Шоми имрӯз дар Душанбе Рӯзҳои фарҳанги Ҷумҳурии Ӯзбекистон расман оғоз меёбанд
ДУШАНБЕ, 10.05.2017/АМИТ «Ховар»/. Дирӯз, 9 май ҳайати расмӣ ва эҷодии Ҷумҳурии Ӯзбекистон бо роҳбарии муовини аввали Вазири фарҳанги ин кишвар Минҳоҷиддин Ҳоҷиматов барои иштирок дар Рӯзҳои фарҳанги Ҷумҳурии Ӯзбекистон дар Ҷумҳурии Тоҷикистон ба шаҳри Душанбе омада, нахуст аз Осорхонаи миллии Тоҷикистон дидан намуд.
Тавре аз Вазорати фарҳанги Ҷумҳурии Тоҷикистон ба АМИТ «Ховар» иттилоъ доданд, Рӯзҳои фарҳанги Ҷумҳурии Ӯзбекистон дар Тоҷикистон аз 9 то 13 майи соли равон доир гардида, дар ин рӯзҳо баргузории барномаҳои консертӣ, намоиши синамо ва мусаввараҳо дар назар дошта шудааст.
«Барои иштирок дар ин рӯзҳо, ки бо мақсади рушди муносибатҳои фарҳангии ду кишвар баргузор мегарданд, ҳунарпешаҳои машҳури Ӯзбекистон, мисли Ғуломҷон Ёқубов, Маҳмуд Намозов, Севинч Мӯминова ва Ансамбли давлатии тарона ва рақси «Ӯзбекистон» ба Тоҷикистон омаданд»,- хабар доданд аз Вазорати фарҳанги Ҷумҳурии Тоҷикистон.
Имрӯз, 10 май соати 11:00 дар Китобхонаи миллии Тоҷикистон бо иштироки Вазири фарҳанги Ҷумҳурии Тоҷикистон ва роҳбари ҳайати расмии Ҷумҳурии Ӯзбекистон ба шарафи Рӯзҳои фарҳанги Ҷумҳурии Ӯзбекистон дар Ҷумҳурии Тоҷикистон нишасти матбуотӣ баргузор мегардад.
Худи ҳамин рӯз соати 14:00 дар Хонаи кинои Иттифоқи синамогарони Тоҷикистон Рӯзҳои кинои Ҷумҳурии Ӯзбекистон бо намоиши филми ҳунарии «Ота» (Падар) оғоз меёбад.
Шоми 10 май соати 17:30 дар Театри давлатии академии опера ва балети ба номи С. Айнӣ маросими ифтитоҳи ботантанаи Рӯзҳои фарҳанги Ҷумҳурии Ӯзбекистон баргузор мешавад. Меҳмонони рӯзҳои фарҳангӣ қабл аз оғози он метавонанд аз намоиши санъати тасвирӣ ва аккосии «Ӯзбекистони муосир», ки дар даромадгоҳи театр ба маъраз гузошта мешавад, баҳра бардоранд.
11 майи соли 2017 сафари иштирокчиён ба шаҳри Қӯрғонтеппа дар назар аст. Дар ин рӯз барномаи консертии ҳунарпешагони Ҷумҳурии Ӯзбекистон барои сокинон ва меҳмонони шаҳри Қӯрғонтеппа манзур мегардад.
Маросими ботантанаи анҷоми Рӯзҳои фарҳанги Ҷумҳурии Ӯзбекистон дар Ҷумҳурии Тоҷикистон 12 майи соли 2017 соати 18:00 дар Театри давлатии академии опера ва балети ба номи С. Айнӣ барпо мешавад.
Дар Душанбе дар мавзуи аҳамияти синошиносӣ ва муаррифии осори Абӯалӣ ибни Сино ҳамоиш баргузор шуд
1045-СОЛАГИИ ФАРЗАНДИ НОМВАРИ ТОҶИК, ДОНИШМАНД, ФАЙЛАСУФ ВА ТАБИБИ МАШҲУРИ ОЛАМ АБӮАЛӢ ИБНИ СИНО. Ба ин муносибат дар Тоҷикистон симпозиуми байналмилалӣ доир мешавад
Имрӯз дар Душанбе намоиш-фурӯши китоб баргузор мегардад
Моҳи март дар Душанбе Фестивали «Сад ранги чакан» ва намоиш-фурӯши маҳсулоти нақшдӯзиву зардӯзии чаканӣ баргузор мешаванд
Ҳунармандони Театри давлатии академии калони Узбекистон ба номи Алишер Навоӣ ба Тоҷикистон меоянд
«САД РАНГИ ЧАКАН». Дар Исфара даври шаҳрии фестивали ҷумҳуриявӣ баргузор шуд
Дар муассисаҳои илмии Академияи миллии илмҳои Тоҷикистон 20 озмоишгоҳи замонавӣ ба истифода дода шуд
Донишҷӯёни тоҷики Донишкадаи умумирусиягии кинематографияи шаҳри Москва бо хобгоҳ ва стипендия таъмин карда мешаванд
НИШАСТИ МАТБУОТӢ. Донишкадаи давлатии санъати тасвирӣ ва дизайни Тоҷикистон бо 19 муассисаи таҳсилоти олии хориҷӣ ҳамкорӣ дорад
НИШАСТИ МАТБУОТӢ. Донишҷӯёни Консерваторияи миллӣ дар Озмуни ҷумҳуриявии «Тоҷикистон — Ватани азизи ман» соҳиби Шоҳҷоиза ва ҷойҳои намоён гардиданд
Агентиҳои иттилоотии Тоҷикистон ва Чин ба марҳалаи нави ҳамкорӣ ворид мешаванд
Таҳкими ҳамкорӣ дар самти дастгирии иттилоотӣ ва тарғиби сиёсати дӯстонаи Тоҷикистон ва Чин баррасӣ шуд
