Ҷилди дуюми китоби «Шаҳраки кушонии Сайёд» аз чоп баромад
ДУШАНБЕ, 14.01.2020 /АМИТ «Ховар»/. Ҷилди дуюми китоби доктори илми таърих Давлатхоҷа Довудӣ ва директори Осорхонаи миллии Тоҷикистон Абдувалӣ Шарифзода дар нашриёти «Эр-граф» бо номи «Шаҳраки кушонии Сайёд» бо се забон – тоҷикӣ, русӣ ва англисӣ чоп шуд. Дар ин бора хабарнигори АМИТ «Ховар» бо истинод ба Осорхонаи миллии Тоҷикистон иттилоъ медиҳад.
Муаллифони китоб тазаккур медиҳанд, ки «дар ҷилди дуюми китоб натиҷаи ковишҳои кормандони Осорхонаи миллии Тоҷикистон, ки соли 2018 дар бостоншаҳри Сайёд гузарониданд, мавриди таҳлил ва баррасӣ қарор гирифтааст. Ҳамчунин дар китоби мазкур доир ба паҳлуҳои гуногуни зиндагии мардумони ин шаҳраки кушонӣ, аз ҷумла меъморӣ, бофандагӣ, заргарӣ, кишоварзӣ ва дину оин маълумоти ҷолиб тасвир ёфтанд».
Инчунин муалифон доир ба сиккаҳои ёфтшуда, ки ба шоҳони кушонӣ Ҳерай, Сотер Мегас (Вима Такту), Вима Кадфиз ва Канишка тааллуқ доранд, маълумоти муффасал додаанд. Ин ёдгорӣ дар ноҳияи Абдураҳмони Ҷомии вилояти Хатлон ҷойгир аст.
Муаллифон бар он андешаанд, ки шаҳрсозӣ ва маданияти шаҳрнишинии Бохтар дар замони кушониён хеле тараққӣ карда буд.
Китоби мазкур бозгӯкунандаи таърихи гузаштагон буда, он барои доираи васеи хонандагон равона гардидааст.
Ёдовар мешавем, ки ҷилди якуми китоб зери ҳамин унвон соли 2017 нашр гардида буд.
1050-СОЛАГИИ РОБИАИ БАЛХӢ. Ӯ нахустин зани соҳибдевони тоҷик аст
РУШДИ ҲУНАРҲОИ МАРДУМӢ. Сӯзании Панҷакент рамзи фарҳанги миллӣ ва пешрафти ҳунарҳои дастии занони тоҷик аст
Моҳи октябр дар Тоҷикистон Озмуни ҷумҳуриявии «Донандаи беҳтарини асарҳои Пешвои миллат» доир мегардад
Дар муассисаҳои илмӣ-таҳқиқотӣ 18 озмоишгоҳ таъмир ва бо таҷҳизоти замонавӣ муҷаҳҳаз карда шуд
ФАРҲАНГ — ҲАСТИИ МИЛЛАТ. Дар Душанбе аҳли фарҳангу ҳунар қадрдонӣ гардиданд
«МАН АВВАЛ ТОҶИКАМ, БАЪД МУСАЛМОН!». Миллатдӯстӣ шарти асосии муқовимат ба таҳдидҳои мафкуравӣ аст
Дар Душанбе Фестивал-озмуни «Як матову сад ранг» ва намоиш-фурӯши маҳсулоти чакан, нақшдӯзӣ ва зардӯзӣ доир мешавад
«ШОҲНОМАХОНӢ». Дар Суғд барои даври сеюми озмуни ҷумҳуриявӣ беш аз 400 ҳазор сомонӣ ҷудо гардид
«ШОҲНОМАХОНӢ». Дар Хатлон барои ғолибони даври сеюми озмуни ҷумҳуриявӣ беш аз 200 ҳазор сомонӣ ҷудо гардид
«САЙРИ ГУЛИ ЛОЛА». Моҳи апрел дар Тоҷикистон Фестивали гулҳо баргузор мегардад
Таҳкими худшиносии ҷавонон тавассути тарғиби фарҳангу тамаддун ва таърихи пурғановати миллӣ амали омӯзанда аст
Нашриёти «Орван» китоби «Ҳазор марворид»-ро ба нашр расонид
