ВМКБ: 6 ҳазор метр сими алоқаи «Тоҷиктелеком» ҳанӯз ҳам пайдо нашудааст
ХОРУҒ, 24.07.2017 /АМИТ «Ховар»/. Соли равон бар асари ҷорӣ шудани селу афтодани кӯҳпораҳо дар Вилояти Мухтори Кӯҳистони Бадахшон ҳазорон метр ноқилҳои алоқа тахриб шуданд ва муштариёни зиёд аз истифодаи телефонҳои хонагӣ маҳрум гардиданд.
Муовини сардор оид ба кор бо муштариёни бахши вилоятии ҶСК «Тоҷиктелеком» Қувватбек Амонбеков гуфт: «Соли равон офатҳои табиӣ фаъолияти кормандони моро номуназзам сохтанд ва мо натавонистем ба муштариён хизмати хуб расонем. Аз ин рӯ, бисёр муштариён шартномаи ҳамкориро бо ҷамъияти мо қатъ намуданд, ки ин омил вазъи иқтисодии коргоҳро боз ҳам мураккаб сохт».
Ба гуфтаи муовини сардори ҶСК «Тоҷиктелеком», соли гузашта дар масофаи наздик ба 6 километр хати алоқа аз тарафи шахсони номаълум дуздида шуд ва ҳанӯз омилҳои ин ҳодиса пайдо нашудаанд. Дар натиҷаи ин дуздӣ 3 ҳазору 201 нуқтаи телефон аз кор боз монд ва аз ин ҳисоб ба ҷамъияти мазкур хисороти зиёди молӣ ворид шуд. Ҳамарӯза садҳо нафар аз муштариён барои барқарор кардани телефонҳои хонагӣ ба ҶСК «Тоҷиктелеком» муроҷиат мекунанд, вале бо сабаби камбудии имконоти молӣ талаби онҳо бенатиҷа мемонад.
«Таҷҳизот ва ноқилҳои алоқа дар аксарият ноҳияҳои вилоят дар аввали солҳои ҳафтодум насб шудаанд ва алъон комилан фарсудаву куҳна гардидаанд. Аз ин рӯ, сифати хадамоти мухобиротӣ чандон хуб нест. Ягона роҳи бозгардондани муштариён ва афзоиши теъдоди онҳоро мутахассисони ин ҷамъият дар иваз намудани таҷҳизоту ноқилҳои нав мебинанд»,-илова намуд манбаъ.
«КИТОБ БАРОИ МУҲОФИЗОНИ ВАТАН». Бахшида ба Рӯзи Қувваҳои Мусаллаҳи Ҷумҳурии Тоҷикистон иқдоми тақдими китоб идома дорад
Имрӯз дар баъзе ноҳияҳои Тоҷикистон бориши борон ва барф дар назар аст
АМАЛИЁТИ «ПИЁДАГАРД». Ҳадафи он коҳиш додани сатҳи садаманокӣ дар Тоҷикистон аст
МУШОҲИДОНИ БАЙНАЛМИЛАЛӢ. Қоидаҳои иштирок ва мақоми онҳо дар интихоботи вакилони Маҷлиси намояндагони Маҷлиси Олии Ҷумҳурии Тоҷикистон чӣ гуна аст?
«ЭЪЛОМИЯИ ҲУҚУҚИ БАШАРИ КУРУШИ КАБИР». Ин санад бузургтарин мероси маънавӣ дар миқёси умумибашарӣ аст
Имрӯз дар баъзе ноҳияҳои Тоҷикистон борон меборад
Танбашавии мошинҳо дар роҳҳои байналмилалие, ки аз маркази шаҳри Ваҳдат мегузаранд, кай бартараф мегардад?
ҲИСОББАРОБАРКУНИИ ҒАЙРИНАҚДӢ. 6 миллион амалиёти пардохти андоз ва боҷҳо ба тариқи ғайринақдӣ анҷом ёфт
НАВРАСОНИ АСРИ ТЕХНОЛОГИЯ. Дар Душанбе машварати омӯзишӣ аз фанни технологияи иттилоотӣ доир шуд
Имрӯз дар баъзе ноҳияҳои Тоҷикистон борон ва барф меборад
ҶАМЪБАСТИ НИШАСТҲОИ МАТБУОТӢ. Имрӯз дар Вазорати молия, Кумитаи рушди сайёҳӣ, Прокуратураи генералӣ ва Агентии назорати давлатии молиявӣ ва мубориза бо коррупсия нишасти матбуотӣ баргузор мегардад
Дар Женева дастовардҳои Тоҷикистон дар соҳаи роҳу нақлиёт муаррифӣ шуд
