Дар шаҳри Кӯлоб намоиши сад ранги чакан доир гардид
КӮЛОБ, 22.12.2018 /АМИТ «Ховар»/. Сокинони шаҳри бостонии Кӯлоб ба шарафи дар Соли рушди сайёҳӣ ва ҳунарҳои мардумӣ ба феҳристи мероси ғайримоддии фарҳангии Бунёди маориф ва илму фарҳанги Созмони Милали Муттаҳид (ЮНЕСКО) шомил шудани чакан дар назди Қасри фарҳанги шаҳр ҳамоиш доир намуданд. Дар он ҳунармандони шаҳру деҳот ҷамъ омада, намоиши ин ҳунари волои хешро ба маъраз гузоштанд. Занону духтарон дар бар куртаҳои чакан аз он ифтихор мекарданд.
Дар намоишгоҳ нақшҳои гуногуну пурмазмуни чаканро вохӯрдан мумкин буд, аз ин рӯ ин намоишро сад ранги чакан номиданд. Ҳунармандони касбӣ ба намоишгоҳ бо шогирдонашон омада, бо шукргузорӣ аз сулҳу ваҳдати миллӣ ва осмони софу беғубори диёр ба сатҳи ҷаҳонӣ баромадани ҳунари миллиамон-чаканро фоли нек ҳисобиданд.
Раиси шаҳри Кӯлоб кулли ҳунармандон ва сокинони шаҳрро бо ин рӯйдоди фараҳбахш табрик гуфта, зикр намуд, ки «дар бораи чакан садҳо асарҳои илмӣ иншо гардида, даҳҳо корҳои тадқиқотӣ бурда шудаанд. Чакан шиносномаи мардуми водии Кӯлоб ба шумор мерафт ва ҳоло он шиносномаи миллати тоҷик дар арсаи ҷаҳон гардид, ки мо аз ин мефахрем».
Сипас дар ҳолати тантанавӣ ба як гурӯҳ ҳунармандоне, ки дар рушди ин ҳунари хонаводагӣ саҳми арзанда гузоштаанд, сипоснома, ифтихорнома ва туҳфаҳои мақомоти иҷроияи ҳокимияти давлатии шаҳр супорида шуданд.
Ба намоиш кормандони шуъбаи фарҳанг ва Театри мусиқӣ-мазҳакавии ба номи Сайдалӣ Вализодаи шаҳр шукӯҳи тоза бахшиданд.
Дар Душанбе дар мавзуи Куруши Кабир ва Эъломияи умумии ҳуқуқи башар ҳамоиш доир гардид
Туҳфаи Президенти Тоҷикистон — «Шоҳнома»-и Абулқосим Фирдавсӣ ба ноҳияи Мастчоҳ расид
ҲИФЗИ МЕРОСИ МИЛЛӢ ДАР ТОҶИКИСТОН. Тавассути сиёсати хирадмандона имрӯз ҷаҳониён бо таъриху фарҳанги миллати мо шинос мешаванд
Донишкадаи давлатии санъати тасвирӣ ва дизайни Тоҷикистон бо «Россотрудничество» ҳамкориро густариш медиҳад
Дар Институти масъалаҳои об, гидроэнергетика ва экология озмоишгоҳи муштараки муҳити экологӣ ба истифода дода шуд
Фестивали байналмилалии «Сӯзании Панҷакент» баргузор мешавад
«Харитаи хатсайри Шӯриши Восеъ» таҳия мегардад
«ФАРҲАНГИ СУМАНАКПАЗӢ». Номинатсияи миллии Ҷумҳурии Тоҷикистон ба Феҳристи мероси фарҳанги ғайримоддии ЮНЕСКО ворид гардид
РӮЗИ БАЙНАЛМИЛАЛИИ РАССОМОН. Ин ҳунар дар Тоҷикистон беш аз ҳазор сол пеш ба вуҷуд омадааст
«ҲИФЗИ МЕРОС». Бо мақсади муаррифии сазовори таъриху фарҳанги миллати тоҷик маҷаллаи илмӣ ба нашр расид
РӮЗҲОИ ФАРҲАНГИ ЧИН ДАР ТОҶИКИСТОН. Дар Донишкадаи давлатии фарҳанг ва санъат барномаи фарҳангӣ доир шуд
«МАВЛОНО ВА ТАМАДДУНИ ИНСОНӢ». Ин китоби Президенти Ҷумҳурии Тоҷикистон дар озмуни байналмилалӣ сазовори ҷойи якум гардид
