Табибони Полша ба хизматрасонӣ ва дастгоҳҳои Маҷмааи тандурустии «Истиқлол» баҳои баланд доданд
ДУШАНБЕ, 13.06.2020 /АМИТ «Ховар»/. 12 июн мутахассисони соҳаи тибби Полша аз Муассисаи давлатии Маҷмааи тандурустии «Истиқлол» дидан намуда, бо фаъолияти баъзе аз шуъбаҳои он шинос шуданд, хабар медиҳад АМИТ «Ховар» бо истинод ба маркази матбуоти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон.
Ба иттилои манбаъ, зимни боздид табибони Полша бо фаъолияти шӯъбаи ҷарроҳии соматикаи кӯдакона ва шӯъбаи бистаринамоии калонсолон шинос шуда, ба рафти хизматрасонӣ ва дастгоҳҳои дар онҳо насбшуда баҳои баланд доданд.
Онҳо ҳамчунин бо табибони Муассисаи давлатии Маҷмааи тандурустии «Истиқлол» мулоқот карда, оид ба масъалаҳои пешгирӣ ва табобати гирифторони коронавируси нав табодули афкор намуданд.
Тавре қаблан АМИТ «Ховар» иттилоъ дод, гурӯҳе аз ин табибон ба шаҳри Хоруғи Вилояти Мухтори Куҳистони Бадахшон сафар карда, аз вазъи беморхонаҳо ва ҳолати гирифторони COVID-19 шинос шуд ва бо табибони маҳаллӣ мулоқот кард.
Мавриди зикр аст, ки ҳадаф ва мақсади ташрифи табибони Полша ба Тоҷикистон табодули таҷриба бо табибони тоҷик ҷиҳати пешгирӣ ва табобати бемории сироятии COVID-19 мебошад.
Ёдовар мешавем, ки гурӯҳи калони табибони Полша бо ҳамроҳии се нафар коршиносони Созмони умумиҷаҳонии тандурустӣ шоми 6 июн ба Тоҷикистон ташриф овард. Дар доираи сафари худ онҳо аз манотиқи гуногуни Тоҷикистон дидан карда, тайи як моҳ дар беморхонаву муассисаҳои табобатии мамлакат бо табибони тоҷик табодули таҷриба менамоянд.
КОНФРОНСИ БАЙНАЛМИЛАЛИИ САТҲИ БАЛАНД ОИД БА ҲИФЗИ ПИРЯХҲО. Толорҳои Китобхонаи миллӣ барои баргузории чорабиниҳои канорӣ омода мебошанд
Вайрон намудани қоида ва меъёрҳои истифодаи қувваи барқ ҷиноят аст
Эмомалӣ Раҳмон: «Масъалаи талафоти неруи барқ ва истифодаи ғайриқонунии он дар ҷумҳурӣ ташвишовар аст»
Дар маҷаллаи «The Diplomatic Insight» мақолаи олимони тоҷик таҳти унвони «Эмомалӣ Раҳмон – Пешвои дипломатияи байналмилалӣ» ба нашр расид
Сарвазири Тоҷикистон бо рафти корҳои бартарафсозии оқибатҳои офати табиӣ дар ноҳияи Тоҷикобод шинос шуд
Президенти Тоҷикистон Эмомалӣ Раҳмон: «Пиряхҳои мо танҳо манбаи об барои минтақа набуда, дар ҳифзи иқлими минтақа низ нақши муҳим мебозанд»
Пиряхҳои Тоҷикистон боигарии бебаҳои табиӣ ва сарчашмаҳои муҳими оби тоза дар Осиёи Марказӣ мебошанд
ҶОИЗАИ «ШАҲРИ СУЛҲ». Онро Душанбе барои саҳми беандоза дар таҳкими сулҳ ва арзишҳои башарӣ бо қарори ЮНЕСКО соҳиб гардид
МАСЪУЛИЯТИ ШАҲРВАНДӢ. Барои ғайриқонунӣ истифода бурдани неруи барқ ҷавобгарии ҷиноятӣ муқаррар гардид
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
