Дар Остона Рӯзи миллии Ҷумҳурии Тоҷикистон баргузор гардид
ДУШАНБЕ, 13.06.2017 /АМИТ Ховар/. Дар Намоишгоҳи байналмилалии ЭКСПО-2017, ки 12 июни соли равон дар шаҳри Остонаи Ҷумҳурии Қазоқистон доир шуд, Рӯзи миллии Ҷумҳурии Тоҷикистон бо баланд бардоштани байрақи Тоҷикистон ва Қазоқистон зери садои суруди миллии ду кишвар оғоз гардид.
Тавре ба АМИТ «Ховар» аз Вазорати фарҳанг хабар доданд, дар доираи Рӯзи миллии Ҷумҳурии Тоҷикистон таҳти шиори «Истифодаи самараноки захираҳои обӣ ва қувваи барқ» намоишгоҳ пешниҳоди иштирокдорон гардид.
Ба иттилои манбаъ, намоишгоҳ таваҷҷуҳи намояндагони расмӣ ва сайёҳони кишварҳои гуногунро ба худ ҷалб намуд. Иштирокдорон ва меҳмонон тавассути он бо табиат, канданиҳои фоиданок, иқтидори энегетикӣ ва обӣ, фарҳанг ва таърихи тоҷикон ошноӣ пайдо намуданд. Хусусан дарахти бахт, ки баргу шохаҳояш бо сангҳои қимматбаҳои Тоҷикистон оро ёфта буданд, диққати ҳамагонро ба худ ҷалб намуд.
Шоми ҳамон рӯз дар Амфитеатр, ки дар ҳудуди Намоишгоҳи ЭКСПО-2017 воқеъ гардидааст, консерти устодони санъати Тоҷикистон доир гардид.
Дар барномаи консертӣ ансамблҳои «Базморо», «Садои Суғд», «Фалак» ва ҳунармандони шинохта чун Фотима Машрабова, Дамирбек Олимов, Абдураҳмон Мадхолов, Искандар Тагиров, Раҳматулло Бойматов ва Фарҳод Одинаев санъати нотакрори рақс ва суруду оҳанги тоҷикиро пешкаши иштирокдорон намуданд.
«ҚАЛАМДОРӢ-МАСЪУЛИЯТИ ВАТАНДОРИСТ». Таҳти ин унвон маҳфили адабии нависанда Садриддин Ҳасанзода доир шуд
Дар Душанбе бахшида ба Рӯзи маъюбон ҳамоиши фарҳангӣ доир шуд
Дар Душанбе намоиши дастнависҳо, нусхаҳои чопи сангӣ ва хушнависиҳои ашъори Ҳофизи Шерозӣ баргузор шуд
Мехоҳед таътили тобистонаи фарзандатон босамар гузарад? Пас ба Китобхонаи миллии Тоҷикистон биёяд
Дар шаҳри Норак 2 ёдгории бостонӣ кашф ва таҳқиқ карда шуд
Дар Душанбе дуюмин Синамоҷашнвораи байналмилалӣ «Тоҷи сомон» баргузор мегардад
Дар театри Муҳаммадҷон Қосимов намоишномаи «Ман Таҳминаам…» аз рӯи достони «Шоҳнома» пешниҳод мегардад
Бо ташаббуси Агентии ҳифзи мероси таърихию фарҳангӣ дар ноҳияи Ховалинг Рӯзи Ваҳдати миллӣ ҷашн гирифта шуд
Шоири халқии Тоҷикистон Камол Насрулло: «Ҳақиқат ин аст, ки Пешвои миллат ваҳдатро бунёд гузошту таҳким доду қавӣ сохт»
Дар Осорхонаи миллӣ гӯшаи доимоамалкунандаи «Ваҳдати миллӣ» ташкил гардидааст
Тамоми комёбиҳои миллат ва саодати рӯзгори мардум аз иттиҳоди миллӣ ибтидо мегирад
«ЭМОМАЛӢ РАҲМОН – МЕЪМОРИ СУЛҲУ ВАҲДАТ». Дар Вазорати фарҳанг ҳамоиши илмӣ доир гардид
