Дар Италия 100 ҳолати сирояти коронавирус ба қайд гирифта шуда, дар баъзе минтақаҳо карантин эълон гардидааст
ДУШАНБЕ, 24.02.2020 /АМИТ «Ховар»/. Айни замон дар Чин шумораи сироятҳои нави коронавируси 2019-nCov кам гашта, дар дигар кишварҳо ҳолатҳои нави ин беморӣ ба қайд гирифта шудаанд. Масалан, дар Италия шумораи сироятшудагон ба 100 нафар расидааст. Тавре АМИТ «Ховар» бо истинод ба БЕЛТА хабар медиҳад, дар ин бора рӯзи якшанбе Губернатори вилояти шимолии Ломбардия Аттилио Фонтана дар мусоҳиба бо шабакаи телевизионии Sky TG-24 изҳори назар намудааст.
«Шаби гузашта шумораи беморони тасдиқшуда танҳо дар Ломбардия ба 89 нафар расид. Аз ин рӯ, гумон меравад, ки дар тамоми кишвар, он бешак аз 100 нафар гузаштааст»,- гуфт Фонтана.
Бино ба гуфти ӯ, теъдоди зиёди одамон, чунончи интизор меравад, ба карантин фаро гирифта мешаванд. Ҳукуматдорон имконияти истифодаи госпиталу пойгоҳҳои ҳарбӣ, ҳамчунин беморхонаҳои кӯҳнаи аз истифода баромада ва муҷаҳҳаз намудани меҳмонхонаҳоро барои ин мақсадҳо пешбинӣ менамоянд.
Ба ҷуз Ломбардия 17 нафар дар Венето, 2 нафар дар Эмилия ва 1 нафар дар Пемонте гирифтори беморӣ гаштаанд. Ҳамчунин вирус дар ду сайёҳи чинӣ — зану шавҳар дар Ласио ошкор гардид ва ҳоло онҳо дар касалхонаи донишкадаи миллии бемориҳои сироятии «Спаллансани» дар шаҳри Рим табобат мегиранд.
Ду нафар — зани солхӯрда дар Ломбардия ва марди 78 -сола дар Венето бар асари коронавирус фавтиданд. Тахмин меравад, ки ташхиси бемории онҳо дер сурат гирифтааст.
Дар ҷаласаи таъҷилии Шӯрои вазирони Италия 22 феврал санади махсус дар бораи тадбирҳои пешгирии паҳншавии беморӣ қабул гардид. Ба сокинони манотиқи мамнуъ, ки дар онҷо беморӣ ошкор гаштааст, аз хона баромадан манъ, инчунин тамоми фаъолият, аз ҷумла, таҳсил низ манъ шудааст.
Дар ин манотиқ муассисаҳои давлативу шахсӣ, осорхонаҳо ва дигар ҷойҳои ҷамъиятӣ баста ва ҳамаи чорабиниҳои фароғатӣ, варзишӣ бекор карда шудаанд. Барои вайрон кардани қоидаҳои карантин муҷозоти ҷиноӣ пешбинӣ гардидааст.
Ҳукуматдорони Эрон низ имрӯз дар бораи вазъияти паҳншавии беморӣ дар кишвар хабар доданд. Роҳбари мақомот оид ба робита бо ҷомеаи вазорати нигаҳдории тандурустии Эрон Киёнуш Ҷаҳонпур дар бораи 43 ҳодисаи сироятшавӣ, ки ҳаштояш сабаби марг гардид, иттилоъ дод.
Акс EPA-EFE
СОЛИ БАЙНАЛМИЛАЛИИ ҲИФЗИ ПИРЯХҲО. Тоҷикистон дар сатҳи ҷаҳон чун ташаббускори муҳими ҳалли мушкилоти глобалӣ шинохта шудааст
ИНТИХОБОТИ ВАКИЛОНИ ХАЛҚ-2025. Натиҷаҳои пешакии интихоботи вакилони Маҷлиси намояндагони Маҷлиси Олии Ҷумҳурии Тоҷикистон эълон гардиданд
ИНТИХОБОТИ ВАКИЛОНИ ХАЛҚ-2025. Натиҷаи пешакии интихоботи вакилони Маҷлиси намояндагони Маҷлиси Олии Ҷумҳурии Тоҷикистон 3 март эълон мегардад
КОМИССИЯИ МАРКАЗИИ ИНТИХОБОТ ВА РАЪЙПУРСӢ. То соати 12:00 шумораи овоздиҳандагон дар Тоҷикистон 59 фоизро ташкил дод
КОМИССИЯИ МАРКАЗИИ ИНТИХОБОТ ВА РАЪЙПУРСӢ. То соати 9:00 шумораи овоздиҳандагон дар Тоҷикистон 22,1 фоизро ташкил дод
Пешвои миллат: «Мусулмони комил бояд ба Ватану миллати худ содиқ ва ба ҳифзи марзу буми он ҳамеша омода бошад»
«ИЛМИ СИНО РӮИ ДУНЁРО ГИРИФТ…». Андешаҳои Шоири халқии Тоҷикистон Камол Насрулло дар мавриди шаҳомати оламафрӯзи Абӯалӣ ибни Сино
ПРЕЗИДЕНТИ ТОҶИКИСТОН ДАР ИН МАВРИД ҲУШДОР ДОДА БУДАНД. Барномаи муҳити зисти СММ ба амалҳои фаврӣ дар мубориза бо буҳрони сегонаи сайёра даъват менамояд
СОЛИ БАЙНАЛМИЛАЛИИ ҲИФЗИ ПИРЯХҲО. Ташаббуси Тоҷикистон барои пешгирии оқибатҳои ҳузнангез дар сайёра хеле саривақтӣ мебошад
Сарфармондеҳи Олии Қувваҳои Мусаллаҳ: «Ман ба афсарону сарбозони далеру шуҷоъ, бонангу номуси Ватан бовар дорам ва бо онҳо ифтихор мекунам»
«РИВОЯТИ ЭМОМАЛӢ РАҲМОН». Яъқуб Ясно, нависанда ва пажуҳишгар: «Агар шумо шахсияти сиёсии дигареро дар замони муосир мешиносед, ки бештар аз муҳтарам Эмомалӣ Раҳмон дар эҳё ва рушди фарҳанги ориёӣ самимона заҳмат кашидааст, намуна ва мисол биоваред!»
«ОТАШИ ҶАШНИ САДА ОТАШИ МЕҲРИ ВАТАН АСТ». Дар Душанбе ҷашни Сада ва намоиши тухмии зироати кишоварзӣ баргузор шуд
