Дар майдони Исмоили Сомонии шаҳри Хоруғ озмуни «Сайри гулҳо» баргузор гардид

Апрель 8, 2019 15:11

ХОРУҒ, 08.04.2019 /АМИТ «Ховар»/. Дар майдони ба номи Исмоили Сомонии шаҳри Хоруғи Вилояти Мухтори Кӯҳистони Бадахшон озмуни  «Сайри гулҳо» баргузор шуд. Дар озмун асосан гулҳои  хонагӣ,  тухми гулу гиёҳҳои гуногун, кӯчати гулҳо ба намоиш ва фурӯш гузошта шуданд. Дар гӯшаи дигари майдон боғдорон ниҳолҳои дарахтони мевадору сояафканро ба сокинони шаҳру деҳоти атрофи он пешниҳод намуданд.

Сардори Раёсати ҳифзи муҳити зисти вилоят Мулкамон Назаралиев гуфт, ки ин озмун мутобиқи Амри  Президенти Тоҷикистон бо мақсади рушди  гулпарварӣ дар саросари мамлакат ва ба ин восита боз ҳам зебову дилрабо намудани манзил, ҳавлии хонаҳо, кӯчаву хиёбонҳои шаҳру деҳот роҳандозӣ шуд.  Азбаски фасли баҳор дао Бадахшон нисбат ба дигар манотиқи кишвар дертар фаро мерасад, гулпарварон имкони ба намоиш гузоштани гулҳои саҳроиро надоранд. Ҳамзамон дар озмун 2 ҳазор дона гулҳои гуногун,100 намуди тухмиҳои гулу бутта ва гиёҳ ба маърази намоиш гузошта шуданд.

Ба гуфтаи сокини шаҳри Хоруғ Фарзона Маҳтобшоева, ки 20 сол боз ба парвариши гулҳои хонагӣ машғул аст ва дар озмуни мазкур 20 намуди гулҳоро ба намоиш гузоштааст, «ҳар як гул мисли инсон хислату хосияти худро дорад. Гул хеле табъи нозук дорад ва ҳамеша ба навозишу меҳрубонӣ ниёз дорад. Дар хонае, ки меҳру муҳаббат аст, гулҳо низ хушу шукуфтаҳол ҳастанд. Гулпарварӣ як шуғли хеле шавқовар аст ва агар касе ба он дил бандад, дигар зиндагии худро бидуни гул тасаввур карда наметавонад. Ӯ ҳамеша  дар ҷустуҷӯи намудҳои нави гул мешавад».

Ходими калони илмии Институти биологии Помири Академияи  илмҳои ҷумҳурӣ дар вилоят Маҳбуба Исломбекова  гуфт, ки дар  рушди  соҳаи гулпарварӣ ҳиссаи  олимони  ин Пажӯҳишгоҳ   назаррас аст. Солҳои зиёд аст, ки  бисёр идораву муассисаҳо ва сокинони шаҳр  бо олимон ҳамкорӣ доранд. Тухму кӯчатҳои гулро маҳз аз Интитути онҳо дастрас намуда, аз олимон маслиҳату тавсия мегиранд. Ин ходими илмӣ изҳори умедворӣ кард, ки баъди чунин озмунҳо теъдоди гупарварон дар шаҳру деҳооти вилоят боз ҳам бештар мегардад.

Дар хатми озмун беҳтарин гулпарварон бо ифтихорномаҳо ва туҳфаҳои хотиравии мақомоти иҷроияи ҳокимияти давлатии вилоят сарфароз гардиданд.

Апрель 8, 2019 15:11

Хабарҳои дигари ин бахш

Президенти Академияи миллии илмҳои Тоҷикистон дар Конференсияи байналмилалии «Илм барои бехатарии ҷаҳон» иштирок намуд
35-СОЛАГИИ ИСТИҚЛОЛИЯТИ ДАВЛАТӢ. Дар Чойхонаи миллӣ барои дар як шабонарӯз қабули 5000 мизоҷ шароит фароҳам оварда мешавад
Ба пешвози 700-солагии Ҳофизи Шерозӣ дар Тоҷикистон барномаҳои фарҳангию маърифатӣ доир мешаванд
ШАҲРИСТОНИ ҲУЛБУК. Бозёфтҳои аз ин ёдгорӣ пайдогардида намунаи санъати олии ҳунармандӣ буда, нотакрор мебошанд
«КОРВОНИ КИТОБ». Ба китобхонаҳои шаҳру ноҳияҳои Бадахшон беш аз 6 ҳазор нусха китоб дастрас мегардад
АМИТ «Ховар» ва ҶСП «Ширкати байнидавлатии телевизион ва радиои «Мир»» Ёддошти тафоҳум ба имзо расониданд
Дар Душанбе мубодилаи барномаҳои фарҳангӣ ва намоиши филмҳо байни Тоҷикистон ва Чин баргузор гардид
Дар мавзуи ташаккул ва рушди синошиносӣ дар Тоҷикистон конфронси илмӣ доир гардид
Рӯзҳои фарҳанги Ҷумҳурии Тоҷикистон дар Ҷумҳурии Тотористони Федератсияи Русия доир гардид
Ду озмоишгоҳи Институти химияи Академияи миллии илмҳои Тоҷикистон бо технологияи муосир муҷаҳҳаз карда шуд
Рӯзҳои фарҳанги Ҷумҳурии Тоҷикистон дар Федератсияи Русия идома доранд
Ёдгориҳои ёфтшуда аз шаҳристони Ҳулбук арзиши баланди илмӣ дошта, дар байни таҳқиқоти солҳои охир беназир маҳсуб мешаванд