Субъектҳои Федератсияи Россия бо маҳсулоти Тоҷикистон хуб шиносанд
ДУШАНБЕ, 17.04.2019 /АМИТ «Ховар»/. Имрӯз муносибатҳои шарикӣ бо қариб 70 минтақаи Федератсияи Россия ба роҳ монда шудаанд. Субъектҳои Федератсияи Россия бо маҳсулоти Тоҷикистон хуб шиносанд, маҳсулоти бозорҳои Россия низ барои мо маъмулианд. Ин матлабро Вазири рушди иқтисод ва савдои Ҷумҳурии Тоҷикистон Неъматулло Ҳикматуллозода дар Конференсияи 7-уми ҳамкории байниминтақавии Россия ва Тоҷикистон, ки дар доираи сафари Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Федератсияи Россия дар шаҳри Москва ҷараён дорад, изҳор дошт.
«Мо ҳамгироӣ дар сатҳи минтақаҳоро ҳамчун яке аз самтҳои страгегӣ ва ояндадори муносибатҳои иқтисодии Тоҷикистону Россия арзёбӣ менамоем»,-зикр намуд Вазири рушди иқтисод ва савдои Тоҷикистон.
Н. Ҳикматуллозода иброз дошт, ки дар соҳаҳои фарҳангию гуманитарӣ низ бисёр корҳо анҷом дода шуданд. Ҷавонони тоҷик ба гирифтани маълумот дар Россия таваҷҷуҳи зиёд зоҳир мекунанд. Имрӯз тақрибан 20 ҳазор шаҳрвандони мо дар донишгоҳҳои Россия таҳсил менамоянд. Дар Душанбе 3 филиали донишгоҳҳои калонтарини Россия ифтитоҳ ёфтаанд, ки дар онҳо беш аз 4,5 ҳазор донишҷӯ таҳсил ва қариб сесад нафар омӯзгорон фаъолият доранд. Илова бар ин, дар ҷумҳурӣ як зумра шуъбаҳои Фонди “Русский мир” таъсис дода шудаанд.
Дар татбиқи созишҳои қабулгардида дар соҳаҳои тиҷоративу иқтисодӣ ва фарҳангию гуманитарии ду кишвар, инчунин дар муҳокима ва ҳалли саривақтии масъалаҳои муҳим ва мушкилот дар ин соҳаҳо Комиссияи байниҳукуматии тиҷоративу иқтисодӣ, ки ҷаласаи 16-уми он якчанд ҳафта қабл дар шаҳри Душанбе баргузор гардид, нақши ҳамоҳангсоз дорад. Аз рӯи натиҷаҳои кори ин ҷаласа, ки тадбирҳои андешида ба рушди минбаъдаи ҳамкории иқтисодӣ дар соҳаҳои энергетика ва нефту газ, афзун намудани ҳаҷми гардиши мутақобилаи маҳсулоти саноатӣ ва кишоварзӣ аз Тоҷикистон ба Россия, содагардонии расмиёти гумрукӣ ва рушди ҳамкорӣ дар соҳаи нақлиёт, бонкию молиявӣ ва иҷтимоӣ равона шудаанд, созишҳо ба даст омаданд.
Бонки миллии Тоҷикистон ба Эъломияи Кейптаун ҳамроҳ шуд
35-СОЛАГИИ ИСТИҚЛОЛИ ДАВЛАТӢ. Дар ноҳияи Восеъ сохтмони иншооти таъйиноти гуногун идома дорад
Дар Душанбе натиҷаҳои COP30 ва раванди такмилсозии NDC 3.0-и Тоҷикистон баррасӣ гардид
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардид
ИМРӮЗ-РӮЗИ БАЙНАЛМИЛАЛИИ ҲИМОЯИ ҲУҚУҚИ ИСТЕЪМОЛКУНАНДАГОН. Зиёда аз 86 тонна маҳсулоти бесифати бозорҳои истеъмолӣ нобуд карда шуд
Байни ширкати ҳавопаймоии хусусии «Shohin Airlines» ва Бунёди сармоягузории аврупоӣ Созишномаи сармоягузорӣ ба имзо расид
Ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир гардид
Дар Вашингтон дурнамои ҳамкории Тоҷикистон бо Бонки ҷаҳонӣ дар самти рушди инфрасохтори роҳу нақлиёт баррасӣ шуд
Тоҷикистон ҳамкориро бо Барномаи ҷаҳонии озуқаворӣ дар самти устувории иқлимӣ тақвият медиҳад
То соли 2030 ҳаҷми савдо байни Тоҷикистон ва Қазоқистон ба 2 миллиард доллар расонида мешавад
