Милитсияи Душанбе 1650 адад предметҳои халандаю буранда, ба сифати силоҳи сард истифодашавандаро дарёфту мусодира ва нобуд кард

Февраль 24, 2020 12:00

ДУШАНБЕ, 24.02.2020. /АМИТ «Ховар»/. Дар доираи амалиёти шартии   «Корд», ки аз ҷониби  Раёсати Вазорати корҳои дохилии Ҷумҳурии Тоҷикистон  дар пойтахт   амалӣ мешавад, сарчашма, яъне паҳнкунандаи чунин ашё муайяну ошкор карда шуд. 13 феврали соли 2020 зимни азназаргузаронии ҶДММ «Корвон плюс», воқеъ дар ноҳияи Фирдавсии шаҳри Душанбе  маълум гардид, ки дар нуқтае фурӯши маводи таркибан силоҳмонанд ба роҳ монда шудааст. Дар натиҷаи санҷиш муайян гардид, ки ин фурӯшгоҳ ба соҳибкори инфиродӣ Зафар Чилаеви 42-сола, истиқоматкунандаи кӯчаи Фирдавсии  шаҳри Душанбе тааллуқ дорад. Аз ин нуқтаи фурӯш ба миқдори 1650 адад предметҳои халандаю буранда ва  ба сифати силоҳи сард истифодашаванда дарёфту мусодира гардиданд.

Тавре аз маркази матбуоти Раёсати мазкур ба АМИТ «Ховар» хабар доданд,  мувофиқи ташхиси эксперти судӣ-криминалистӣ предметҳои аз номбурда  мусодира гардида  ба тарзи саноатӣ сохта шудаанд, ки ба гурӯҳи яроқи сард дохил мешаванд. Аз ҷумла, чӯбдастҳои металлии телескопӣ, кастет, силоҳи сарди ҳаводиҳандаи ситораи шашгӯша (сюрикен), теғи дудама, кордҳои ҷангӣ ва кордҳои шикории сохташуда ба гурӯҳи яроқи сарди зарбазананда-поракунанда ва халандаву буранда мансубият доранд.

Тибқи иттилои манбаъ, зимни пурсиш шаҳрванд Зафар Чилаев  изҳор дошт, ки соҳибкори инфиродӣ буда, ба хотири ба даст овардани маблағу даромад ба фурӯши ғайриқонунии предметҳои зикршуда машғул шудааст. Бо дарназардошти ҳалатҳои мазкур нисбат ба Чилаев Зафар Пираҳмадович бо моддаҳои 492 (Риоя накардани тартиби ба даст овардан, нигоҳ доштан, ба каси дигар додан ё фурӯши тапончаи пневматикӣ, силоҳи оташфишони суфтамили шикорӣ ва силоҳи сард) ва 510 (Иҷрои фаъолияте, ки иҷозатномаро талаб менамояд) Кодекси ҳуқуқвайронкунии маъмурии Ҷумҳурии Тоҷикистон санади  маъмурӣ тартиб дода шуда, барои баррасӣ ба Суди ноҳияи Фирдавсӣ ирсол карда шудааст.

«Суд 19 феврали соли 2020 нисбат ба  ҳуқуқвайронкунанда Зафар Чилаев ҷазо дар намуди ҷарима ба андозаи 22 нишондиҳанда барои ҳисобҳо баробар ба 1276 сомонӣ бо мусодираи ашёи ҳуқуқвайронкунии маъмурӣ таъйин намуд», -афзуд манбаъ.

Хотиррасон менамоем, ки  мувофиқи моддаи 9, қисми 1 сархати 3 ва 8-и Қонуни Ҷумҳурии Тоҷикистон «Дар бораи силоҳ» дар қаламрави Чумҳурии Тоҷикистон силоҳҳои сарди зерин —
– шашпарҳо, кастетҳо ва дигар ашёи зарбазани поракунанда, силоҳи сард ва ҳаводиҳанда (сурикенҳо, бумерангҳо, арбалетҳо, камонҳо ва тирҳои онҳо), ба истиснои гулӯлаҳои варзишӣ манъ мебошад.

Баъд аз қарори суд тамоми далелҳои шайъӣ, яъне 1650 адад силоҳҳои сарди гуногун бо роҳи шикастану гудохтан нобуд карда шуданд.

Вобаста ба ин Раёсати Вазорати корҳои дохилӣ дар шаҳри Душанбе бори дигар ба маълумоти кулли шаҳрвандон мерасонад, ки милитсияи пойтахт ҷиҳати мубориза бар зидди амалу кирдорҳои ҷиноятӣ, ки бо истифода аз силоҳи сард содир мешаванд, то пурра аз байн бардоштани ин омили номатлуб муборизаи беамон мебаранд.

Февраль 24, 2020 12:00

Хабарҳои дигари ин бахш

Дар Душанбе ҷаласаи ҳаштуми гурӯҳи коршиносони минтақавӣ оид ба беҳдошти устуворӣ ба офатҳои табиӣ ба анҷом расид
Тоҷикистон ва Эрон ҳамкориро дар самти мубориза бо ҷинояткорӣ ва таҳкими амният густариш медиҳанд
НУҲ ДАВЛАТИ ОСИЁ ДАР ДУШАНБЕ. Ҷаласаи гурӯҳи коршиносони минтақавӣ оид ба беҳдошти устуворӣ ба офатҳои табиӣ оғоз ёфт
Дар Вазорати корҳои дохилӣ Барномаи миллии пешгирии ҳуқуқвайронкунӣ байни ноболиғон баррасӣ шуд
Интиқоли зиёда аз 71 кг маводи нашъаовари навъи героин пешгирӣ гардид
Дар шаҳри Бӯстон мулоқоти ҳайатҳои корӣ ва топографии ҳукуматии Тоҷикистон ва Қирғизистон баргузор гардид
Дар шаҳри Бӯстон мулоқоти ҳамраисони ҳайатҳои ҳукуматии Тоҷикистон ва Қирғизистон баргузор шуд
Дар Душанбе вобаста ба таъминоти бехатарии озуқаворӣ дар занҷираи истеҳсолӣ машварат баргузор гардид
ТАҒЙИРОТ БА ҚОНУН. Ба маоши вазифавии кормандоне, ки дар ҳодисаҳои сӯхтор дар шароити барои саломатӣ зараррасон хизмат мебаранд, ба андозаи 20 дарсад иловапулӣ пешбинӣ карда мешавад
Агентии назорати давлатии молиявӣ ва мубориза бо коррупсия ҳамкориро бо Намояндагии Барномаи рушди СММ дар Тоҷикистон тавсеа мебахшад
ПЕШГИРИИ САДАМАҲО. Вазорати нақлиёти Тоҷикистон бо мусоидати Бонки ҷаҳонӣ дар мавзуи таъмини бехатарии роҳҳо машварат доир намуд
Байни Агентии назорати давлатии молиявӣ ва мубориза бо коррупсияи Тоҷикистон ва Прокуратураи генералии Озарбойҷон барномаи ҳамкорӣ ба имзо расид