аҳамияти омӯзиши мероси фарҳангии миллати тоҷик» иброз дошт, ки Паёми Президенти кишвар муҳтарам Эмомалӣ Раҳмон барои намояндагони тамоми соҳаҳои иқтисодиву иҷтимоии ҷумҳурӣ аҳамияти назариявӣ, амалӣ ва дастурӣ дошта, барои рушду тараққии кишвар аҳамияти хосса дорад.

Декабрь 29, 2016 15:35

Хабарҳои дигари ин бахш

Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво рӯзона то 23 дараҷа гарм мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Қатар барои сарфа ва тоза кардани об технологияҳои нав истифода мебарад
РЎЗИ БАЙНАЛМИЛАЛИИ ҶАНГАЛ. Дар Тоҷикистон 8 намуди навъи нави писта ва чормағз парвариш карда мешавад
Дар Шветсия бузургтарин ҷаҳиши солонаи нархи ғизо дар 70 соли охир ба мушоҳида расид
Имрӯз дар Тоҷикистон ҳаво рӯзона то 26 дараҷа гарм мешавад
Моҳи март дар осмон якбора чанд сайёраро дидан мумкин аст
Зарари умумии заминларзаи Туркия аз 105 миллиард доллар гузашт
«МАЛИКАИ НАВРӮЗ — 2023». Дар Кӯлоб озмуни вилоятӣ доир карда шуд
Дар Қазоқистон интихоботи ғайринавбатии вакилони палатаи поёнии Парлумон ба анҷом расид
Муҳаққиқон хабар доданд, ки ба истеҳсоли қаҳва тағйирёбии иқлим таҳдид мекунад