Ҳокимияти судӣ дар солҳои Истиқлолияти давлатӣ ташаккули ҳамаҷониба ёфт-бардошт аз маҷлиси тантанавӣ дар Суди Олӣ
ДУШАНБЕ, 05.09.2019/АМИТ «Ховар»/. Бо соҳибистиқлол гардидани Ҷумҳурии Тоҷикистон давлатамон аз ҷониби ҷомеаи ҷаҳонӣ эътироф гардида, дар роҳ ба сӯи рушди мустақилона қадамҳои устувор гузошт. Ин нукта имрӯз зимни маҷлиси тантанавӣ, ки дар Суди Олии Ҷумҳурии Тоҷикистон бахшида ба 28-умин солгарди Истиқлолияти давлатии Ҷумҳурии Тоҷикистон бо иштироки судяҳо ва кормандони дастгоҳи Суди Олӣ, судяҳои судҳои пойтахт доир гардид, садо дод.
Хабарнигори АМИТ «Ховар» Марзияи САИД гузориш медиҳад, ки Раиси Суди Олии Ҷумҳурии Тоҷикистон Шермуҳаммад Шоҳиён иштирокдорони маҷлиси тантанавиро бо ҷашни Истиқлолияти давлатӣ табрик намуда, иброз дошт, ки дар даврони истиқлолият маҳз бо таваҷҷуҳ ва дастгирии Асосгузори сулҳу ваҳдати миллӣ- Пешвои миллат муҳтарам Эмомалӣ Раҳмон мақомоти судии мамлакат ба шохаи мустақили ҳокимият табдил гардида, қонунгузории соҳа ва амалӣ гардидани чорабиниҳои дар Барномаи ислоҳоти судӣ-ҳуқуқӣ пешбинигардида зина ба зина тақвият меёбанд.
Зикр шуд, ки Истиқлолияти давлатӣ барои ҳар миллат неъмати бебаҳо ва арзишманд аст. Дар роҳи рушди ниҳодҳои демократӣ, ташаккули ҳокимияти судӣ ва амалӣ намудани адолати иҷтимоӣ дар мамлакат нақши Пешвои миллат басо муҳим ва таърихӣ мебошад.
Таъкид шуд, ки муҳимтарин нишонаи давлати устувор ба даст овардани Истиқлолияти давлатӣ, доштани Конститутсия ва ҳокимияти устувори конститутсионӣ мебошад. Бо эълон шудани Истиқлолияти давлатӣ дар Ҷумҳурии Тоҷикистон марҳилаи нави бунёдкорию созандагӣ оғоз гардид.
Дар маҷлиси тантанавӣ судяҳои Суди Олии Ҷумҳурии Тоҷикистон доир ба моҳият ва дастовардҳои Истиқлолияти давлатӣ, зарурат ва моҳияти барномаҳои ислоҳоти судӣ-ҳуқуқӣ дар даврони соҳибистиқлолӣ ва Истиқлолияти давлатӣ ва таҳкими ҳокимияти судӣ сухан карда, нақши соҳибистиқлолии мамлакатро дар рушди босубот ва устувори мамлакат муҳим арзёбӣ намуданд.
Сарвари давлат: «Меҳргон яке аз муҳимтарин ҷашнҳои табиӣ ва фарҳангии мо – тоҷикон аст»
Президенти Ҷумҳурии Тоҷикистон Эмомалӣ Раҳмон бо медали «Барои хизматҳо дар рушди ҳамкории башардӯстона» сарфароз гардонида шуданд
ТОҶИКИСТОН — МИЗБОНИ ЧОРАБИНИҲОИ МУҲИМИ БАЙНАЛМИЛАЛӢ. Интихоби Душанбе чун макони баргузории ин чорабиниҳои муҳим ба таҷриба, эътибор ва нуфузи байналмилалии мамлакат асос ёфтааст
Вуруди Резервати биосферии «Ромит» ба Шабакаи ҷаҳонии мамнуъгоҳҳои ЮНЕСКО — рӯйдоди муҳим дар соҳаи экологии Тоҷикистон
ДИПЛОМАТИЯИ ТОҶИКИСТОН: АЗ СУХАНРОНИИ ТАЪРИХӢ ТО ТАШАББУСҲОИ ГЛОБАЛӢ. Эҳдо ба Рӯзи кормандони хизмати дипломатии Тоҷикистон
Президенти Тоҷикистон: «Таъсиси Маркази минтақавии зеҳни сунъиро дар шаҳри Душанбе салоҳи кор мешуморем»
Пиряхҳо ва дигар манбаъҳои обии Тоҷикистон то 60 фоизи захираҳои оби Осиёи Марказиро ташкил медиҳанд
Тоҷикистон дар соҳаи дипломатияи об мавқеи фаъол дорад
Тоҷикистон аз пайомадҳои манфии раванди тағйирёбии иқлим нигарон мебошад
Эмомалӣ Раҳмон: «Қатъномаи махсуси СММ оид ба эълон кардани «Даҳсолаи таҳкими сулҳ ба хотири наслҳои оянда» мавриди баррасӣ қарор дода шавад»
Президенти Тоҷикистон: «Маҷмаи Умумии СММ имконияти эълон намудани Соли байналмилалии маърифати ҳуқуқиро мавриди баррасӣ қарор диҳад»
Муҳаммадҷаъфари Ёҳаққӣ: «Мо раҳбари хирадмандеро меситоем, ки дасти як миллатро бар «Шоҳнома»-и устоди Тӯс кушода кард»
