Намояндагони кишварҳои Осиёи Марказӣ ва Афғонистон ҳамкории густурда ва босамари мамолики минтақаро баррасӣ намуданд
ДУШАНБЕ, 12.06.2020 /АМИТ «Ховар»/. 11 июн Муовини вазири корҳои хориҷии Ҷумҳурии Тоҷикистон Музаффар Ҳусейнзода дар вохӯрии муовинони вазирони корҳои хориҷии кишварҳои Осиёи Марказӣ ва Афғонистон, ки бо ташаббуси Маркази минтақавии СММ оид ба дипломатияи боздоранда барои Осиёи Марказӣ (UNRCCA) дар шакли видео-конфронс ташкил гардид, иштирок ва суханронӣ намуд. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Дар ин мулоқот ҷонибҳо роҷеъ ба ҳамкории густурда ва босамари кишварҳои минтақа, аз ҷумла дар доираи UNRCCA, инчунин самтҳои мубрам ва авлавиятноки талошҳои муштарак, ки барои таҳкими амният ва рушди устувори Осиёи Марказӣ равона шудаанд, табодули назар намуданд.
Дар навбати худ Муовини вазири корҳои хориҷии Ҷумҳурии Тоҷикистон Музаффар Ҳусейнзода дар ростои паҳншавии бемории ҳамагири COVID-19 ба ширкаткунандагон оид ба тадбирҳои андешидаи Ҳукумати Ҷумҳурии Тоҷикистон маълумоти мушаххас ироа карда, бо дарназардошти паёмадҳои бемории мазкур ба ҳаёти иқтисодиву иҷтимоии давлатҳо ҳамаи ҷонибҳоро ба таҳкими ҳамкориҳо дар ҳама самтҳо даъват намуд.
Акс аз ВКХ ҶТ
Сафири Тоҷикистон бо Вазири авиатсияи граждании Миср мулоқот намуд
Дар Душанбе омодагӣ ба Форуми ҳамкории «Осиёи Марказӣ-Ҷумҳурии Корея» мавриди баррасӣ қарор гирифт
Ҳамкории вилояти Хатлони Тоҷикистон ва вилояти Марии Туркманистон баррасӣ гардид
Дар Женева доир ба Конфронси байналмилалии сатҳи баланд оид ба ҳифзи пиряхҳо нишасти хабарӣ баргузор шуд
Сафири Тоҷикистон бо Директори генералии Академияи дипломатии Анвар Гаргаши Амороти Муттаҳидаи Араб мулоқот намуд
Тоҷикистон аъзои Гурӯҳи дӯстони Эътилофи тамаддунҳои СММ гардид
Гӯшаи фарҳангии Тоҷикистон дар Фестивали оила ва кӯдак дар шаҳри Кванҷуи Корея ташкил карда шуд
Ҳайати Тоҷикистон дар Нишасти сатҳи баланди Конвенсияҳои Базел, Роттердам ва Стокҳолм иштирок намуд
Сафири Тоҷикистон бо Директори генералии Маркази омӯзиш ва таҳқиқоти стратегии Амороти Муттаҳидаи Араб мулоқот намуд
Акрам Каримӣ бо раиси Федератсияи палатаҳои тиҷоратии Арабистони Саудӣ мулоқот намуд
Дар шаҳри Масқат дар мавзуи тақвияти муносибатҳои дуҷонибаи Тоҷикистон ва Уммон ҳамоиш доир гардид
Дар Душанбе вобаста ба ҳамгироии давлатҳои Осиёи Марказӣ ҳамоиш доир шуд
