ЗИНДАВУ ҶОВИД МОНД… Полковник Хайриддин Аҳтамов дар зодгоҳаш ҷамоати деҳоти «Ватан» ба хок супорида шуд
ДУШАНБЕ, 05.12.2017./АМИТ «Ховар»/. Гузаштагони мо талқин намудаанд, ки дар муҳофизати Ватан бо номи нек мурдан аз он зиндагоние, ки душман бар ту зафар ёфта, шодмонӣ намояд, ҳазорон маротиба беҳтар аст. Фарзанди фарзонаи миллат, афсари шуҷоъ, сардори отряди сарҳадии «Шӯрообод» Хайриддин Аҳтамов бо корнамоии худ собит намуд, ки дар роҳи ҳимояи Ватан мурдан – зистан аст. Ӯ ҳамеша дар ёду қалбҳои мардуми мо зиндаву ҷовид хоҳад буд. Чунин зикр намуданд дӯстону ҳамхизматон дар маросими дафни ин марди шуҷоъ ва некном, ки 3-юми декабр дар зодгоҳаш- деҳаи Лолазор, ҷамоати деҳоти «Ватан»-и ноҳияи Фархор баргузор шуд.
Тавре қаблан хабар дода будем, полковники Қӯшунҳои сарҳадии Кумитаи давлатии амнияти миллии Ҷумҳурии Тоҷикистон Хайриддин Аҳтамов 2 декабри соли 2017, соати 19:10 дақиқа, дар минтақаи дидбонгоҳи сарҳадии №2-и «Баҳорак»-и отряди сарҳадии «Шӯрообод» (ноҳияи Шамсиддин Шоҳин) ҳангоми пешгирии убури мусаллаҳонаи ғайриқонунии қочоқбарони афғон ба қаламрави Ҷумҳурии Тоҷикистон ба ҳалокат расид.
Хотиррасон менамоем, ки Хайриддин Аҳтамови 42-сола баъди хатми мактаб ба Донишгоҳи олии сарҳадии шаҳри Рязани Россия дохил шуда, онро соли 1997 хатм намудааст. Ӯ аз соли 1997 корро дар мақомоти интизомӣ шурӯъ намуда, то сардори қисми низомӣ расида буд.
«СИФАТИ ХИЗМАТРАСОНИИ ТИББӢ». Доир ба беҳтар намудани кумаки статсионарӣ ба модарон, навзодон ва кӯдакон машғулият доир гардид
Давоми шабонарӯзи охир бар асари бориши шадид дар минтақаҳои гуногуни Тоҷикистон сел ба амал омад
Бахшида ба Рӯзи ҷавонони Тоҷикистон Вазири корҳои дохилӣ бо ҷавонони фаъол вохӯрӣ намуд
Директори Хазинаи байналмилалии асъор бо занони пешсафи тоҷик мулоқот намуд
МОҲВОРАИ ҶАВОНОН. Дар шаҳри Бохтар Фестивали бозиҳои миллӣ баргузор гардид
«МАКТАБИ СИЁСИИ ПЕШВОИ МИЛЛАТ». Таҳти чунин унвон конференсияи 4-уми байналмилалии илмӣ-амалӣ доир шуд
БАХШИДА БА РӮЗИ ҶАВОНОНИ ТОҶИКИСТОН. Дар ноҳияи Панҷ бо афсарону сарбозони қисмҳои ҳарбӣ вохӯрӣ доир гардид
Дар Душанбе масъалаи фарогирии умумӣ ба хизматрасонии тандурустӣ баррасӣ гардид
Дар Душанбе бо намояндагони созмонҳои байналмилалӣ оид ба коҳиши хатари офатҳои табиӣ мулоқот доир гардид
ОГОҲИИ АГЕНТИИ ОБУҲАВОШИНОСӢ. Давоми чор рӯз дар Тоҷикистон ҳавои номусоид ва сел пешгӯӣ мешавад
Дар Душанбе маҷлиси Раёсати Кумитаи Иҷроияи Марказии Ҳизби Халқии Демократии Тоҷикистон баргузор гардид
«РУШДИ САРМОЯИ ИНСОНӢ». Таҳти чунин унвон Форуми байналмилалӣ доир гардид
