ҶАБҲАИ БУЗУРГИ СОЗАНДАГӢ. Соҳибкорони шаҳри Исфара аз ҳисоби пасандозҳои худ муассисаи таълимӣ бунёд менамоянд
ДУШАНБЕ, 13.07.21019. /АМИТ «Ховар»/. Cоҳибкорони Ҷамоати деҳоти Ворухи шаҳри Исфара тасмим гирифтаанд, ки ду муассисаи таълимӣ бунёд намоянд. Дар ин бора ба АМИТ «Ховар» аз хадамоти матбуоти раиси шаҳри Исфара хабар медиҳад.
Соҳибкорон тасмим гирифтаанд, ки дар доираи дастуру супоришҳои созандаву бунёдкоронаи Асосгузори сулҳу ваҳдати миллӣ, Пешвои миллат- Президенти Ҷумҳурии Тоҷикистон муҳтарам Эмомалӣ Раҳмон оид ба сазовор истиқбол гирифтани ҷашни 30-солагии Истиқлолияти давлатии Ҷумҳурии Тоҷикстон мактаби замонавӣ бунёд намоянд.
Ба иттилои манбаъ, чанде қабл мулоқоти Раиси шаҳри Исфара бо соҳибкорони маҳаллӣ ва бурунмарзии зодаи деҳоти Ворух доир гардида, роҳбари Ассотсиатсияи соҳибкорони бурунмарзии Исфара дар шаҳри Москваи Федератсияи Россия Сорбон Савриддинов омодагии худро ҷиҳати бунёди мактаби мазкур баён доштааст.
«Мо соҳибкорон омодаем, ки аз ҳисоби пасандозҳои худ як мактаби ҳозиразамонро дар яке аз маҳалҳои нави аҳолинишини деҳа сохта, дар арафаи ҷашни 30-солагии Истиқлолияти давлатии Ҷумҳурии Тоҷикистон ба толибилмон туҳфа намоем», — гуфтааст Сорбон Савриддинов, ки метавон иқдоми ӯро намунаи ибрат номид.
Мавриди зикр аст, ки дар ин замина роҳбари Литсейи №3-и деҳа, узви Маҷлиси миллии Маҷлиси Олии Ҷумҳурии Тоҷикистон Абдураҳмон Шораҳматов низ тасмим гирифтааст, ки нахустин мактаби хусусиро дар деҳоти Ворух бунёд намояд.
«Иқдоми мазкур аллакай ба «Нақшаи чорабиниҳои мақомоти иҷроияи ҳокимияти давлатии шаҳри Исфара оид ба омодагӣ ба ҷашни 30 – солагии Истиқлолияти давлатии Ҷумҳурии Тоҷикистон» ворид карда шудааст», — афзуд манбаъ.
Ёдовар мешавем, ки дар Ҷамоати деҳоти Ворух бо маблағгузорӣ аз буҷети вилоятӣ сохтмону навсозиҳои иншооти муҳими иҷтимоӣ идома дорад.
Дар ҳудуди шаҳри Гулистон сохтмони меҳмонхона ва осоишгоҳу марказҳои солимгардонӣ идома доранд
Қитъаи муҳими роҳи Душанбе – Хоруғ – Қалъаихумб бо пулу нақб мавриди истифода қарор гирифт
Эмомалӣ Раҳмон: «Ба рушди Вилояти Мухтори Кӯҳистони Бадахшон зиёда аз 25 миллиард сомонӣ равона шудааст»
Дар Хадамоти гумрук моҳияти қонунҳои миллӣ тавзеҳ дода шуд
Эмомалӣ Раҳмон: «Дар Вилояти Мухтори Кӯҳистони Бадахшон амалисозии 9 барномаи рушди иҷтимоиву иқтисодӣ идома дорад»
Пешвои миллат Эмомалӣ Раҳмон пас аз анҷоми сафари корӣ дар Вилояти Мухтори Кӯҳистони Бадахшон ба шаҳри Душанбе баргаштанд
Байни вилоятҳои Хатлони Тоҷикистон ва Ленингради Русия Созишномаи ҳамкорӣ ба имзо расид
Дар ВМКБ беш аз 1000 иншоот ба истиқболи 35-солагии Истиқлоли давлатӣ мавриди истифода қарор гирифт
Президенти Ҷумҳурии Тоҷикистон Эмомалӣ Раҳмон бо роҳбарон ва фаъолони Вилояти Мухтори Кӯҳистони Бадахшон мулоқот намуданд
Президенти Ҷумҳурии Тоҷикистон Эмомалӣ Раҳмон дар шаҳри Хоруғ дар тантанаҳои идона ба ифтихори 28-солагии Рӯзи ваҳдати миллӣ иштирок намуданд
Сарвари давлат Эмомалӣ Раҳмон дар шаҳри Хоруғ бинои нави истиқоматии 5-ошёна барои хизматчиёни давлатиро мавриди истифода қарор доданд
Пешвои миллат Эмомалӣ Раҳмон дар ҳудуди Парки технологии шаҳри Хоруғ коргоҳҳои истеҳсолии маҳсулоти гӯштӣ ва обҳои табиии ташнашиканро ифтитоҳ намуданд
