Конститутсия ҳуҷҷати дарбаргирандаи арзишҳои калидии ҷомеаву давлат аст-бардошт аз ҷамъомади тантанавӣ дар Бӯстон
ДУШАНБЕ, 04.11.2019. /АМИТ «Ховар»/. Имрӯз дар Қасри фарҳанги шаҳри Бӯстон бо иштироки муовини якуми Раиси вилояти Суғд Хол Ҳайдар ва раиси шаҳри Бӯстон Раъно Ҳошимзода бахшида ба 25-солагии Рӯзи Конститутсияи Ҷумҳурии Тоҷикистон ҷамъомади тантанавӣ доир гардид. Дар ин бора аз Мақомоти иҷроияи ҳокимияти давлатии вилояти Суғд иттилоъ доданд.
Ба иттилои манбаъ, дар ҷамъомад собиқадорони ҷангу меҳнат, барқароркунандагони сохти конститутсионӣ, роҳбарону кормандони мақомоти ҳифзи ҳуқуқ, хизматчиёни ҳарбӣ, мудирони шуъбаву бахшҳо, роҳбарони воҳидҳои сохтории мақомоти иҷрияи ҳокимияти давлатии шаҳри Бӯстон ва фаъолону аҳли ҷамоат иштирок намуданд.
Зимни ҷамъомад муовини якуми Раиси вилояти Суғд Хол Ҳайдар номаи табрикии Раиси вилояти Суғд Раҷаббой Аҳмадзодаро ба ифтихори 25-солагии Рӯзи Конститутсияи Ҷумҳурии Тоҷикистон ба сокинони шаҳри Бӯстон расонид.
Инчунин раиси шаҳри Бӯстон Раъно Ҳошимзода сокинони шаҳрро бо ин рӯзи хуҷаста таҳният гуфта, иброз намуд, ки «Конститутсия ҳамчун ҳуҷҷати дарбаргирандаи арзишҳои калидии ҷомеаву давлат ва марому мақсади халқи мамлакат симои таърихӣ ва муосири Тоҷикистони азизро дар худ инъикос намуд.
Дар Конститутсия марому мақсади халқи Тоҷикистон, ки аз бунёди ҷомеаи адолатпарвар иборат мебошад, дар асоси арзишҳои милливу умумибашарӣ, аз ҷумла қисми ҷудонашавандаи ҷомеаи ҷаҳон будан, озодӣ ва ҳуқуқи шахсро муқаддас шуморидан, баробарҳуқуқӣ ва дӯстии тамоми миллату халқиятҳоро эътироф кардан, дарки масъулият дар назди наслҳои гузашта, ҳозира ва оянда муайян карда шудааст».
Бояд зикр кард, ки барномаи рангини аҳли фарҳангу ҳунари шаҳру вилоят ва намоишҳои ҳарбикунонидашудаи сарбозони қисмҳои низомӣ ба ҷамъомад шукуҳи тоза бахшид.
Кумаки башардӯстонаи Тоҷикистон ба мардуми аз обхезиҳои шадид зарадидаи Қазоқистон ба роҳ баромад
Намояндагони Тоҷикистон дар Форуми ташкилоти кор бо ҷавонони аъзои ИДМ дар шаҳри Тошканд иштирок намуданд
Кумитаи кор бо ҷавонон ва варзиши Тоҷикистон бо ташкилоти байналмилалии соҳавӣ ҳамкориро тақвият мебахшад
Имрӯз дар Душанбе бо иштироки меҳмонон аз Узбекистон Озмуни ҷумҳуриявии «Кадбонуи беҳтарин» ҷамъбаст гардид
Ҳайати намояндагӣ-занони роҳбари воҳидҳои сохтории Ҷумҳурии Узбекистон ба Тоҷикистон омад
МАРОТИБАИ АВВАЛ. Табибони тоҷик усули нави ҷарроҳӣ дар самти табобати сурхрӯда ва меъдаро амалӣ намуданд
Дар Тоҷикистон бар асари боронҳои сел талафоти ҷонӣ ва харобиҳо сабт нашудаанд
Дар шаҳри Кӯлоб омодагии мудофиаи ҳудудӣ ва захираҳои сафарбарӣ мавриди омӯзиш ва санҷиш қарор гирифт
ҲАҶ ФАРЗ АСТ Ё ХУДНАМОЙИИ ҲОҶИЁН? Агар зоирон нисфи хароҷоти исрофкоронаашонро барои бунёди пул, ҳаммом, кандани ҷӯй сарф менамуданд, аҷру савоби бештар мегирифтанд
Дар шаҳри Хуҷанд клиникаи муосири оилавии муосири 1+1 ифтитоҳ гардид
«ВАССОФИ ВАТАН». Фестивал-озмуни тарғибгари дастовардҳои миллӣ оғоз гардид
СОЛИ МАЪРИФАТИ ҲУҚУҚӢ. Андешаҳо оид ба моҳияти фалсафии он
