МАРҲАБО БА «БОҒИ ИРАМ»! Пагоҳ дар ин ҷо ҳунари кулолгарон, чӯбтарошон ва сабадбофон ба намоиш гузошта мешавад

Июль 27, 2019 13:25

ДУШАНБЕ, 27.07.2019. /АМИТ «Ховар»/. Пагоҳ, 28 июли  соли равон дар Муассисаи давлатии «Боғи Ирам»-и шаҳри Душанбе   Озмуни «Кулолгарӣ, чӯбтарошӣ  ва сабадбофӣ» баргузор мегардад.

Озмуни мазкур  аз ҷониби Вазорати  меҳнат, муҳоҷират ва шуғли аҳолии Ҷумҳурии Тоҷикистон дар якҷоягӣ бо  мақомоти иҷроияи ҳокимияти давлатии вилоятҳо, шаҳру ноҳияҳо бо мақсади  рушди  ҳунарҳои кулолгарӣ,  чӯбтарошию сабадбофӣ ҳамчун ҳунарҳои аҷдодӣ  ва ташвиқу тарғиб намудани таҷрибаи пешрафтаи ҳунармандон  дар маҳаллаву деҳа, деҳоту шаҳрак, ноҳия,  шаҳру вилоятҳо ва дар сатҳи ҷумҳурӣ ташкил карда мешавад.

Тавре аз Вазорати мазкур ба АМИТ «Ховар» хабар доданд, озмуни  бо мақсади иҷрои банди 26 «Ҷадвали баргузории фестивал, намоиш, ид ва озмунҳои анъана ва ҳунарҳои мардумӣ дар Ҷумҳурии Тоҷикистон барои солҳои 2019-2021»,  ки бо амри Президенти Ҷумҳурии Тоҷикистон аз 13 декабри соли 2018  тасдиқ шудааст,  баргузор мегардад.

«Ҳадафҳои асосии озмун тарбияи ҳисси зебоипарастӣ, хештаншиносӣ, ҳунармандӣ, оммавӣ гардонидани усулҳои беҳтарини ҳунарҳои кулолгарӣ, чӯбтарошӣ ва сабадбофӣ, тарғибу ташвиқи фарҳангу арзишҳои ин ҳунари аҷдодӣ, арҷгузорӣ ба заҳмати устоҳо ва муаррифии намудҳои гуногуни маҳсули ин ҳунар мебошад»,- афзуд манбаъ.

Озмуни дар се  давр — ноҳиявӣ, вилоятӣ ва ҷумҳуриявӣ баргузор гардида, барои сарфароз гардонидани ғолибони он, шахсони ташаббускор ва роҳбарони  фаъоли ташкилоту муассисаҳо шакл ва намуди мукофотҳо  — «Диплом»-и дараҷаи 1, 2 ва 3, «Ифтихорнома» ва «Сипоснома»-ҳо  муайян карда шудааст.

Ҳамзамон, шахсони ташаббускор ва роҳбарони ташкилоту муассисаҳое, ки дар ин  озмун фаъолона иштирок мекунанд, бо «Ифтихорнома» ва «Сипоснома»-и Вазорати меҳнат, муҳоҷират ва шуғли аҳолии Ҷумҳурии Тоҷикистон сарфароз гардонида мешаванд.

 

 

Июль 27, 2019 13:25

Хабарҳои дигари ин бахш

Дар Душанбе даври дуюми Озмуни ҷумҳуриявии «Нонпазӣ ва маҳсулоти нонӣ, қаннодӣ, ҳалвопазӣ, шириниҳои миллӣ ва муосир» доир карда мешавад
Раиси шаҳри Душанбе Рустами Эмомалӣ бо Ҳокими шаҳри Остона Женис Касимбек мулоқот намуданд
Дар Душанбе шумораи умумии воситаҳои нақлиёти мусофирбар 20 фоиз зиёд карда мешавад
Рустами Эмомалӣ: «80 фоизи таълимгирандагони таълимоти ғайриқонунии диниро ҷавонони то 30-сола ташкил медиҳанд»
Рустами Эмомалӣ: «Корҳо дар самти пешгирӣ ва коҳиш додани сатҳи амалҳои коррупсионӣ бояд тақвият дода шаванд»
Имрӯз таҳти роҳбарии Раиси шаҳри Душанбе Рустами Эмомалӣ ҷаласаи назоратӣ бо кормандони мақомоти ҳифзи ҳуқуқи пойтахт баргузор гардид
Раиси шаҳри Душанбе Рустами Эмомалӣ муассисаи таҳсилоти томактабии «Афрӯза»-ро мавриди истифода қарор доданд
Ғолибони даври шаҳрии озмунҳои «Беҳтарин ҳамсар» ва «Фарзанд – боғи падару модар» ба даври ҷумҳуриявӣ роҳ ёфтанд
Мақомоти шаҳри Душанбе шартномаи хариди 30 электробусро ба имзо расонид
Ҷаласаи кумитаи тадорукоти «Намоишгоҳи байналмилалии сайёҳии Душанбе» доир гардид
Ҳамкории Душанбе бо Фландрияи Шоҳигарии Белгия тақвияти бештар меёбад
Дар шаҳраку маҳаллаҳои ноҳияҳои Душанбе озмунҳои «Беҳтарин ҳамсар» ва «Фарзанд – боғи падару модар» гузаронида шуданд