Баррасии асосноккунии техникиву иқтисодии роҳи «Қалъаи Хумб-Ванҷ», қитъаи роҳи автомобилгарди «Душанбе-Кулма» дар мулоқоти Азим Иброҳим бо ҳайати Чин

Август 16, 2019 17:00

ДУШАНБЕ, 16.08.2019. /АМИТ «Ховар»/. Имрӯз муовини Сарвазири Ҷумҳурии Тоҷикистон Азим Иброҳим бо роҳбари ҳайат ва гурӯҳи муҳандисони Донишкадаи банақшагирӣ ва лоиҳакашии роҳҳои Ҷумҳурии Мардумии Чин вобаста ба сохтмони роҳи автомобилгарди «Душанбе-Кулма», қитъаи «Қалъаи Хумб-Ванҷ» мулоқот намуд.

Зимни мулоқот зикр гардид, ки дарозии роҳи мазкур 92,3 км мебошад ва он дар қисмати ҷанубу шарқии Тоҷикистон дар ҳудуди ноҳияҳои Дарвозу Ванҷ ҷойгир буда, то сарҳади ноҳияи Рӯшони Вилояти Мухтори Кӯҳистони Бадахшон тӯл кашидааст.

Дар бунёди ин иншоот  сохтмони ду нақб бо дарозии 5,2 км, 67 адад қубури селпарто бо андозаҳои гуногун, 5 долони муҳофизатӣ бо дарозии 490 м, 15 кӯпрук бо дарозии 634 м, 180 адад деворҳои нигоҳдории сунъӣ бо дарозии 21,8 км, 54 км деворҳои муҳофизавӣ, 13 адад ҷӯйборҳои кушода бар ивази долонҳои ҳимоявӣ бо дарозии 1,8км, дар 19 мавзеъ сохтани 12,1 км корҳои соҳилмустаҳкамкунӣ ва дигар инфрасохтори зарурӣ тибқи талабот ва меъёрҳои роҳсозӣ пешбинӣ шудааст. Айни замон ин қитъа мушкилгузартарин қитъаи шоҳроҳи автомобилгарди “Душанбе-Кулма” барои ронандагон ба шумор меравад.

Ҳайати чинӣ иброз намуданд, ки онҳо ҳайати ҳирфаии муҳандисони донишкадаро барои дақиқ гузаронидани корҳои лоиҳакашиву баҳодиҳӣ ҷалб намудаанд ва интизорӣ доранд, ки дар вақти дидани мавзеъҳои амалисозии лоиҳа онҳо дар якҷоягӣ бо намояндагони Вазорати нақлиёт ва муҳандисони Маркази татбиқи лоиҳаҳои роҳсозии “Душанбе-Чанак” ҳамаи паҳлуҳои сохтмонии иншоотро пурра аз назар гузаронида, корҳои заруриро барои ҳарчи тезтар оғоз кардани корҳои сохтмонӣ ба анҷом расонанд.

Аз намояндагони институтҳои илмиву татқиқотии ҳарду кишвар даъват ба амал оварда шуд, ки зимни азназаргузаронӣ ва баҳодиҳӣ ба омилҳои ҳаракати душвори роҳ дар шароити кӯҳистон, мавзеъҳои осебпазири омадани сел ва тарма, дуруст пешбинӣ намудани долон ва деворҳои муҳофизатӣ ва бо сифат анҷом додани корҳои соҳилмустаҳкамкунӣ диққати аввалиндараҷа диҳанд.

«Тавре Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон пайваста таъкид менамоянд, ин роҳ идомаи мантиқии содагардонии тиҷорат ва сарфаи вақту сармоя барои доираи васеи соҳибкорони кишварҳои минтақа ба шумор рафта, кушодани имкониятҳои муосирро барои баромадан ба давлатҳои дигар ба таври доимӣ таъмин месозад»,- гуфт муовини Сарвазири мамлакат Азим Иброҳим.

Август 16, 2019 17:00

Хабарҳои дигари ин бахш

Қитъаи муҳими роҳи Душанбе – Хоруғ – Қалъаихумб бо пулу нақб мавриди истифода қарор гирифт
Эмомалӣ Раҳмон: «Ба рушди Вилояти Мухтори Кӯҳистони Бадахшон зиёда аз 25 миллиард сомонӣ равона шудааст»
Дар Хадамоти гумрук моҳияти қонунҳои миллӣ тавзеҳ дода шуд
Эмомалӣ Раҳмон: «Дар Вилояти Мухтори Кӯҳистони Бадахшон амалисозии 9 барномаи рушди иҷтимоиву иқтисодӣ идома дорад»
Байни вилоятҳои Хатлони Тоҷикистон ва Ленингради Русия Созишномаи ҳамкорӣ ба имзо расид
Раҳмон Исломиддин дар ҷаласаи навбатии Шурои байнидавлатӣ оид ба стандартизатсия, метрология ва сертификатсияи давлатҳои аъзои ИДМ иштирок намуд
Дар Турсунзода Фестивали саводнокии молиявӣ баргузор шуд
Татбиқи тарҳи «CASA-1000» намунаи ҳамкории энергетики минтақавӣ мебошад
Ҷаласаи сеюми Комиссияи байниҳукуматии Тоҷикистону Ҷопон баргузор гардид
Байни «Амонатбонк» ва Федератсияи футболи Тоҷикистон шартномаи ҳамкорӣ ба имзо расид
Дар доираи ҳамкории Тоҷикистон бо Фонди байналмилалии рушди кишоварзӣ академияи бонкӣ таъсис дода мешавад
Харитаи роҳи Ҳадафи 7-уми Рушди Устувор барои Тоҷикистон расман оғоз гардид