Лоиҳа-озмуни байналмилалии «Осиёи Марказӣ истеъдод меҷӯяд» яке аз дастовардҳои «Телевизиони Сафина» дар соли равон дониста шуд
ДУШАНБЕ, 24.07.2019 /АМИТ «Ховар»/. Яке аз дастовардҳои Муассисаи давлатии «Телевизиони Сафина» дар шашмоҳаи якуми соли ҷорӣ-ин роҳандозири лоиҳа-озмуни байналмилалии «Осиёи Марказӣ истеъдод меҷӯяд» (Central Asia’s Got Talent) мебошад, ки дар ҳамкорӣ бо шабакаҳои телевизионии ҷумҳуриҳои Қазоқистон, Ӯзбекистон ва Қирғизистон амалӣ мегардад. Ин нуктаро имрӯз зимни нишасти матбуотӣ муовини якуми директори Муассисаи давлатии «Телевизиони Сафина» Карими Азиз иброз намуд.
Инчунин дар нишаст зикр карда шуд, ки ҳадафи асосии ин озмун рушди фарҳангу ҳунар, дарёфти истеъдодҳои нав, баланд бардоштани мақому нуфузи ҷумҳурӣ дар сатҳи байналмилалӣ ва муаррифии шоистаи Тоҷикистон тавассути ҳунару маҳорати соҳибистеъдодҳои мамлакат мебошад.
«Аллакай даври интихобӣ ва якуми озмун дар толори барҳавои Театри опера ва балети ба номи устод Садриддин Айнӣ дар сатҳи хеле баланд ва бо иштироки садҳо нафар меҳмонон аз дохилу хориҷи ҷумҳурӣ баргузор гардид. Беҳтарин соҳибистедодҳои мамлакат муайян гардиданд, ки дар даврҳои минбаъдаи озмун ҷумҳурии моро муаррифӣ хоҳанд кард», — зикр намуд ҳамоҳангсози лоиҳаи мазкур, журналисти шинохта Наргис Қосимова.
Бояд гуфт, ки як узви ҳайати ҳакамони озмуни мазкур ҳунарманди маъруфи тоҷик Аловуддин Абдуллоев буд, ки номзадҳоро барои даври нимниҳоӣ интихоб намуд.
Зикр карда шуд, ки дар назар аст Лоиҳа-озмуни байналмилалии «Осиёи Марказӣ истеъдод меҷӯяд» моҳи сентябри соли равон манзури тамошобинон гардад.
Инна Блюшенко аз Швейтсария: «Мақсад дорам забони ширину шевои тоҷикиро омӯзам»
Президенти Академияи миллии илмҳои Тоҷикистон дар Конференсияи байналмилалии «Илм барои бехатарии ҷаҳон» иштирок намуд
35-СОЛАГИИ ИСТИҚЛОЛИЯТИ ДАВЛАТӢ. Дар Чойхонаи миллӣ барои дар як шабонарӯз қабули 5000 мизоҷ шароит фароҳам оварда мешавад
Ба пешвози 700-солагии Ҳофизи Шерозӣ дар Тоҷикистон барномаҳои фарҳангию маърифатӣ доир мешаванд
ШАҲРИСТОНИ ҲУЛБУК. Бозёфтҳои аз ин ёдгорӣ пайдогардида намунаи санъати олии ҳунармандӣ буда, нотакрор мебошанд
«КОРВОНИ КИТОБ». Ба китобхонаҳои шаҳру ноҳияҳои Бадахшон беш аз 6 ҳазор нусха китоб дастрас мегардад
АМИТ «Ховар» ва ҶСП «Ширкати байнидавлатии телевизион ва радиои «Мир»» Ёддошти тафоҳум ба имзо расониданд
Дар Душанбе мубодилаи барномаҳои фарҳангӣ ва намоиши филмҳо байни Тоҷикистон ва Чин баргузор гардид
Дар мавзуи ташаккул ва рушди синошиносӣ дар Тоҷикистон конфронси илмӣ доир гардид
Рӯзҳои фарҳанги Ҷумҳурии Тоҷикистон дар Ҷумҳурии Тотористони Федератсияи Русия доир гардид
Ду озмоишгоҳи Институти химияи Академияи миллии илмҳои Тоҷикистон бо технологияи муосир муҷаҳҳаз карда шуд
Рӯзҳои фарҳанги Ҷумҳурии Тоҷикистон дар Федератсияи Русия идома доранд
