Дар Хатлон сехи коркарди равғани растанӣ ба истифода дода мешавад
ДУШАНБЕ, 26.02.2020. /АМИТ «Ховар»/. Дар доираи татбиқи ҳадафи чоруми миллӣ – саноатикунонии босуръати мамлакат дар вилояти Хатлон сехи коркарди равғани растанӣ ба истифода дода мешавад.
Тавре АМИТ «Ховар» бо истинод ба Вазорати саноат ва технологияҳои нави Ҷумҳурии Тоҷикистон хабар медиҳад, корҳои сохтмони сехи мазкур аз ҷониби соҳибкори ватанӣ Шаҳобиддин Исмоилов бомаром идома дошта, он то ҷашни умумимиллӣ — 30-солагии Истиқлолияти давлатии Ҷумҳурии Тоҷикистон ба фаъолият шурӯъ менамояд.
Барои бунёди коргоҳи мазкур сарфи 1,5 миллион сомонӣ дар назар буда, пас аз пурра ба истифода додани он 20 нафар сокинони маҳаллӣ бо ҷойи кор ва маоши хуб таъмин мегарданд.
«Дар сурати пурра мавриди баҳрабардорӣ қарор гирифтани сех иқтидори истеҳсолии он то 10 тонна равған дар як рӯзро ташкил дода, қариб 20 нафар бо ҷойи кори доимӣ таъмин хоҳанд шуд», — омадааст дар иттилояи Вазорат.
Дар сехи мазкур таҷҳизоти муосири коркарди равған мувофиқ ба навъҳо ва ҷавобгӯ ба стандартҳои муқарраршудаи ҷаҳонӣ насб мешаванд.
Дар айни замон шумораи корхонаҳои саноати хӯроквории Тоҷикистон бо назардошти корхонаҳои мавсимӣ 463 ададро ташкил медиҳад.
«Корхонаҳои саноати хӯроквории мамлакат дар таъмини бозори истеъмолӣ бо маҳсулоти ғизоии саноатӣ ва рушди иқтисодиёти он саҳми назаррас дошта, ҳаҷми истеҳсоли маҳсулоти саноати хӯрокворӣ дар моҳҳои январ- декабри соли 2019 ба зиёда аз 5 миллиарду 373 миллион баробар гардидааст», — афзуд манбаъ.
Рушди хатсайрҳои байналмилалии мултимодалӣ байни Тоҷикистон ва Туркманистон баррасӣ карда шуд
Ҳайати Тоҷикистон дар марҳилаи аввали омӯзиши таҷрибаи Қирғизистон дар соҳаи идоракунии молияи давлатӣ иштирок намуд
Татбиқи Лоиҳаи беҳтаргардонии таҷҳизоти сканеркунии борҳо дар нуқтаи назорати гумрукӣ дар Спитамен баррасӣ гардид
Дар Бохтар оид ба кам кардани талафоти неруи барқ вохӯрӣ доир гардид
Дар Бадахшон ҳаҷми истеҳсоли маҳсулоти кишоварзӣ беш аз 225 миллион сомониро ташкил дод
Дар Тоҷикистон шумораи занони соҳибкор ва роҳбарони хоҷагиҳои деҳқонӣ афзоиш меёбад
Бонки ҷаҳонӣ татбиқи Барномаи «Дастгирии сиёсати рушди устувор — Тоҷикистони рақобатпазир ва фарогир»-ро тасдиқ намуд
Агентии назорати давлатии молиявӣ ва мубориза бо коррупсия ба маблағи беш аз 624 миллион сомонӣ зарари молиявӣ ошкор намуд
Даромади буҷети Вилояти Мухтори Кӯҳистони Бадахшон 105,1 фоиз иҷро гардидааст
ҲИСОББАРОБАРКУНИИ ҒАЙРИНАҚДӢ. 3,5 миллион амалиёти пардохти андоз ва боҷҳо ба таври ғайринақдӣ анҷом дода шуд
Дар Душанбе тавсеаи ҳамкории Тоҷикистон бо JICA баррасӣ гардид
Зернизоми идораи эътимод бо истифода аз модули иловагии «Data mining» мавриди истифода қарор гирифт
