Беш аз 130 тонна равғани пастсифати нахл аз қаламрави гумрукии Тоҷикистон реэкспорт мегардад

Май 16, 2019 15:00

ДУШАНБЕ, 16.05.2019/АМИТ «Ховар»/. Аз ҷониби Агентии «Тоҷикстандарт» 130,733 тонна равғани нахли воридгардидаи истеҳсоли Малайзия пастсифат ва ғайристандартӣ арзёбӣ гардида, аз қаламрави гумрукии мамлакат реэкспорт карда мешавад.

Аз Агентии «Тоҷикстандарт» ба АМИТ «Ховар» иттилоъ доданд, ки  дар доираи корҳои сертификаткунонии маҳсулот ҷиҳати гузаронидани ташхиси муқоисавӣ аз ҷониби Маркази «Тоҷикстандарт» дар шаҳри Истаравшан ба озмоишгоҳи ташхиси маҳсулоти хӯроквории дастгоҳи марказии Агентии «Тоҷикстандарт» намунаи равғани нахл пешниҳод шуд.

Зимни ташхиси физикӣ-кимиёвӣ муайян гардид, ки намунаи равғани нахли пешниҳодгардида аз рӯи нишондоди сифат ва бехатарӣ ба талаботи ҳуҷҷати меъёрӣ – ГОСТ 31647-2012 «Масло пальмовое рафинированное дезодорированное для пищевой промышленности» ва Регламенти техникии Ҷумҳурии Тоҷикистон 010-2016 «Бехатарии маҳсулоти хӯрокворӣ» мутобиқ нест. Тибқи низоми «Реэкспорт», барои аз қаламрави ҷумҳурӣ берун баровардани маҳсулоти мазкур ба Хадамоти гумрук дархост пешниҳод гардид.

Тибқи иттилои манбаъ, мақомоти «Тоҷикстандарт» дар самти пешгирии воридоти маҳсулоти пастсифат ва ба саломатӣ хатарнок ва таъмини риояи талаботи ҳатмии ҳуҷҷатҳои меъёрии техникӣ – регламентҳои техникии Ҷумҳурии Тоҷикистон мунтазам аз ҷониби мутахассисони Агентии «Тоҷикстандарт» бо воридкунандагон ва истеҳсолкунандагони маҳсулоти хӯрокворӣ корҳои фаҳмондадиҳӣ ба роҳ монда мешаванд.

Новобаста ба гузаронидани корҳои тарғиботию фаҳмондадиҳӣ дар самти ҳимояи ҳуқуқи истеъмолкунандагон то ба ҳол соҳибкороне ҳастанд, ки ба бемасъулиятӣ роҳ дода, маҳсулоти пастсифат, муҳлати истеъмолаш гузашта ва ба талаботи стандарт ҷавобгӯ набударо ба фурӯш бароварда, ҳаёт ва саломатии шаҳрвандонро зери хатар мегузоранд.

Май 16, 2019 15:00

Хабарҳои дигари ин бахш

Гармхонаҳои инноватсионии шаҳри Леваканд фаъолияти босамар доранд
Намояндаи Тоҷикистон дар ҷаласаи Комиссияи панаврупоии СҶТ оид ба иқлим ва тандурустӣ иштирок намуд
Шуруъ аз 16 июн байни шаҳрҳои Душанбе ва Пекин парвозҳои мустақим анҷом дода мешаванд
Дар Хуҷанд Форуми байналмилалии «Имкониятҳои тиҷоратӣ, сармоягузорӣ ва дурнамои ҳамкорӣ» баргузор гардид
Дар Душанбе вобаста ба таҳия намудани санади Гурӯҳбандии лоиҳаҳои «сабз» ҷаласаи Гуруҳи корӣ доир шуд
ЗАХИРА БАРОИ ЗИМИСТОН. Дар шароити хона чӣ тавр бояд хушкмева тайёр намуд?
Дар минтақаҳои ҷанубу ғарби Тоҷикистон корҳои омӯзишӣ-геофизикӣ оғоз гардид
То моҳи июн дар Тоҷикистон дар беш аз 182 ҳазор гектар пунбадона кишт карда шудааст
Дар Душанбе вобаста ба рушди мониторинги обҳои рӯизаминии Тоҷикистон ҳамоиш доир гардид
Муовини Сарвазир бо рафти кишти картошка дар Ҷамоати деҳоти Ҳиҷбораки ноҳияи Рашт шинос гардид
Сарвазири Ҷумҳурии Тоҷикистон Қоҳир Расулзода бо директори генералии «Роҳи оҳани Русия» Олег Белозёров мулоқот намуд
Ҷаласаи 82-юми Шурои маъмуриятҳои нақлиёти роҳҳои оҳани кишварҳои аъзои Иттиҳоди Давлатҳои Мустақил ба анҷом расид