Дар Осорхонаи миллии Тоҷикистон Маркази фарҳангии Маҳатма Гандӣ ифтитоҳ карда шуд
ДУШАНБЕ, 09.11.2019 /АМИТ «Ховар»/. 8 ноябр дар Осорхонаи миллии Тоҷикистон ба муносибати 150-умин солгарди Маҳатма Гандӣ маросими ифтитоҳи Маркази фарҳангӣ баргузор гардид. Дар ҳамоиши мазкур Вазири фарҳанги Ҷумҳурии Тоҷикистон Шамсиддин Орумбекзода ва Сафири Ҷумҳурии Ҳиндустон дар Ҷумҳурии Тоҷикистон Вираҷ Сингх, намояндагони корпуси дипломатии муқими Тоҷикистон, ташкилот, мақомоту идораҳо ва дӯстдорони фарҳангу ҳунари ҳинд иштирок намуданд.
Тавре аз Вазорати фарҳанги Ҷумҳурии Тоҷикистон ба АМИТ «Ховар» хабар доданд, Вазири фарҳанги Ҷумҳурии Тоҷикистон Шамсиддин Орумбекзода ва Сафири Ҷумҳурии Ҳиндустон дар Ҷумҳурии Тоҷикистон Вираҷ Сингх лентаи рамзиро бурида, ба ҳамоиш ҳусни оғоз бахшиданд.
Сипас Шамсиддин Орумбекзода дар бораи падари миллати Ҳиндустон — Маҳатма Гандӣ ва муносибатҳои неки фарҳангии Тоҷикистону Ҳиндустон сухан кард.
Аз ҷумла, номбурда зикр намуд, ки «Маҳатма Гандӣ шахсияти машҳур ва сиёсатмадор буда, бо асарҳои навиштааш ба сиёсатмадорони муосир таъсири мусбат расонид. Ҳиндустон аз зумраи давлатҳои бузурги ҷаҳон буда, баҳри рушди маънавӣ ва ғанӣ гардонидани ганҷинаи тамаддуни башарият хизматҳои шоиста кардааст».
Сафири Ҷумҳурии Ҳиндустон дар Ҷумҳурии Тоҷикистон Вираҷ Сингх аз заҳматҳои Маҳатма Гандӣ ҳарф зада, нақши ӯро барои дирӯзу имрӯзи Ҳиндустон назаррас арзёбӣ намуд.
Дар анҷоми ҳамоиш ҳозирин аз намоише, ки ба рӯзгори Маҳатма Гандӣ ва зиндагии мардуми ҳинд дар тӯли таърих бахшида шуда буд, дидан намуданд.
Президенти Академияи миллии илмҳои Тоҷикистон дар Конференсияи байналмилалии «Илм барои бехатарии ҷаҳон» иштирок намуд
35-СОЛАГИИ ИСТИҚЛОЛИЯТИ ДАВЛАТӢ. Дар Чойхонаи миллӣ барои дар як шабонарӯз қабули 5000 мизоҷ шароит фароҳам оварда мешавад
Ба пешвози 700-солагии Ҳофизи Шерозӣ дар Тоҷикистон барномаҳои фарҳангию маърифатӣ доир мешаванд
ШАҲРИСТОНИ ҲУЛБУК. Бозёфтҳои аз ин ёдгорӣ пайдогардида намунаи санъати олии ҳунармандӣ буда, нотакрор мебошанд
«КОРВОНИ КИТОБ». Ба китобхонаҳои шаҳру ноҳияҳои Бадахшон беш аз 6 ҳазор нусха китоб дастрас мегардад
АМИТ «Ховар» ва ҶСП «Ширкати байнидавлатии телевизион ва радиои «Мир»» Ёддошти тафоҳум ба имзо расониданд
Дар Душанбе мубодилаи барномаҳои фарҳангӣ ва намоиши филмҳо байни Тоҷикистон ва Чин баргузор гардид
Дар мавзуи ташаккул ва рушди синошиносӣ дар Тоҷикистон конфронси илмӣ доир гардид
Рӯзҳои фарҳанги Ҷумҳурии Тоҷикистон дар Ҷумҳурии Тотористони Федератсияи Русия доир гардид
Ду озмоишгоҳи Институти химияи Академияи миллии илмҳои Тоҷикистон бо технологияи муосир муҷаҳҳаз карда шуд
Рӯзҳои фарҳанги Ҷумҳурии Тоҷикистон дар Федератсияи Русия идома доранд
Ёдгориҳои ёфтшуда аз шаҳристони Ҳулбук арзиши баланди илмӣ дошта, дар байни таҳқиқоти солҳои охир беназир маҳсуб мешаванд
