МАРГИ 103 НАФАР ДАР ЯК РӮЗ. Шумори мубталоён ба вируси короно дар олам ба беш аз 43 ҳазор нафар расид
ДУШАНБЕ, 11.02.2020/АМИТ «Ховар»/. Рӯзи гузашта дар Чин аз сироят ба вируси короно 103 нафар ҷон бохтанд ва шумори фавтидагон аз ин бемории кушанда ба 1011 нафар расид. Чин расман мубталоён ба ин бемориро бештаз 42 ҳазор нафар эълон кард, омадааст дар хабаре, ки сомонаи Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон имрӯз нашр кардааст.
Дар ҳамин ҳол гузориш шудааст, ки Си Ҷинпин – сарвари давлати Чин дирӯз ба хиёбонҳои Пекин рафтааст ва ҳамзамон чанд соҳибмақоми давлатӣ ба ҷурми камфаъолиятӣ дар мубориза бо короно барканор шудаанд. Яке аз ин барканоршудагон намояндаи Ҳизби коммунисти Чин дар комиссияи беҳдошти вилояти Ҳубей ва раиси комиссиёни беҳдошти ин вилоят мебошад. Раиси созмони Салиби сурх дар ин минтақа низ барои камбуд дар кори мубориза бо короно ва ироаи кумакҳои эҳдоӣ аз вазифа барканор шудааст.
Ҳамзамон Чин омори коҳиши бистдарсадаи мубталоён ба ин бемориро нашр кардааст ва мақомот мегӯянд бори дигар умедҳо барои назорати густариши вирус зинда шудааст.
Комисиияи тандурустии вилояти Ҳубей рӯзи душанбе эълон кард, ки 2097 нафар мубталоёни навро ба қайд гирифтааст, ки назар ба як рӯзи пеш (2618 нафар буд) 20% коҳиш доштааст.
Теъдоди умумии мубталоён ба беморӣ дар Чин 42 ҳазору 200 нафар эълон шудааст, ки бештар аз 75 дарсади онҳо дар дохили вилояти Ҳубей мебошанд.
Шаҳри Вуҳон, ки пойтахти ин вилоят аст ва дорои 11 миллион аҳолӣ мебошад, ҳамоно дар ҳолати карантин қарор дорад. Дар ин шаҳр кулли мактабҳо фаъолияти худро қатъ кардаанд ва ҳатто нақлиёти дохилишаҳрӣ низ кор намекунад.
Рӯзи душанбе як ҳайат аз Созмони ҷаҳонии тандурустӣ бо мақсади ҳамкорӣ бо Чин дар мавриди пешгирӣ аз густариши короно вориди Пекин шуд.
Си Ҷинпин-Раиси Ҷумҳурии Мардумии Чин рӯзи душанбе аз мақари худ берун шудааст ва дар хиёбонҳои Пекин бо мардум дидор кардааст, дар бемористонҳо бо духтурон ва имдодгарон ҳамсуҳбат шудааст. Хабаргузориҳо мегӯянд Си Ҷинпин низ мисли дигар сокинон ниқоби муҳофизатии одӣ дошт ва дар суҳбат бо сокинон иброз намуд, ки ҳукуматаш даст ба иқдомоти ҷиддитаре хоҳад зад, то садди роҳи густариши короно шавад.
Дар дигар кишварҳои ҷаҳон низ аз афзудани сафи беморони короно гузориш расидааст. Дар Британия 4 мавриди нави мубталоёни ба ин вирус ба қайд гирифта шуда, шумори умумиро ба 8 нафар расонд.
135 нафар мусофирони киштии тафреҳие, ки дар бандари Юкуҳомои Ҷопон лангар задааст, гирифтори ин вирус шудаанд ва шумори онҳо аз рӯз ба рӯзи дигар меафзояд.
Ҷадвале, ки дар зер меояд, ҳикоят аз густариши вируси короно дар кишварҳои олам мекунад.
Вазъи густариши вируси 2019-nCoV (NCP -Novel Coronavirus Pneumonia) дар олам. Омори 11.02.2020
| Кишварҳо | Сироятшудагон | фавтидагон | Шифоёфтагон |
| Чин | 42912 | 1016 | 3281 |
| Ҷопон | 161 | 4 | |
| Сингапур | 45 | 2 | |
| Ҳонконг | 42 | 1 | |
| Таиланд | 32 | 10 | |
| Ҷумҳурии Корея | 28 | 3 | |
| Тайван | 18 | 1 | |
| Малайзия | 18 | 1 | |
| Ветнам | 15 | 3 | |
| Австралия | 15 | 5 | |
| Олмон | 14 | ||
| ИМА | 13 | 1 | |
| Фаронса | 11 | ||
| Макао | 10 | 1 | |
| Британияи Кабир | 8 | ||
| Иморати Муттаҳидаи Араб | 8 | 1 | |
| Канада | 7 | 2 | |
| Ҳиндустон | 3 | ||
| Филиппин | 3 | 1 | |
| Русия | 2 | ||
| Испания | 2 | ||
| Белгия | 1 | ||
| Кампучи | 1 | ||
| Непал | 1 | ||
| Финляндия | 1 | ||
| Шветсия | 1 | ||
| Шри-Ланка | 1 | 1 | |
| Ҳамагӣ | 43102 | 1018 | 3316 |
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
Инъикоси густурдаи таҷлили Ҷашни байналмилалии Наврӯз бо иштироки Сарони се давлати Осиёи Марказӣ дар расонаҳои хабарии минтақаю ҷаҳон ва шабакаҳои иҷтимоӣ
Эмомалӣ Раҳмон: «Натиҷаҳои вохӯриҳои имрӯзаро мо ҳамчун пайки таҷдид ва оғози марҳилаи сифатан нав дар муносибатҳои се кишвар медонем»
Президенти Тоҷикистон: «Худдорӣ намудан аз ҳама гуна зиёдаравию исрофкорӣ вазифаи ҳар бандаи муъмин дар ҳама ҳолат, аз ҷумла дар айёми ид мебошад»
23 март-Рӯзи ҷаҳонии обуҳавошиносӣ. Дар ҳар се соат ҳавошиносони тоҷик ба Хадамоти ҷаҳонии ҳавошиносӣ маълумот пешниҳод менамоянд
«НАВРӮЗ ДАР АСЛ ҶАШНИ ЗИНДАГИСОЗ АСТ». Иқтибос аз суханрониҳои Президенти Ҷумҳурии Тоҷикистон
ИМРӮЗ-РӮЗИ БАЙНАЛМИЛАЛИИ ҲИФЗИ ПИРЯХҲО. Ҳифзи пиряхҳо аз обшавии босуръат ҳамкории дастҷамъонаи давлатҳо ва созмонҳои байналмилалиро тақозо менамояд
Пешвои миллат: «Тоҷикистони маҳбуби мо воқеан Ватани аслии Наврӯз аст»
Бузургии Зан-Модар- ин олиҳаи ҳаёт ҳамеша вирди забони башарият аст
Рӯзи Модар рамзи эҳтиром ва қадршиносии махсуси давлату ҳукумати Тоҷикистон нисбат ба Зан-Модар мебошад
