Аслиддин Низомӣ сазовори унвони «Профессори фахрии Консерваторияи миллии Ӯзбекистон» гардид
ДУШАНБЕ, 24.12.2018. /АМИТ «Ховар»/. Дар шаҳри Тошканди Ҷумҳурии Ӯзбекистон вохӯрии эҷодии мусиқишиноси маъруфи тоҷик, аъзои Иттифоқи композиторони Тоҷикистон, доктори илмҳои санъатшиносӣ, профессор Аслиддин Низомӣ дар мавзӯи «Шашмақом чун рамзи пайванди фарҳанги тоҷику ӯзбек» бо ҳайати устодону донишҷӯёни Консерваторияи миллии Ӯзбекистон баргузор гардид.
Тавре раиси Иттифоқи композиторони Тоҷикистон Хуршед Низомов ба мухбири АМИТ «Ховар» иттилоъ дод, вохӯрии мазкур дар доираи робитаҳои судманди эҷодию илмии байни Тоҷикистону Ўзбекистон бо даъвати Вазорати маданияти Ҷумҳурии Ӯзбекистон доир гардид.
Ба иттилои манбаъ, барои саҳмгузорӣ дар пешбурди илми санъатшиносӣ ва таҳқиқи мукаммали ҷанбаҳои таърихӣ-назариявӣ ва эстетикии мусиқии анъанавию касбӣ ва ба роҳ мондани робитаҳои байналмилалии илмӣ бо қарори Шўрои олимони Консерваторияи миллии Ўзбекистон олими тоҷик Аслиддин Низомӣ бо унвони олии «Профессори фахрии Консерваторияи миллии Ӯзбекистон» сарфароз гардид.
Бояд тазаккур дод, ки бо шарофати соҳибистиқлолии Тоҷикистон илми санъатшиносии тоҷик дар сохтори самтҳои афзалиятноки илмҳои мамлакат мавқеи хосса дошта, дар сатҳи байналмилалӣ эътироф гардидааст.
Айни замон мусиқишиносони тоҷик баҳри татбиқи сиёсати фарҳангии Ҳукумати Ҷумҳурии Тоҷикистон ва ниёзҳои воқеии илмӣ-амалии фарҳанг ва санъат корҳои зиёди илмӣ-тадқиқотиро мавриди таҳқиқ қарор дода, вобаста ба масоили таърихию назариявии санъати миллӣ, такомули методологии таҳқиқоти илмӣ дар равияи санъатшиносии миллӣ пажўҳишҳои муфид анҷом дода истодаанд.
Дар баробари рушди фарҳанги миллӣ ва ворид шудани Тоҷикистон ба фазои ҷаҳонии тамаддун айни замон тарғиби санъати мусиқии касбии тоҷик дар сатҳи байналмилалӣ мақоми аввалиндараҷа пайдо мекунад.
Бо ташаббуси Агентии ҳифзи мероси таърихию фарҳангӣ дар ноҳияи Ховалинг Рӯзи Ваҳдати миллӣ ҷашн гирифта шуд
Шоири халқии Тоҷикистон Камол Насрулло: «Ҳақиқат ин аст, ки Пешвои миллат ваҳдатро бунёд гузошту таҳким доду қавӣ сохт»
Дар Осорхонаи миллӣ гӯшаи доимоамалкунандаи «Ваҳдати миллӣ» ташкил гардидааст
Тамоми комёбиҳои миллат ва саодати рӯзгори мардум аз иттиҳоди миллӣ ибтидо мегирад
«ЭМОМАЛӢ РАҲМОН – МЕЪМОРИ СУЛҲУ ВАҲДАТ». Дар Вазорати фарҳанг ҳамоиши илмӣ доир гардид
Таҳти унвони «Қисса ва ҳикояҳо» китоби Абдурофеъ Рабизода нашр гардид
«ДАР МЕҲМОНИИ ДУШАНБЕ». Фестивали байналмилалии эҷодиёти бадеии кӯдакон ва наврасони ИДМ оғоз гардид
Дар Агентии ҳифзи мероси таърихию фарҳангӣ таҳти унвони «Ваҳдати миллат — бақои миллат!» ҳамоиш баргузор шуд
Дар ёдгории Ҳалқаҷари ноҳияи Хуросон бозёфти нодири таърихӣ — «обкӯзаи хонуми Сагкин» кашф гардид
«Душанбе — нусхае аз биҳишт». Таҳти ин унвон дар васфи пойтахти Тоҷикистон китоб ба нашр расид
Донишҷӯдухтарони Донишгоҳи давлатии Кӯлоб ба меҳмонони хориҷӣ либосҳои миллиро намоиш доданд
Дар Институти биологии Помир озмоишгоҳи биотехнологӣ ба истифода дода шуд
