Дар Душанбе стандарти маҳсулоти кишоварзии кишварҳои Осиёи Марказӣ баррасӣ гардид

Апрель 8, 2019 14:20

ДУШАНБЕ, 08.04.2019. /АМИТ «Ховар»/. Имрӯз дар шаҳри Душанбе ҷаласаи навбатии гурӯҳи техникии миллии ҷумҳуриҳои Тоҷикистон, Қазоқистон, Қирғизистон ва Ӯзбекистон оид ба баррасии стандартҳои кишоварзии Осиёи Марказӣ доир гардид. Ҳадаф аз баргузории  ҷаласа таҳлил ва баррасии таҳияи стандартҳои кишоварзии Комиссияи аврупоии иқтисодии СММ, аз ҷумла стандарти пиёзи барвақтӣ, меваи хурмо, лимӯ, олуи сиёҳ, харбуза, харбузаи хушк, ангур, мавиз, чормағз ва себи хушк арзёбӣ мешавад.

Хабарнигори АМИТ «Ховар» иттилоъ медиҳад, ки ҷаласаро директори Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон («Тоҷикстандарт») Қудрат Давлатзода ифтитоҳ намуд.

Мавсуф таъкид дошт, ки бо мақсади дастгирии соҳибкорон ва тақвият бахшидан ба рушди содирот, инчунин бе монеа роҳ ёфтани маҳсулоти кишоварзӣ ба бозорҳои ҷаҳонӣ аз ҷониби мутахассисони Агентии «Тоҷикстандарт» дар ҳамкорӣ бо як зумра ташкилоти байналмилалӣ  стандартҳои кишоварзӣ таҳия шуда истодаанд.

Аз ҷумла, алҳол стандарт барои пиёзи барвақтӣ аз рӯи стандартҳои байналмилалии КАИ СММ FFV- 25 таҳия шуда истодааст. Корҳо дар самти таҳияи стандарти  КАИ СММ FFV- 63 барои содирот ва назорати  сифати  маҳсулоти хурмо ва таҳияи  стандарти КАИ СММ FFV-63 барои лимӯ  низ идома доранд.

Тавре аз ҷониби ҳозирин баён гардид, тавассути таҳияи стандартҳои кишоварзӣ  сифати маҳсулот ва пешниҳоди он ба истеъмолкунанда баланд гардида, ҳамкориву манфиатҳои судманд ба даст овардан имкон дорад. Минтақаи Осиёи Марказӣ барои истеҳсоли маҳсулоти кишоварзии аз ҷиҳати экологӣ тозаву безарар  хеле мусоид буда, барои содироти он ба кишварҳои Аврупо замина мегузорад.

Коршиносон дар ҷаласа иброз доштанд, ки ин иқдом барои рушди судманди  ҳамкорӣ саривақтӣ буда, пеш аз ҳама, барои рушди содироти маҳсулоти кишоварзии кишварҳои Осиёи Марказӣ манфиатбахш аст.

Коршиносони байналмилалӣ ва инчунин намояндагони кишварҳои иштирокчӣ дар ҷараёни ҷаласа фикру андеша ва пешниҳодҳои худро оид ба таҳия ва қабули стандартҳои байналмилалӣ ва омилҳои татбиқи амалии стандартҳо зимни парваришу истеҳсолот, инчунин ба шакли ҷавобгӯ расонидани маҳсулоти кишоварзӣ то ба дасти истеъмолкунанда баён доштанд ва қарорҳои дахлдор қабул карданд.

Мавриди зикр аст, ки маҳсулоти кишоварзӣ яке аз ғизоҳои аввалини инсоният буда, дар замони муосир истеҳсолкунандагон онро дар шаклҳои нав коркарду бастабандӣ ва барои истеъмолкунанда пешниҳод месозанд. Инчунин тибқи тақозои замон, ҳангоми парвариш ба таркиб, ҳаҷм ва шаклу намуди он таваҷҷуҳи ҷиддӣ зоҳир мекунанд, то барои солимии инсон осебе нарасад. Талаботи стандартҳои ҷаҳонӣ ҳам ҳамин аст, ки дар шароити тағйирёбии иқлим маҳсулоти кишоварзӣ бе осеб боқӣ монад.

Ҷаласаи навбатии гурӯҳи техникии миллии ҷумҳуриҳои Тоҷикистон, Қазоқистон, Қирғизистон ва Ӯзбекистон оид ба баррасии стандартҳои кишоварзии Осиёи Марказӣ кори худро то 9 апрел идома медиҳад.

Апрель 8, 2019 14:20

Хабарҳои дигари ин бахш

Эмомалӣ Раҳмон: «Миқдори сайёҳон ба Вилояти Мухтори Кӯҳистони Бадахшон 13 баробар афзудааст»
Қитъаи муҳими роҳи Душанбе – Хоруғ – Қалъаихумб бо пулу нақб мавриди истифода қарор гирифт
Эмомалӣ Раҳмон: «Ба рушди Вилояти Мухтори Кӯҳистони Бадахшон зиёда аз 25 миллиард сомонӣ равона шудааст»
Дар Хадамоти гумрук моҳияти қонунҳои миллӣ тавзеҳ дода шуд
Эмомалӣ Раҳмон: «Дар Вилояти Мухтори Кӯҳистони Бадахшон амалисозии 9 барномаи рушди иҷтимоиву иқтисодӣ идома дорад»
Байни вилоятҳои Хатлони Тоҷикистон ва Ленингради Русия Созишномаи ҳамкорӣ ба имзо расид
Раҳмон Исломиддин дар ҷаласаи навбатии Шурои байнидавлатӣ оид ба стандартизатсия, метрология ва сертификатсияи давлатҳои аъзои ИДМ иштирок намуд
Дар Турсунзода Фестивали саводнокии молиявӣ баргузор шуд
Татбиқи тарҳи «CASA-1000» намунаи ҳамкории энергетики минтақавӣ мебошад
Ҷаласаи сеюми Комиссияи байниҳукуматии Тоҷикистону Ҷопон баргузор гардид
Байни «Амонатбонк» ва Федератсияи футболи Тоҷикистон шартномаи ҳамкорӣ ба имзо расид
Дар доираи ҳамкории Тоҷикистон бо Фонди байналмилалии рушди кишоварзӣ академияи бонкӣ таъсис дода мешавад