Гурӯҳи корӣ таҳти роҳбарии Ширин Исматуллозода аз «Хона-интернати пиронсолон ва маъюбон»-и шаҳри Турсунзода дидан намуд
ДУШАНБЕ, 28.07.2020 /АМИТ «Ховар»/. Гурӯҳи корӣ таҳти роҳбарии муовини Сарвазири мамлакат Ширин Исматуллозода аз «Хона-интернати пиронсолон ва маъюбон»-и шаҳри Турсунзода дидан намуд.
Тавре зимни боздид ба муовини Сарвазир иттилоъ дода шуд, самти асосии фаъолияти «Хона-интернати пиронсолон ва маъюбон»-и шаҳри Турсундзода ба таъминоти моддию маишӣ ҷиҳати нигоҳубини беморон, расонидани ёрии тиббӣ, тавонбахшӣ, ташкили корҳои маданӣ-маишӣ, таҳия ва амалӣ намудани Нақшаи чорабиниҳо баҳри тавонбахшии иҷтимоии пиронсолону маъюбон нигаронида шудааст.
Ҳамчунин гуфта шуд, муассисаи мазкур барои 230 нафар пешбинӣ гардида, ҳоло дар он ба хизматрасониҳои тиббӣ ва иҷтимоӣ 191 нафар бошанда фаро гирифта шудаанд, ки аз онҳо 97 нафар мард ва 94 нафар зан мебошанд.
Ҳамзамон зикр гардид, ки аз шумораи умумии бошандагон 28 нафар маъюби гурӯҳи I, 55 нафар маъюби гурӯҳи II ва 3 нафар маъюби гурӯҳи III мебошанд.
Тазаккур дода шуд, ки заминҳои назди «Хона-интернати пиронсолон ва маъюбон»-и шаҳри Турсунзода самаранок истифода шуда, дар муассиса маҳсулоти зарурӣ ба таври кофӣ захира гардидааст.
Зимни вохӯрӣ бо пиронсолону маъюбони хона-интернат, Ширин Исматуллозода аз таваҷҷуҳу ғамхориҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Ҳукумати мамлакат нисбат ба онҳо ёдовар шуда, доир ба тадбирҳои минбаъдаи Ҳукумат дар самти дастгирии иҷтимоии пирону маъюбон ибрози андеша намуд.
Бошандагони хона-интернат дар навбати худ, ба роҳбарияти давлату Ҳукумат, бахусус Пешвои муаззами миллат барои таваҷҷуҳ ва ғамхориҳои пайвастаашон изҳори сипосу миннатдорӣ намуданд.
Ёдовар мешавем, ки ба гурӯҳи корӣ ҳамчунин муовини Вазири тандурустӣ ва ҳифзи иҷтимоии аҳолӣ Зулфия Абдусамадзода ва муовини Вазири маориф ва илм Латофат Назирӣ низ шомил буданд.
Сарвари давлат: «Меҳргон яке аз муҳимтарин ҷашнҳои табиӣ ва фарҳангии мо – тоҷикон аст»
Президенти Ҷумҳурии Тоҷикистон Эмомалӣ Раҳмон бо медали «Барои хизматҳо дар рушди ҳамкории башардӯстона» сарфароз гардонида шуданд
ТОҶИКИСТОН — МИЗБОНИ ЧОРАБИНИҲОИ МУҲИМИ БАЙНАЛМИЛАЛӢ. Интихоби Душанбе чун макони баргузории ин чорабиниҳои муҳим ба таҷриба, эътибор ва нуфузи байналмилалии мамлакат асос ёфтааст
Вуруди Резервати биосферии «Ромит» ба Шабакаи ҷаҳонии мамнуъгоҳҳои ЮНЕСКО — рӯйдоди муҳим дар соҳаи экологии Тоҷикистон
ДИПЛОМАТИЯИ ТОҶИКИСТОН: АЗ СУХАНРОНИИ ТАЪРИХӢ ТО ТАШАББУСҲОИ ГЛОБАЛӢ. Эҳдо ба Рӯзи кормандони хизмати дипломатии Тоҷикистон
Президенти Тоҷикистон: «Таъсиси Маркази минтақавии зеҳни сунъиро дар шаҳри Душанбе салоҳи кор мешуморем»
Пиряхҳо ва дигар манбаъҳои обии Тоҷикистон то 60 фоизи захираҳои оби Осиёи Марказиро ташкил медиҳанд
Тоҷикистон дар соҳаи дипломатияи об мавқеи фаъол дорад
Тоҷикистон аз пайомадҳои манфии раванди тағйирёбии иқлим нигарон мебошад
Эмомалӣ Раҳмон: «Қатъномаи махсуси СММ оид ба эълон кардани «Даҳсолаи таҳкими сулҳ ба хотири наслҳои оянда» мавриди баррасӣ қарор дода шавад»
Президенти Тоҷикистон: «Маҷмаи Умумии СММ имконияти эълон намудани Соли байналмилалии маърифати ҳуқуқиро мавриди баррасӣ қарор диҳад»
Муҳаммадҷаъфари Ёҳаққӣ: «Мо раҳбари хирадмандеро меситоем, ки дасти як миллатро бар «Шоҳнома»-и устоди Тӯс кушода кард»
