Дар доираи Озмуни ҷумҳуриявии «Сайри гули лола» дар ноҳияи И.Сомонӣ машварати корӣ баргузор гардид
ДУШАНБЕ, 09.12.2019 /АМИТ «Ховар»/. 6 декабр дар толори Мақомоти иҷроияи ҳокимияти давлатии ноҳияи И.Сомонӣ дар доираи Озмуни ҷумҳуриявии «Сайри гули лола» машварати корӣ баргузор гардид.
Тавре аз маркази матбуоти Кумитаи рушди маҳали назди Президенти Ҷумҳурии Тоҷикистон ба хабарнигори АМИТ «Ховар» иттилоъ доданд, дар машварати корӣ Ёрдамчии Президенти Ҷумҳурии Тоҷикистон оид ба рушди иҷтимоӣ ва робита бо ҷомеа Абдуҷаббор Раҳмонзода, Раиси Кумитаи рушди маҳали назди Президенти Ҷумҳурии Тоҷикистон Қосим Роҳбар ва намояндагони дигар вазорату идораҳои дахлдор иштирок намуданд.
Дар ҳамоиш иброз гардид, ки «Озмуни ҷумҳуриявии «Сайри гули лола» дар Ҷумҳурии Тоҷикистон, пеш аз ҳама, барои баланд бардоштани сатҳи донишу маърифат, фарҳангу ҷаҳонбинӣ, бедор намудани завқи зебоипарастӣ дар зеҳни ҳар як сокини мамлакат, ободу зебо намудани ҳар як хона, кӯча, маҳалла, деҳа, деҳот, шаҳрак, ноҳия, шаҳр, вилоят ва ҷумҳурӣ равона гардида, ба сазовор истиқбол намудани ҷашни 30-солагии Истиқлолияти давлатии Ҷумҳурии Тоҷикистон нигаронида шудааст».
Сипас ба роҳбарони вазорату идораҳои дахлдор ҷиҳати дар сатҳи баланд пешвоз гирифтани озмуни мазкур дар соли 2020 супоришҳои мушаххас дода шуд.
Ҳамчунин барои роҳ надодан ба камбудиҳо ва риояи пурраи талаботи низомномаи озмун аз намояндагон ва шахсони масъул талаб карда шуд, ки назорати ҳамешагӣ ба роҳ монанд.
Тавре қаблан хабар дода будем, чанде пеш бо иштироки роҳбари Гурӯҳи кории ҷумҳуриявӣ оид ба баргузор намудани озмуни мазкур Абдуҷаббор Раҳмонзода ва муовини якуми роҳбари Гурӯҳи кории ҷумҳуриявӣ Қосим Роҳбар дар шаҳри Душанбе бо иштироки аъзои гурӯҳ ва намояндагони вазорату идораҳои дахлдор ҷаласа баргузор гардид. Дар он ғолибони Озмуни ҷумҳуриявии «Сайри гули лола» дар соли 2019 бо туҳфаҳои хотиравии Кумитаи рушди маҳал мукофотонида шуданд.
Бино ба иттилои манбаъ, иштирокдорони машварати корӣ аз мавзеъҳои гулпарварӣ, гулгаштҳо ва боғҳои фарҳангию фароғатии ба номи Аҳмади Дониш, Алишери Навоӣ, Садриддин Айнӣ, «Кӯли ҷавонон», «Ирам», «Ҷавонон», ва ҶСК «Фурудгоҳи байналмилалии Душанбе» дидан намуданд.
Дар Институти физикаю техника озмоишгоҳи замонавӣ ба истифода дода шуд
Абубакри Розӣ аз зумраи нобиғаҳоест, ки дар пешрафти соҳаҳои гуногуни илми ҷаҳонӣ саҳми калон гузоштааст
ҒИЗОИ СОЛИМ. Тоҷикон дар наҳорӣ кадом хӯрокҳоро омода менамоянд?
Вобаста ба Соли байналмилалии ҳифзи пиряхҳо ва арзёбии илмии равандҳои криосфера конференсияи байналмилалӣ доир шуд
Дар Душанбе Фестивал-намоиши либосҳои миллӣ баргузор мегардад
«ПИРЯХҲО-НЕЪМАТИ БЕБАҲОИ ТОҶИКИСТОН». Дар Осорхонаи миллӣ конфронси илмии ҷумҳуриявӣ доир гардид
РӮЗИ МОДАР. Дар Душанбе бахшида ба он намоиш-фурӯши китоб доир мешавад
Дар Академияи миллии илмҳо масъалаи омоданамоии кадрҳои баланди илмӣ дар самти илмҳои табиатшиносӣ, дақиқ ва риёзӣ баррасӣ шуд
Дар Давҳа Маҷмаи 10-уми умумии Шабакаи ҷаҳонии дипломатияи мардумӣ ба фаъолият оғоз намуд
«САД РАНГИ ЧАКАН». Дар Бадахшон ғолибони даври вилоятии фестивал муайян шуданд
«ИЛМИ СИНО РӮИ ДУНЁРО ГИРИФТ…». Андешаҳои Шоири халқии Тоҷикистон Камол Насрулло дар мавриди шаҳомати оламафрӯзи Абӯалӣ ибни Сино
ЭҲЁИ ТАЪРИХУ ФАРҲАНГИ МИЛЛӢ ВА ИСТИҚЛОЛИЯТ. Мулоҳизаҳои директори Агентии ҳифзи мероси таърихию фарҳангӣ
