COVID-19: То имрӯз дар якҷоягӣ бо мутахассисони ӯзбек барои ҳамшираҳои тиббӣ ду раванди омӯзишӣ доир гардид
ДУШАНБЕ, 12.05.2020 /АМИТ «Ховар»/. 11 май дар Вазорати тандурустӣ ва ҳифзи иҷтимоии аҳолии Ҷумҳурии Тоҷикистон видеоконфронси омӯзишӣ оид ба пешгирӣ ва табобати сирояти коронавируси нави COVID-19 баргузор гардид. Дар конфронси мазкур муовини якуми Вазири тандурустӣ ва ҳифзи иҷтимоии аҳолии Ҷумҳурии Тоҷикистон Саида Умарзода, мутахассисони Ҷумҳурии Ӯзбекистон, роҳбарони раёсатҳои тандурустии вилояти Мухтори Кӯҳистони Бадахшон, вилоятҳои Хатлон, Суғд, масъулини беморхонаҳое, ки дар он ҷо табибон ба табобату ташхис машғуланд ва дигар кормандони соҳаи тандурустӣ иштирок намуданд.
Муовини якуми Вазири тандурустӣ ва ҳифзи иҷтимоии аҳолӣ Саида Умарзода дар видеоконфронс иброз намуд, ки баргузории чунин конфронсҳо метавонад барои баланд бардоштани савияи дониши тахассусии кормандони соҳа саҳми назаррас гузорад.
Ба зикри муовини Вазири тандурустӣ ва ҳифзи иҷтимоии аҳолии Ҷумҳурии Тоҷикистон, вазорат дар якҷоягӣ бо мутахассисони ӯзбек то имрӯз ду раванди омӯзиширо барои ҳамшираҳои тиб ҷиҳати пӯшидани тарзи дурусти либоси ҳимояи фардӣ доир намуд.
Ғайр аз ин мутахассисони Ӯзбекистон аз ташхисгоҳҳо ва озмоишгоҳҳои мамлакат дидан намуда, бо фаъолияти онҳо шинос шуданд. Ҳамзамон онҳо барои ташкили ду озмоишгоҳи дигар дар мамлакат кумаки хешро расонида, айни замон бо мутахассисон кор бурда истодаанд.
«Аз ҷониби Ҷумҳурии Ӯзбекистон ба мо ду маводи тавсияҳо барои ташхис ва табобати бемории коронавирус пешниҳод карда шуд. Айни замон олимони мо низ якчанд дастурамал ва тавсияҳои худро барои кормандони соҳаи тандурустӣ ва ҳифзи иҷтимоии аҳолии мамлакат омода намуда, онро ба кормандони соҳаи тандурустӣ дар миқёси ҷумҳурӣ дастрас намуданд»,- гуфт Саида Умарзода.
Хотиррасон менамоем, ки бо ташаббуси бевоситаи Президенти Ҷумҳурии Ӯзбекистон муҳтарам Шавкат Мирзиёев 8 майи соли равон 8 нафар мутахассисони ӯзбекистонӣ бо шумули пулманолог, реаниматолог, эпидемиолог, вирусолог ва ҳамшираи тиб бо мақсади мусоидат намудан ба ҳамтоёни тоҷики хеш ҷиҳати пешгирӣ ва табобати беморони сирояти COVID-19 ба Ҷумҳурии Тоҷикистон ташриф оварданд.
Ҳадаф аз ташрифи табибони Ӯзбекистон додани тавсияҳо аз таҷрибаи хеш ба ҳамтоёни тоҷики худ ҷиҳати муолиҷаи нафарони гирифтори сирояти коронавирус мебошад.
Ҳамзамон аз ҷониби кишвари Ӯзбекистон кумаки башардӯстона, аз қабили таҷҳизоти тиббӣ ва доруворӣ, воситаҳои муҳофизати шахсӣ ва дигар маҳсулоти тиббӣ ҷиҳати пешгирӣ ва табобати сирояти коронавируси нави COVID-19 ба Тоҷикистон ворид гардид.
Қаблан низ ҷониби Ӯзбекистон ба Ҷумҳурии Тоҷикистон маводи муҳофизатӣ ва безараргардонӣ, дастгоҳи нафасдиҳӣ ва тести озмоишӣ ҷиҳати пешгирии сирояти коронавируси нави COVID-19 кумак намуда буд.
КОМИССИЯИ МАРКАЗИИ ИНТИХОБОТ ВА РАЪЙПУРСӢ. То соати 12:00 шумораи овоздиҳандагон дар Тоҷикистон 59 фоизро ташкил дод
КОМИССИЯИ МАРКАЗИИ ИНТИХОБОТ ВА РАЪЙПУРСӢ. То соати 9:00 шумораи овоздиҳандагон дар Тоҷикистон 22,1 фоизро ташкил дод
Пешвои миллат: «Мусулмони комил бояд ба Ватану миллати худ содиқ ва ба ҳифзи марзу буми он ҳамеша омода бошад»
«ИЛМИ СИНО РӮИ ДУНЁРО ГИРИФТ…». Андешаҳои Шоири халқии Тоҷикистон Камол Насрулло дар мавриди шаҳомати оламафрӯзи Абӯалӣ ибни Сино
ПРЕЗИДЕНТИ ТОҶИКИСТОН ДАР ИН МАВРИД ҲУШДОР ДОДА БУДАНД. Барномаи муҳити зисти СММ ба амалҳои фаврӣ дар мубориза бо буҳрони сегонаи сайёра даъват менамояд
СОЛИ БАЙНАЛМИЛАЛИИ ҲИФЗИ ПИРЯХҲО. Ташаббуси Тоҷикистон барои пешгирии оқибатҳои ҳузнангез дар сайёра хеле саривақтӣ мебошад
Сарфармондеҳи Олии Қувваҳои Мусаллаҳ: «Ман ба афсарону сарбозони далеру шуҷоъ, бонангу номуси Ватан бовар дорам ва бо онҳо ифтихор мекунам»
«РИВОЯТИ ЭМОМАЛӢ РАҲМОН». Яъқуб Ясно, нависанда ва пажуҳишгар: «Агар шумо шахсияти сиёсии дигареро дар замони муосир мешиносед, ки бештар аз муҳтарам Эмомалӣ Раҳмон дар эҳё ва рушди фарҳанги ориёӣ самимона заҳмат кашидааст, намуна ва мисол биоваред!»
«ОТАШИ ҶАШНИ САДА ОТАШИ МЕҲРИ ВАТАН АСТ». Дар Душанбе ҷашни Сада ва намоиши тухмии зироати кишоварзӣ баргузор шуд
ҲАРОРАТИ ГЛОБАЛИИ ҲАВО БА 1,5 ДАРАҶА РАСИДААСТ. Ин ба уҳдадории давлатҳо дар доираи Созишномаи Париж мухолифат мекунад
Президенти Тоҷикистон: «Кишоварзони мамлакат бояд ба масъалаи парваришу захираи тухмиҳои беҳтарин ва ниҳолҳои серҳосил таваҷҷуҳи махсус зоҳир намоянд»
Эмомалӣ Раҳмон: «Се ҷашни миллии мо – Наврӯз, Сада ва Меҳргон аз ҷониби мардуми фарҳангпарвари ҷаҳон пазируфта шудаанд»
