Дар Вена таҳти раёсати Тоҷикистон масъалаҳои таҳкими ҳамкорӣ миёни САҲА ва СААД дар минтақаи Осиёи Марказӣ баррасӣ шуданд

Июль 18, 2019 16:00

ДУШАНБЕ, 18.07.2019 /АМИТ «Ховар»/. 17 июли 2019 дар Вена таҳти раёсати Тоҷикистон иҷлосияи навбатии Форуми ҳамкории амниятии САҲА (FSC), ки ба масъалаи ҳамкорӣ миёни Созмони амният ва ҳамкорӣ дар Аврупо (САҲА) ва Созмони Аҳдномаи амнияти дастаҷамъӣ (СААД) бо таъкид ба ҳамкории дуҷонибаи ду ниҳод дар минтақаи Осиёи Марказӣ бахшида шуда буд, баргузор гардид. Дар ин бора АМИТ «Ховар» бо истинод ба Вазорати корҳои хориҷии Тоҷикистон хабар медиҳад.

Ба ҷаласаи мазкур ба сифати суханварони калидӣ иҷрокунандаи вазифаи Дабири кулли СААД Валерий Семериков, сардори Шуъбаи СААД-и департаменти якуми кишварҳои Иттиҳоди Давлатҳои Мустақили Вазорати корҳои хориҷии Федератсияи Россия Олег Кравченко ва ходими калони илмии Институти омӯзиши масъалаҳои давлатҳои Осиё ва Аврупои Академияи илмҳои Ҷумҳурии Тоҷикистон Носир Назарзода даъват шуда буданд.

Зимни суханронии худ В.Семериков ба вазъият дар Афғонистон, ки дар таъмини суботи пойдор ва амният ҳам дар минтақаи СААД ва ҳам дар минтақаи САҲА нақши муҳим дорад, аҳамияти махсус зоҳир намуд. Ӯ зикр кард, ки дар доираи Созмон «Феҳристи иқдомҳои иловагӣ ҷиҳати коҳиш додани таниш дар сарҳад миёни Тоҷикистон ва Афғонистон» муфассал коркард ва омода гардидааст, ки меҳвари онро маҷмӯи иқдомҳои аз ҷониби кишварҳои узв пешниҳодгардида роҷеъ ба бунёди вазъи устувор ва босубот дар минтақаи наздисарҳадии Тоҷикистону Афғонистон ташкил медиҳад.

Намояндаи Академияи илмҳои Тоҷикистон зимни гузориши худ бо такя ба пажӯҳишҳои илмие, ки дар самт сурат гирифтаанд, чанд пешниҳоди мушаххасро роҷеъ ба тақвият ва дарёфти нуктаҳои умумии ҳамкорӣ дар рӯзномаи кори САҲА ва СААД ироа кард.

Зимни баргузории ҷаласа суханварони калидӣ ва ҳайатҳои кишварҳо бо дарназардошти шабоҳати масъалаҳои аз ҷониби САҲА ва СААД баррасишаванда ба зарурати мушаххас намудани самтҳои ҳамкории мутақобилан судманд миёни ду созмон дар минтақаи Осиёи Марказӣ таъкид карданд.

 

Июль 18, 2019 16:00

Хабарҳои дигари ин бахш

Дар Душанбе дурнамои ҳамкории Тоҷикистон ва Қазоқистон баррасӣ карда шуд
Санадҳои ниҳоии Конфронси байналмилалии сатҳи баланд оид ба ҳифзи пиряхҳо интишор гардиданд
Дар Москва Парчами давлатии Тоҷикистон ба ифтихори 34-солагии Истиқлолият намоиш дода мешавад
Бо ташаббуси Тоҷикистон Қатъномаи нави СММ оид ба ҳамкорӣ бо ИДМ қабул гардид
Тоҷикистон ва Эрон ҳамкориро дар соҳаи китобдорӣ ва фарҳанг густариш медиҳанд
Тоҷикистон ва Ҷопон масъалаҳои муҳими ҳамкориро баррасӣ намуданд
Дар Душанбе дурнамои равобити Тоҷикистон ва Иттиҳоди Аврупо баррасӣ гардид
9 сентябр шаршараи Ниагара бо рангҳои Парчами давлатии Ҷумҳурии Тоҷикистон фурӯзон хоҳад шуд
Ҳамкории судманди Тоҷикистон ва сохторҳои Созмони Милали Муттаҳид баррасӣ карда шуд
Дар Женева самтҳои муҳими ҳамкории Тоҷикистон бо UNHCR баррасӣ карда шуданд
Байни ҳукуматҳои Тоҷикистон ва Ҷопон доир ба лоиҳаи «JDS» Ёддоштҳои табодулӣ ба имзо расиданд
Дурнамои рушди муносибатҳои минтақаҳои Тоҷикистон ва минтақаи Приморски Русия дар бахшҳои гуногун баррасӣ шуд